Press "Enter" to skip to content

Breaking News : Hakha Hermon sang um saya Bawi Tin inn cu chun suimilam 12 hrawng ah mifir nih an bauh i phaisa ting 7 hrawng an lak

Breaking News : November 11,2020 ah Hakha Hermon sang um saya Bawi Tin inn cu chun suimilam 12 hrawng ah mifir nih an bauh i phaisa ting 7 hrawng an lak tiah a min chim duh lo pa nih CBN ah a chim. Saya Bawi Tin hi Thingram zung ah a tuan mi a si i an an chung tein Thang-aw khua an kal kar ah hithil a can hi a si tiah theih a si. Chin Broadcasting Network

Thawngpang dang relchap >>>>>

Trump Dirhmun Bantuk Ah Hin Us President Bush Nih Cun Teinak A Rak Co

US rampi i thimnak cu tukum lawng siloin tukum bantuk buainak cu 2000 kum zongah an rak ton cang. Culiao ahcun Democratic party leinih Al Gore cu US president thimnak ah teinak a co tiin phuan a si i an party le mipi nih an lawmhpi cuahmah. Asinan, Florida State i Palm Beach County ah vote cabawm kuatmi diklo mi tampi a um tiin vote thlatu mipi pawl nih Court ah zual an kawh i Court nih lai a relpiak.

Al Gore ,a party le mipi pawl cu ni 37 chung bak teinak an comi lawm in nuam taktak in can an rak hmang cang, Supreme Court nihcun US rampi thimnak ca i diklo nak a um ruangah teitu cu George W.Bush a si tiah bia an chuah. Bush cu a sung cang nan, ni 37 hnuah Court hmangin teinak a cotthan. Cubantuk in Trump nih teh teinak a cotthan hngamaw timi cu hohmanh nih kan thei kho rih lo i Trump leinih tuhi ttan an lak cuahmah liaopi a si.

Mipi nih kan i fian ding pakhat cu tu i Myanmar ram i thimnak ca Vote rel cuahmah liaopi a si i a tlangpi in ai thei thlu pah cang ko. Cucu tuanvo neitu pawl nih Myanmar ram Election Commission sinah an kuat thlu lai i Elcetion Commission nih teitu cu tlamtling tein an phuan tthan telai.

Election Commission nih bia an chuah rih lo nan, hmunkip ah NLD nih teinak a co timi cu mipi nih kan theih dih cang. Cucu Social media pawl hmangin a si.Myanmar zong result ai dang khomi a sinan, diklo nak ngaingai biaka theih ding a um loh, Myone pakhat hnih diklo micu an relchih tthan colh. Curuang ahcun Myanmar rampi i thimnak kongkau ahcun mipi buaibai mi an um lo. US zong cu bantuk ciahciah cu thil umning a si. Asinan, US ahcun diklonak a um hrimhrim timi cu hmuh le theih a si i cuzawn ahcun myanmar ramhe cun an i dang ngai ngai. Myanmar ram i thimnak kong ah bia dang thil fello mi a rak chuak tthan te hngamaw timi cu theihkhawh a si ve lo.

Tutan US rampi thimnak ah Biden nih Trump a thlau tuk lawmmam i vote diklo an relchih a si zongah a lonhtthan kho hlei laimaw timi cu ruahawk ngai a si. zeiruang tiah cun hihna pahnih an vote ai thlau ningcu a tamtuk lawmmam, Supreme Court nih zeitin dah bia a khiah telai ticu theih a si rih lo, vote reltthan ding a si ahcun an reltthan hnu i a phichuak ningkhan a si telai.A tuliao i teinak a co milei nih lomhpi nak lomhnak nak puai an tuah cuahmah mi zonghi mawhthluk tuk ding an si ve lo, State kip vote relmi an theih ningin an lawmh vemi a siko.

Curuangah a lawm minih lawmve ko hna seh, thil dik le thilhman cu a rauh hlan ah a lang tthan colh kolai. December 13 hlan tal ahcun thil sining a fiang ko lai tiah zumh a si. December thla chung hrimhrim ah Election Commission leiin hodah US president thar a ttuan ding timi cu an phuan a hau, Tutiang dirhmun ahcun ram hruaitu tampi zong ruahning ai khat hna lo i a mah ah diklo nak a rak tongve cangmi “Bush” zongnih Biden cu a lomhpi taktak ve.

Be First to Comment

Leave a Reply

Your email address will not be published. Required fields are marked *