Press "Enter" to skip to content

Breaking News : Hakha CCPR zung ralkap nih an kulh

Breaking News : แ€Ÿแ€ฌแ€ธแ€แ€ซแ€ธแ€™แ€ผแ€ญแ€ฏแ€ทแ€›แ€พแ€ญ Chin Center for Peace and Reconcilation (CCPR) แ€›แ€ฏแ€ถแ€ธแ€€แ€ญแ€ฏ แ€…แ€…แ€บแ€žแ€ฌแ€ธแ€™แ€ปแ€ฌแ€ธ แ€แ€„แ€บแ€›แ€ฑแ€ฌแ€€แ€บแ€…แ€ฎแ€ธแ€”แ€„แ€บแ€ธ

Hakha CCPR zung ralkap nih an kulh
======
Chin Ramkulh, Hakha khuapi an dirhmi Chin Center for Peace and Reconciliation (CCPR) zung cu nihin March 9 zinglei sang ah ralkap nih an kulh dih.Hi kong he pehtlai in Chin State Administration Council zung chairman Pu Ngun San Aung nih, “CCPR zung an kulh le kulh lo zeihmanh ka thei lo. A konglam ka rak hlat ve lai. Thawngtu kan thanh than hna lai,” tiah a chim Atu hi Hakha University hmun chung zong ah ralkap nih umhmun an khuar. Cun, Falam le Tedim sii-innpi chung zong ah umhmun an khuar tiah theih a si. Hi kong ah Minister Gen. Han Win Aung zong pehtlaihnak kan tuah nain a phone a tlai lo. The Hakha Post

Thawngpang dang relchap >>>>>>>>

Lungrual kan herh rih! Kan tei hrimhrim lai!
โ€“ Salai Ceu Bik Thawng
_____________________
Khahโ€ฆ. hun ihne tualmal rih ko hna usih!
(Biakhiahnak caah a biapimi-thil le zualral-thil thleidan thiam herh)

Tlangcungmi caah cun โ€œdemocracy maw na duh deuh federal/mahte-uknak dah?โ€ ti biahalnak um sehlaw federal kan ithim dih ngawt cio ko lai. Cucaah cheukhat nihcun โ€œziah democracy cu tlangcungmi caah a biapi bik asi tung lo, aziahdah federal/mahte-uknak lohma kaltak in democracy tiluan ah kan i peih dih kun ne?โ€ tiah biahalnak tete a um. Keimah zong miphun covo le federal โ€œpakhatnakโ€ ah a chiami ka si ve ko nainโ€”hitin tawi tein fianter ka duh.

Eisenhower timi pa nih urgent (zualral) timi le important (abiapimi) timi thenhaithiam a herhnak principle a chuahmi cungin zohchih ah a fiang ngai ko tiah ka ruah. Abiapi bik kha hmasa bik ah tuah hrimhrim ding tinak si theng lo i ahmasa ah kan tuah ruangah cucu a biapi deuh tinak zong a si thlu lem fawn lo. (Tahchunhnak ahโ€” zingka kan thawhka in hmasa bik ah facebook kan zoh ruangah khakha a biapi bik si theng loโ€”thilthar le zualral hna um sual maw tiah chikkhat van zohta bia a si).

Atu ah ralkap uknak thlaaknak le democracy thlennak caah mipi nih kan thazang dihlak kan bungh. Cucu zualral(urgent) thil a si caah a si. Kan ramkhel ah a biapi bik a si tinak si lo nain atu lio ah zualral bik a si caah a si. Atu thla hnihkhat asiloah kum hnihkhat chungah kan tei lo ahcun kan tei thai ti lailo, asiloah, cantha(chance) a um than ti lailo caah a si. Ukraine ram mipi dothlennak cu ni 85 a rau.
Federal/miphun-covo khelnak cu kan thih tiang kan khel ding si ko. Kawl nih an ti tawn bantuk in Democracy-pakhatnak, Federal-pahnihnak kan tinak a si hrimhrim lo.

Cucaah ahohmanh lungawtawm hngin lo tein le thachia lo tein kan thazang dihlak in ralkap uknak kan thlaak khawh hlan tiang dir-awnh ko hna usih. Atu tlawmpal ah a nak/rang aa hliah colh ko lai. Kan tei pek kan sungh pek ahโ€” khi hnu cunโ€” kan miphun lohma ah kan kir dih than te ko hna lai.

Biakilh: Ralkap-thlaak le democracy lohma kan lim khin Kawl pawl cu โ€œrian limโ€ an ti te lai i an idin te lai. Kannih tlangcungmi pawl belte cu kan cho canceo lawng si rih lai caah federal/miphun covo caah idin loin lohma nawr rih kan hau te lai. Cucu kan ram tuanbia ah kan ton cia cangmi a si ko. Cucaah lung-ne ngei tein le tha hman thiam tein hmainawr cu kan hau ve).

Lungrual kan herh rih! Kan tei hrimhrim lai!

Credit: Salai Ceu Bik Thawng

More from Breaking NewMore posts in Breaking New »

Be First to Comment

Leave a Reply

Your email address will not be published. Required fields are marked *