Breaking News : Thangtlang market hmai ah motorcycle an i pah
Thangtlang market hmai ah motorcycle an i pah. Palek Van Duh Tling le a min thei rih lo mi Thangtlang market hmai ah motorcycle in an i pah ruang ah Van Duh Tling cu lungfim loin a um caah sii- inn ah Thantlang Sipin Chairman Pu Ram Khar nih a kal pi i faktuk cun an i khong lem loh tiah kan theih.
ထန်တလန်မြို့ Market ရှေ့တွင် motor cycle accident ဖြစ်ပွား ဦးဗန်ဒုတလိန် (ရဲ) ကို ထန်တလန် စည်ပင် ဥက္ကဋ္ဌ ဦး ရမ်ခါရ် က ပြည်သူ့ဆေးရုံသို့ ခေါ်ဆောင်သွားပြီး ဦးဗန်ဒုတလိန် သည် ယခုချိန်ထိ သတိမရသေးဟု သိရပါသည်။ The Hakha Times
Thawngpang dang relchap >>>>>
Ralkap Pawl Nih Khrihfa Pawl Hna Sin I An Umtu Ning Hi Ttih Nungtuk Si Cang
Kawl ralkap nih nawlngeihnak an lak hnu ni tlawmpal ah Yangon ramthen ralkap bawizik (Commander of Yangon Division Military Headquarters) cu biaknak lei hruaitu pawl sinah a kal i tawn biaruahnak a ngeih hna tiah theih a si.
Ramthen ralkap bawizik (Taing-hmu) cu February 2 ni ah Yangon khualipi, Bo Aung Kyaw lam ah a ummi, Sri Sri Durga Bari Hindu Temple ah an kal i, Hindu biaknak lei hruaitu hna nih tawn biaruahnak an ngei hna tiah theih a si. 7day news nih a tarlangh.
Cu pinah nizan February 3 ni ahkhan Khrihfa lei in Catholic Archbishop Cardinal Charles Bo he he zong tawn biaruahnak a va ngeih hna tiah theih a si. Ralkap (Army, Water, Air) chungkhar hna nih Yangon ramthen Yangon Division Catholic Archdiocese umnak biakinn ah COVID-19 runvennak thilri an va hlutmi a si tiah theih a si.
Cu tawnbiaruahnak ah Cardinal Charles Bo nih February 3 nithla khenh in cathanh pakhat a chuak i cu cathanh ah, kan ram nih ruah lo tukmi khuaruahhar thil kan tong i mipi nan tuarnak ah kan lungthin tak tein kan in tuarpi ve hna tiah a telh chih ti si.
Tlaih a tongmi hruaitu hna an covo upat piak ding le a rannak in luatter ding zong in a nawl hna ti si. Cu pinah ram hruaitu hna le ralkap kar ton biaruahnak a tlawmtuk caah tu bantuk buainak a chuah timi a hmuh ning zong a langhter chih pinah thawngpang dangdang ngaih le hngak ding rih ding in Daw Aung San Su Kyi zong ruahnak a cheuh tiah theih a si.
Kawlram buainak kong he pehtlaih in vawlei pumpi ram dang hna nih an lung retheihpinak cungah a lung lawmh ko nain ram tuanbia le rampi chawlehthalnak ruahpiak chih buin hmasa bantuk pehtlaihnak tuah a herhnak zong Cardinal Charles Bo nih ramdangmi a forhfial chih hna tiah theih a si.
