Breaking News! Mindat Le Matupi Kar Ah SAC Ralhrang Le CDF-Mindat Kahdohnak A Chuak

Mindat Le Matupi Kar Ah SAC Ralhrang Le CDF-Mindat Kahdohnak A Chuak. Matupi in Mindat leiah a rak kai mi SAC ralhrang hna le CDF-Mindat hna cu nihin May 2, zing suimilam 7:00 hrawngah kahdohnak a chuak hi a si tiah CDF-Mindat nih (Cathanh an chuah) thawngthanhnak an tuah. မင်းတပ်-မတူပီကြားမှာ ဒီမနက်တိုက်ပွဲဖြစ်ပွား/ မတူပီမှ မင်းတပ်ကိုဆင်းလာတဲ့ စစ်ကောင်စီတပ်များနဲ့ CDF-Mindat တို့ ယနေ့ မေ ၂ ရက် နံနက်၇:၀၀ ခန့်တွင် တိုက်ပွဲဖြစ်ပွားနေပါတယ်။ CDF-Mindat (သတင်းနှင့်ပြန့်ကြားရေးဌာန) Credit; Zalen

Relchap; Hngakchia hna khi an pa le an pawngah an um ahcun an lungthin athawng i anmah nakin a ngan deuh mi zong kha tih lo in an dirh onh ngam hna. An anpa le an pawngah an um lo ahcun anmah nakin ahme deuhmi hna zong kha an tih hna. Raltuk kan timi hi hngakchia thinlung bantuk khi asi ve tawn. Ral tuk tikah Hruaitu upa kan pawngah an um ahcun kan lungthin alet in athawng deuh ve tawn..

Ukraine nih amah nakin alet tampi in athawng deuh mi Russia akhamhkhawh mi khi, a ruang tampi lakah an President Zelensky nih an pawngah a umpi mi hna khi aruang ngan ngai pakhat asi,’tining law ahodah a el ngam lai, Ka chimh duhmi cu ral teinak ding ahhin lungthin thawn hi abiapi bik i, ‘cu lungthin thawnnak caah cun hruaitu upa hna nih an ralkap hna an pawng te ah umpi le tha zaang pek hi asi.

American nih Vietnam atuk lio ah ral atuk mi an ralkap hna kha an hruaitu le hlasak thiam an min thang hna le an muidawh hna nih ralram ah tha zaang an va pek hna, Iraq ral le Afghanistan ral atuk lio zong ah an President hna nih an ni sunglawi a simi Thankgiving le Christmas hna an va hmanpi ton hna. Hi hi ‘lawmhnak ni sunglawi’ kal takin nanmah sinah harnak kan ihrawm ve tih langhter pah in tha zaang an vapek mi hna khi asi. Hi an thil tuahmi nihhin an ralkap lungthin kha athar in athawnter than tawn.

Kawl ralbawi pawl hi cu hlan an raltuk mi zohtikah ral atukmi an ralkap hna khi ahmun ah tha zaang an vapek ton hna. KNU atuk lio ah ralbawi hna nih ahmun ah an ralkap tha zaang an vapek hna. KIO/A atuk lio zongah Min Aung Hlaing pumpak in akal i aralkap tha zaang a vapek hna. AA atuk lio zongah MAH pumpak Arakan ramah akal i, aralkap tha zaang a vapek hna.

Atutan hi cu an ralkap ralram a ummi hna kha tha zaang an vapek kho ti hna lo. Aruangcu; mipi dohthlennak dirhmun kan phak cang tikah a hodah ka ral asi….a hodah ka ral asi loh tikha an thei kho tilo. Mipi vialte te kha ral ah akan hmuh dih cang. Cucaah kan nunnak ahim tilo, tikha an theih caah ‘Gandhi’ te chungkhar bantuk in chikkhat te ah kan nunnak adih khawh ti hi an phang ngai caah ralhmu ah an kal ngam lonak hi asi.

Atu an dirhmun hi zohtikah tlangcung State hna va kal cu chim lo.’an hrampi bik a simi ‘Naypyidaw’ hman ah humhimtu tha te in an neih lo ahcun leng an chuak ngam tilo. Abikin an lau khunnak cu; Yangon le Naypyidaw PDF hna nih khuachung ah ralthli in an kah hna tikah kan tappi le kan lung thu zong pei ahim ti lo hi, tikha an theih caah an lau khunnak hi asi.

Atu ning te hin leng chuak ngam lo in an ralkap ral atuk mi hna kha ahmun ah tha zaang an vapek khawh hna lo ahcun an ralkap lungthin kha atla chin thluahmah lai i. a hnu ahcun ral hmun an ser khawh ti lailo. Raltuk thiam ralbawi hna nih an chimh tonmi ‘bia’ cu alungthin ader /tla cangmi ralkap ral vatuk ter khi tha zaang aneih tilo mi hna ti ian vai leuh ter mi bantuk asi, ‘an ti..

Tha zaang aneih ti lomi ti lian vai leuh ter hna khi ‘ti’ ah va pam tinak khi asi ko. Chimh duhmi cu lungthin ader/ tla cangmi ralkap ral vatuk ter khi ral kut in va pam ti he ai lo caah, cubantuk raltuk nihcun zeitikhman ah teinak ahmuh bal lo. Cucaah ral tei timi cu lungthin ah ai hngat an ti tonnak khi asi.

Atulio ralhrang dirhmun kan zohtikah ralkap tha zaang an i pha zo tilo pinah acunglei ralbawi hna nih ralram ah a ummi an ralkap hna kha, tha zaang an vapek khawh ti hna lo caah an ralkap lungthin atla ngai cang. Cucaah caan sau deuh arauh ahcun ralhmai hi an ser kho tuk ti lailo.

Cucaah ralram kal tuk ti lo in, an umnak SAKHAN le apawng hrawnghrang lawng ahhin an umkal teh lai. Tha zaang der pin ah lungthin der nih atlak chih ahcun sungh vialte lakah sungh nganbik asi. Credit; Van Neih Thang CNF