Breaking News : Kawl ralkap CNF/A camp kal an i tim than
Kawl ralkap CNF/A camp kal an i tim than tiah Tlanglo khuami hna nih chim
CNF/CNA စခန်းသို့ စစ်တပ်မှ ထပ်မံသွားရောက်ရန် ပြင်ဆင်ဟု တလန်လို ရွာသားများပြောဆို
=====
2021 March 10 CNF/A le kawl ralkap hna kaphnih ton biaruahnak an ngeih dih hnu kawl ralkap lei Camp Victoria ah an lan i nihin 2021 March 11 zong lan than an i tim tiah theih a si. Hi kong he pehtlai in Tlanglo khua upa pakhat nih, “Nizaan kha kan khua ah an riak. Mehhang zong kan kawlpiak hna i tangka zong an kan pek. Cunglei nih Camp Victoria lei va tum than uh an kan ti ca ah tum kan i tim than tiah ralkap nih an ti. Atu hi CNA lei lamkaltu pakhat le ralkap lei bia an i ruah lio a si. A buai ngaingai ko,” tiah a chim.
Atu bantuk in ralkap nih Camp lei lan than an i timh ca ah khuami cheukhat an lungre a thei i Mizoram, Hakha le Thantlang lei ah zaam hram aa thokmi zong an um cang tiah kan theih. Atu hi Dr. Sui Khar zong Tlanglo a phan than cang. Bia an i ruah cuahmah. Thawngpang kan in thanh than te hna lai. The Hakha Post
thawngpang dang relchap >>>>>
Kawl Ralhrang Hna Cu,Nan Mizia Simh Cang U,Nan Simh Lo Siah Cun, Nan Tuh Mi Theipar Cu,Nan Mah Nih Nan Zun Tthan Lai
EU ralbawi Hervé Bléjean nih Ralkap phone in a van call cang hna.Thawngchia lak ah thawngttha pakhat a um cang. Tuni ah EU ah Ralbawi bak a simi Hervé Bléjean nih Kawl ralkap bawi Soe Win cu phone in a van chawnh.
Sandah piahmi mipi nan kahmi hna hi a rannak in ma cang uh kan nin ti lio hna ah hin ma cang u,International Law zong hi zul pah uh.Cu ti nan tuah lo siah cun,nan cungah hremnak pek nan si cang lai i, kan nin zoh sawhsawh ti hna lai lo tiin a chimh tthan cang.
Zeitluk a sualmi ralkap le police hmanh hi Mipi a vengtu an si zungzal. Nan nih cu Mipi caah ralhrang bantuk nan si cang.Nan umtu ning hi vawlei cung ramkip hna nih kan nin theih dih ko cang hna. lih le hrawkhrawl long tein bia nan chim i,nan ramchung mipi hna nan kah hna lengah an nunnak tiangin nan lak hna tiin faktuk in a hro ve tthan cang mi cu asi.
Hiti mipi nan kahmi hna hi EU nih kan duh hrimhrim loh. Upadi ning tein nan ram buainak hi nan tawlrel cangnak lai kan zumh i, nan tawlrel lo siah cun,nan tuh mi theipar cu nanmah nih nan zun tthan ko lai tiah a ti cang ko hna.
A tu i, EU ralbawi nih a chim mi hi, a sawhsawh si tilo i, kawl ralhrang hna nih an mizia an simh lo ah cun, an tuh man cu an mah nih an zun tthan cang lai tinak si ko cang. Ref. VOA. By EU Ralbawi.
