Breaking News : Nihin chun Kan Far Nu ralkap nih an ti Ning Cu a fak tuk ko mu (+Video)
A poi kho tuke. Nihin Sandahpiahnak ah an kah hoi hna. Atlawm bik minung 3 cu an thi. Anih Mung Yua ah a cnagmi a si nu sal ram caah a pum ai pe bak ko. Upat tlak a si. Ralhrang hi an biachim le an tuahsernak a kalṭi bal lo. A poi taktak khi a si. Thil a cnag lengmang mi zoh ah lung a fak kho tuk e. Hmun dang dang zongah an kah cuahmah hna. A tanglei ah Vido a um lai.
News dang relchap. Kawlram kong UNSC nih meeting a tuah caan paoh ah Chinese pa nih a veto aa-na a hman lengmang i, Kawlram mipi dohtu ralkap doh ding timi zong hlawhtlinnak a um kho ti lo. Cu tikah thil sining a theihmi pakhat nih a hnubik ruahchanhnak a um Emergency Special Session lawng a um cang timi a tialmi a tanglei ah kan van langhter chin. A tialmi cu a tanglei bantuk in a si.
UN Ram Ram 5 Innkar Khar Khumh Meeting Cu: Chinese pa nih Veto aa-na a hman lai timi cu a hram thok tein ruah cia a si cang. US nih Chinese pa cu nangmah nih Veto aa-na na hman ruangah Diplomatic phung ning in kal in kan bawmh khawh lo hmanh ah kanmah nih cun hriamnam in kan bawmh cang hna lai. Ramchung ral (civil war) ruangah maw na sipuaizi a rawk lai?
Kanmah kan lut ruangah dah na sipuazi a rawk deuh lai timi US bia ruangah Chinese pa cu a President Xi Jinping ruahnak hal hmasa rih ding phun in a um ve cang. Anmah ram ngan pipa hna nih biachahnak an tuah kho lai lo timi cu meetingah aa tel ve lomi ramdang hna nih an theih cia ve caah kanmah Kawlram caah a hnubik Emergency Special Session (ESS) auh than ding in Vote lak than ding tiang an ruah cang.
ESS meeting auh dingah hin General Assembly Member chungtel ram 15 zazi chungtel ram hna chung in Estonia, India, Ireland, Kenya, Mexico, Niger, Noway, Saint Vincent & Grenadines Tunisia, Vietnam ram hna sin in Vote (9) ngah ahcun UN General Secretary nih ESS meeting a auh piak ko hna lai. Chungtel a si lomi ram pakhat nih propose a tuah ahcun Assembly auh in an vote dih lai i ESS auh ding biachahnak an tuah lai.
Ram ram 9 tel ding cu vote a tam ngaimi a si. Atu lawlawse cu Ireland nih chuahpi (propose) a timh. Ahohmanh nih an chuahpi lo zongah US nih a chuahpi thiamthiam lai. ESS ah cun Veto aa-na hman khawh a si ti lo i majority vote in biachahnak an tuah cang lai. United Nations a um thok in nihin tiang ESS 10 auh a si cang.
Atu Kawlram kong an auh than ahcun voi 11 tinak a si lai. ESS an auh cang ahcun suimilam 24 chung meeting tuah a si. ESS biachahnak tuah hnu ah a dohkalhtu an um sual ahcun cucu vawleipi biachahnak dohkalh bantuk a si cang. UN caukpi kau bantuk a si cang. April 7 ni hlan ah ESS auh ding biachahnak an tuah te lai tiah ruahchanhnak a um ko. Crd: Nangweni Win
