Press "Enter" to skip to content

BREAKING NEWS: Hakha Khuapi Ah Hriamngan Thawng A Thang Than Cang Ee

BREAKING NEWS: Chin Ramkulh, Khualipi Hakha ah 3:40pm Hrawng In Hriamngan Thawng a Thang! Hakha ummi pakhat nih, “Nihin August zanlei sml 3:40 hrawng in hriamngan thawng a thang. Voi dang bantuk a si lo. Hakha khuapi a tlerh dih, voi ruk hrawng cu a thang cang! A than ning cu chim thiam a si lo,” tiah Thawng kan ṭial tiang ahhin The Chin Post ah a chim.

“Hriamngan an kahnak thawng a than tuk caah meh ka kiau i, darkeu in ka cawh lio ah ka thlet dih. A thang tuk hringhran. Voikhat an kah paoh ah voi hnih a tlirh,” tiah Hakha ummi pakhat nih a chim ve. Credit; The Chin Post

JESUH MUI THLENGNAK TLANG AH THUMKOMH PATHIAN (TRINITY) A SINAK A LANG (Mark 9:2-13; Matt 17:1-13; Luke 9:28-36. Jesuh Muithlengnak (Tranfiguration of Jesus) kong hi a cunglei langhtermi Baibal ah fiang tein hmuh khawh asi. Jesuh nih a zultu 12 lak ah Peter, John le James lawng a sawm hna i, tlang cungah an kai.

Thla an caam i, Jesuh cu a mui aa thleng. Moses le Elijah kha an ra i, Jesuh he bia an i ruah hna. An biaruah mi cu Jerusalem ah Jesuh nih temh ingnak a tong dingmi le a thihnak ding kong asi. Cu thil a cang mi cu Zultu pathum nih an mit bak in an hmuh i an hna bak in an theih..

Cun Moses le Elijah an kal hnu ah vancung in MINMEI (KHUADAWM) nih a zelh hna. Zultu pathum nih cun an țihtuk i an thin a phang. MINMEI (KHUADAWM) chung in AW a thang. “A MAH HI KA DAWT MI KA FAPA A SI, A BIA KHA NGAI UH” Mah ah hin Pathian cu Trinity asinak a lang. Khuadawm (minmei) nih Thiang Thlarau a langhter.

▪Jesuh (a mui aa thleng) ▪Khuadawm (Thiang Thlarau) ▪Pa Aw (Ka Dawt Mi Ka Fapa Asi) KHUADAWM (Cloud) CU THIANG THLARAU HMELCHUNHNAK A SI. Baibal nih khuadawm kong a chim paoh ah Pathian Umpinak (The Presence of God) kha a langhter. Pathian umpinak timicu Pathian nih a Thiang Thlarau in a kan umpi tinak asi.

(1) Moses cu Tlang cung ah ni 40 rawl a ul i Khuadawm nih a zel tiah Baibal ah kan hmuh. Cu khuadawm cu Pathian umpinak (The presence of God) Thiang Thlarau asi (Exo 24:15-18) Jesuh Khrih zong ramcar ah ni 40 rawl ul dingin Thiang Thlarau nih lam a hruai.(Matt 4:1)

(2) Israel mi hna ramcar ah kum 40 chung Khuadawm (Thuang Thlarau) in lam a hruai hna. Kan nih zumtu zong lam a kan hruaitu hi Thiang Thlarau asi.

(3) Solomon Biakinn cu khuadawm (Thiang Thlarau) nih a zelh i a hohmanh khuadawn (Thiang Thlarau) hmai ah an dir kho lo. Biakinn ah Pathian Sunparnak a khat. (2Chor 5:13-14). Zumtu zong Thiang Thlarau biakinn kan si (1Cor 3:16).

DONGHNAK; Matt 3 chung, Jesuh tipil inn lio ah Thiang Thlarau cu Thuro in aa langh. Vancung in Pa Aw a thang “Amah hi ka dawt mi ka Fapa a si” ati.

Avoi hnihnak Jesuh mui thleng tlang ah Thiang Thkarau cu Minmei (Khuadawm) in aa langh. Pa Aw a thang “A mah hi ka dawt mi ka Fapa a si” tiah a nolh rih. ““Hna nan ngeih ahcun, Thlarau nih Khrihfabu hna sinah a chimmi bia cu ngai tuah u,” BIATHLAM 3.22. Laknak: Exodus-Chuahnak Lam

Be First to Comment

Leave a Reply

Your email address will not be published.