Breaking News! Halkha in Gangaw lei kal ralhrang kong ka update rih lai lo ka ti nain msg ah le comment ah rak update ko law timi nan um len caah. Ralhrang hi Tinam khua an phan cang i hriamngan an kah caah meikaang a chuak i Lothlam maw si zeidah timi a fiang rih lo, Khuami hna hi hmunhimnak ah an zaam cio caah zei a fiang rih lo . Credi: Salai William HC
Relchap; Britain nih Ukraine cu hriamngan tampi a kuat lai. The Chinland Post | 2022 March 26 – Russia nih a dohnak aa khamh cuahmahmi Ukraine caah hriamngan (Missiles) 6,000 le USD $ 33 million kan bawmh lai tiah Britain Prime Minister Boris Johnson nih March 23 ah a chim.
Russia nih Ukraine a dohmi kong he pehtlai in biaruahnak a ngei dingmi NATO phu le G7 Summit Conference hlan ah atu bantuk in Britain nih a thanh hi a si. Ukraine thapek ding le Russia sipuazi phihkharnak tuah dih in Moscow cozah thiltuahmi pawl an rannak in lehrulh ding ah Prime Minister Boris Johnson nih nitlak lei hawikomh phu pawl cu forhfialnak a ngeih hna.
Lamhlat a kap khomi le Intelligence pawl telh in Ukraine mipi khamhnak tuah chap ding in hawikomh phu pawl he rianṭuanṭi ding in kan i tim tiah a chim fawn. Javelin tiah auhmi hriamngan pawl telh in tanks a hrawk khomi hriam 4,000 leng Britain nih Ukraine cu a bawmh cang.
SAC mawtaw 80 leng doh dingah a hlannak in timhtuahnak ṭha deuh kan ngei: CDF-Mindat. The Chinland Post | 2022 March 26 – Magway ramṭhen Kyaukhtoo in Chin ramkulh, Mindat khua ah a raa mi SAC ralkap mawtaw 80 leng kahdoh dingah a hlannak in timhtuahnak ṭha deuh kan ngei tiah CDF-Mindat in biachimnak nawl a ngeitu Salai Ha Um nih a chim.
Tank 2 aa telmi ralkap mawtaw thluan hi March 23 ah Mindat khua ah an phan tiah theih a si. SAC ralkap mawṭaw thluan cu March 25 ah Mindat in Matupi lei ah eidin chan dingin an len tiah theih a si. Mawṭaw pawl hi eidin khat tein an phor I frame pawl zong a hlannak in ṭha deuh in an tuah i ruah khamnak zong him tein an khuh tiah a chim.
“Tutan ah a hleikhunmi cu mawṭaw cungah hriamngan pawl timhcia tein an chiah hna. A hlannak in an i timhtuah dan a ṭha deuh. A hlan cu tank lawng a si. Atu cu tank lengah hriamngan pawl zong an i tel chih” tiah Salai Ha Um nih cun a chim. CDF-Mindat facebook cahmai ah CDF-Mindat headquarters strategist nih a ruahdamhmi a tanglei bantuk in an langhter.
“Kan mah lei ah a raami tank 2 le mawṭaw 80 leng hi a luancia kahdohnak voihnih lioah kanmah lei a thimi um lo tein fak tak in kan kah hna i a thimi cazin zong an theih ko lai. Atu cu ṭha tein timhtuahnak an ngeih caah a har deuh ko lai” tiah Strategist nih a chim. SAC ralkap pawl nih CDF-Mindat hi an kan theihfiang ngai cang i kan meithal kuan zong a tlawm ngai tiah a langhter.
“Mipi hna nih CDF-Mindat hi nan lung kan tling tuk lai lo. Himnak a lakpiaktu ralkap 400-700 lengah lamhlaipi a kap khomi mawṭaw le hriamngan a ngeimi ralkap he i tuk hi a fawi bak lo. An mawṭaw pawl le an tank pawl cu hrawhpiak khawh an si. Lampi i an tap tikah a pawngkam khua hna harnak an pekding kha kan thin a phang. Atutan mawṭaw cungah an phorhmi hi hriamnam hna an si ko lai” tiah CDF-Mindat Strategist nih a chim.
An hriamnam le kuan pawl hi AA he raltuknak lei entainak a um caah Matupi battalion thazang chap ding in an phorhmi a si lai tiah a chim.
“A ruah hlan ah kahdohnak a chuak ko lai” tiah strategist nih a Facebook cahmai ah a tar. SAC ralkap hi a hlan zongah Mindat in Matupi ah mawṭaw in thazang an chap i CDF-Mindat nih voi tam ngai an rak kah cang hna. the chinland post
Be First to Comment