Press "Enter" to skip to content

Breaking News : Nihin Tahan Khuachung Ralram bang a Tur lio Khuami Cheukhat Sining

Nihin Tahan Khuachung Ralram bang a Tur lio Khuami Cheukhat Sining
————
Tahan khuachung ralram bang in a tur lio ah khan khuami cheukhat thinphang in le zei tuah awk hngal loin innchung ah hitihin an um hna. Zaan sml. 7:00 hrawng ah meithal thawng a dai. Nihin Tahan ah minung pali an nunnak a liam i cu chung ah cun Chinmi pahnih an i tel. The Chin Journal

thawngpang dang : China Le KIA Ralbawi cheukhat ton biaruahnak an ngei KIA nih china bia hal mi a pawm lo.KIA hi Israel bantuk in Pathian nih thawnnak a pek hna, KIA nih kawl ralkap misual tamtuk an thah cang hna. An sakhan zong tampi an lak. Hriamnam an chuhmi hna hrim cu US $ millions tampi man si cang. Nizan nikhat lawng kawl ralkap hriam an chuhmi hna kha US dollar in 1 millions ($1000000) tluk si an ti. Motor 10 tluk phorh khim si.

Hi bantukin KIA kut in misual ralkap an tilh thluahmah cu ralkap an khuazing china nih an hmuh tikah an hnuzul misual ralkap pawl thih dih an sian hna lo caah nizan March 25.2021 ah Tuluk ram Shweli ah KIA ralbawi cheukhat cu Tuluk nih biaruahnak ngeih ding in a sawm hna. KIA hruaitu cheukhat cu Tuluk he i ton dingah Shweli ah cun an kal tikah Tuluk lei nih cun ralkap na kahmi le na thahmi hi ngol cang u tiah a nawl hna.

Nan ngawl duh lo siah cun Laiza lei in Tuluk ram na luh pimi thil vialte kan in phih dih lai an ti. Na business kan kham lai an ti. Sinain KIA nih Tuluk bia cu a cohlang lo. Ka duh cun ka thah thluahmah lai nanmah nawlpek zulh kan hau lo ti si. An mak KIA. ., KIA nih hin cunglei raltuknak Vanlong Jet fighter pahnih hrawng ngei hna sehlaw kawl ralkap hi cu an ci an hmih hna lai. An lungthin zok tikah Israel miphun bantuk an si.

KIA hi Israel bantuk an si i,pathian a bochan mi an si tikah Pathian hrim nih a umpi hna. Ralkap nih heh tiah cung le tang in an kah sek hna nain KIA an him. Rim nam khrihfa a kan hremtu le a kan that cuahmahmi ralkap thiamtu ah Pathian nih KIA hi a hman hna. Tampi ralkap an thahmi hna hi mipi nih teinak kan hmuhnak lam a kauhter. An lungthin le an ruahnak le raldoh ning uar an um taktak khi si. Atu zongah daih an i tim ti lo. Ralkap misual pawl cu hloh thluahmah an i tim cang. Tluangceu Thang

Be First to Comment

Leave a Reply

Your email address will not be published. Required fields are marked *