Press "Enter" to skip to content

Breaking News; Nihin Lawng Bak Ah Chin Ramkulh in Covid -19 in Zaw mi Minung 26 An Hmuh Hna

Nihin Lawng ah Chin Ramkulh in Covid -19 in Zaw mi Minung 26 An Hmuh Hna

Tedim siizung

Nihin 2021 January 11 chung lawng ah Chin ramkulh in Covid – 19 zawtnak an check mi hna chung in minung 26 sin ah Covid – 19 zawtnak an hmuh tiah kan theih.

Hi chung ah Tedim khuapi ah minung 96 an check hna i minung 22 sin ah Covid 19 zawtnak an hmuh.

Tonzang khua ah Tedim in a tlung mi cu taklinh, rim theih lo in a um caah siizung ah a vaa zohter i RDT in an check hnu ah Covid – 19 zawtnak a ngeih an hmuh.

Cun Falam ah rian a tuan mi (Tedim ah January 7 ah a va kal mi) le amah he a umti hawi minung pahnih sin ah Covid – 19 zawtnak an hmuh hna.

Thantlang zong ah Kalaywah in a rak tlung mi, Quarantine chiah mi pakhat sin ah an hmuh. Cucaah nihin lawng ah Chin ramkulh in Covid – 19 zawtnak an hmuhmi dihlak minung 26 an phanh hi a si.

Nihin tiang ah Chin ramkul ah Covid – 19 zawtnak a ngei mi minung 337 an phan cang.

Atu bantuk in Chin ramkulh cheukhat cu khuapi tual chung a ummi minung sin in zawtnak an hmuh pah cang caah khua in hmundang ah chuah lo ding in cozah lei nih forhfialnak an tuah.

Cherhchan: Chin State Health Department

Crd: TCP Hakha

Be First to Comment

Leave a Reply

Your email address will not be published. Required fields are marked *