Press "Enter" to skip to content

Breaking News; Nihin CNA/CDF Le Ralhrang Kahdohnak Ah Mipi Vengtu 3 An Nunnak A Liam

Nihin chun Thantlang khua CNA/CDF le ralhrang kar kahdohnak ah mi zapi vengtu ralkap lei in minung pathum an nunnak aliam, ralhrang lei in minung zeizah an thih fiangin theih asi rih lo. Crd; The Chin Post

No description available.

Evan. Rual Uk Tialmi Relchap: KAN PATHIAN NGAIH KAN CHIATER SUAL HNGA MAW. Zûmtu nih kan zumhmi kan Pathian lung kan lomhter khawh bangin a ngaih zong kan chiatter khawh ti hi zeitilei hmanh in thlen khawh a si lomi, a hmunmi Baibal cawnpiaknâk phun khat a si.
.
Nizan ah America ah a ummi ka nau le nih cheu hra cheu khat hi ralthuam cawknâk ah pek phung a si maw, atu lio ah America Laimi lak ah kan buai ngaimi a si tiah an ka hal i ka lehnak cu tluangtlam tein:-
Pathian ta a simi cheu hra cheu khat cu hmuh khawhmi pennak (ram) caah hman phung hrim hrim a si lo. Zeicatiah cheu hra cheu khat cu hmuh khawh lomi le zungzal in a hmunmi Pathian pennâk (ram) caah kan pekmi a si, tiah ka ti.

No photo description available.

Cheuhra cheu khat hi hmuh khawhmi pennâk caah kan hman ah cun Lairam le Laimi phun nih hin a fak tak takmi rawhralnâk zong kan ton khawhmi a si ti hi thlarau mit in ka hmuhmi a si tiah ka chap.

Jesuh kha hmuh khawhmi ram uktu Pilat sinah chanh a si lio ah Pilat nih ‘Siangpahrâng na si maw’ tiah bia a rak hal ah khan Jesuh hih Siangpahrâng a sinâk kong a chim hnu ah ‘Ka pennâk cu hi vawlei pennâk hi a si lo. …hei si seh law ka sinum (zûmtu) hna nih an doh ve ko hnga’ tiah a rak ti. John. John18:36-37.

Biakam thar ah a hleikhun in Pathian nih a hmanmi Paul nih ‘Kan nih kan dohmi cu thi le sa an si lo. ..’ tiah a ti. Efe 6:12. Jesuh nih Vailamtahnâk ah a sunglawimi a nunnâk a pek chan hi a hmun lomi hi vawlei pennâk caah si loin zungzal in a hmunmi Pathian peknâk caah a si.

No photo description available.

Cucaah cheuhra cheu khat le kan thawlawm hna hi Jesuh nih a thisen sunglawi a pekchan, zungzal in a hmunmi thlarau lei pennâk caah kan pekmi a si. Taksa in kan khualtlawnnâk hi vawlei pennâk caah cun cheuhra ah cheu kua chungin a herh zat in pumpak siseh bu siseh kan pek awk a si ko.

Asinain Jesuh nih a nunâk tiang pe in a dirhmi zungzal in a hmunmi thlarau lei pennâk caah kan thawhmi cheu hra cheu khat le kan thawhlawm hna a hmun lomi taksa pennâk caah hman hi țih a nung i tuk a sûm tak takmi, Pathian ngaih kan chiatter khawhnâk lam tampi chungin phun khat a si.
Zeicatiah kan Pathian hi phun hnih in a ngaih kan chiater khawh.

Pakhatnâk cu kan tuah hrimhrim ding a simi kan tuah lo ruangah. (Pathian ram kauhter) Pahnihnâk cu kan tuah hrim hrim ding a si lomi kan tuah ruangah. (Sehtan ram kauhter) Cucaah zungzal in a hmunmi thlarau lei pennâk caah kan pekmi cheu hra cheu khat le thawlawm hna a hmun lomi taksa lei pennâk caah kan pek ahcun kan tuah hrim hrim lo ding a simi kan tuah caah fak tak tak in kan Pathian ngaih kan chiatter khawhnak phun khat a si.

Kan rak pek cang a si hmanh ah Pathian sinah sual ngaihthiamnâk hal in thla cam u sih law tu hnu ah cun pe ti lo dingin a fekmi biakamnâk zong kan Pathian sinah tuah u sih. Ka chimcang bang khan a tu kan ton cuahmah mi harnak, taksa peknak caah cun Pathian pennak caah kan pekmi cheu hra cheu khat chung si loin a țangmi cheu hra cheu kua chungin a herh ningin kan pek awk a si ko. Crd; Evan, Dr. Rual Uk

Be First to Comment

Leave a Reply

Your email address will not be published.