Press "Enter" to skip to content

Breaking News : Motor Nih Bike Mawngtu Faktuk In A Pah Ruang Ah Thihnak Tiang A Phan

Tuizing November 29 zinglei nazi 12:50am ah Mawtaw nih Bike mawng i ai phur mi pahnih cu Sanchaung vengah a pah i a hmunah bike hnulei i a thu mi nu pakhat a thi colh. Bike mawng mi cu mawtaw tanglei ah a tang i mawtaw mawngtu cu i din duh loin inn tiang a mawngh.

Mawtaw nih bike mawngtu a pahnak hmunin meng cheu tluk a hlat nak in an inn tiang mawtaw cu a mawngh thluahmah i mawtaw chiah nak mawtaw cu a chiah. Mawtaw tanglei ah cun bike mawng minung a pahmi cu a rak taang i mitat pawl nih nazu @ le cheu chung an buaipi hnu ah mawtaw tanglei i a tang mi bike mawng tucu an chuah khawh fangfang a si. A rianran nak in cu mizawzual cu an zohkhenh cuahmah lio a si tiah palik lei nih an chim. Bike mawng tu i phurh mi nu cu mawtaw i a pah nak hmun ah cun a thi colh.

Mawtaw mawngtu a min le a konglam cu a ho hmanh nih an langh ter lo i a hmanthlak hmuh ding zong a um loh. Mah cu konglam ah cun myanmar ram minung khuaruah har tertu a si i biahman an theih khawh nak ding hrimhrim ah palik pawl cu buaipi ding in mipi nih an phut hna. Hi kong hi Myanmar Media puitling tampi nih an thlah nain, a ho hmanh nih mawtaw a neitu konglam hi a thlah tu an um loh. Thil ti kho ngai mi mirum taktak ah ruahmi a si.

Tu ahcun mawtaw mawngtu cu palik nih palik nih an tleih cang tiah palik lei nih cun an chim nain, khatluk caan saupi hnu ah mawtaw neitu nih cun a mah aiawh tu midang arak ruah lai tiah a ruat tu minung zong an tam pi. Bike mawng tu i a pahnak hmunah i din duh loin Inn tiang mawtaw a mawngh thluahmah mi cu mipi an thin a hang dih i faktak tak in hrem ding ah palik sin ah an phut hna. ( DVB News) Credit : Vapual Auaw

Be First to Comment

Leave a Reply

Your email address will not be published. Required fields are marked *