Press "Enter" to skip to content

Breaking News : Thantlang khualu ah meithal an puah

Thantlang khualu ah meithal an puah
=============================
2021 March 4 zaan 9:10 PM hrawng ah Thantlang khualu, phungki sianginn chak Ralkap sakhaan in meithal zuun ruk hrawng an puah, tiah kan theih. “Atu naite suimilaam pakua le minutes 10 hrawng ah khan kan in chak, Phungki sianginn chak Ralkap a lei in meithal puah thawng kan theih i kan lau ngai. Zuun ruk hrawng cu a si lai,” tiah Phungki sianginn thlang um mi nu pakhat nih The Hakha Times ah a chim.

Hi kong he pehtlai in thawng a theitu nu nih, “Ralkap sakhaan lei in a si ca ah, Ralkap nih khuami lamzawh mi hna kha tih hna seh, ti phun in an kan thihphaihnak si dawh a si,” tiah a chimchap. Meithal puah kong ah khuami pakhat nih, “An puah caan hi 9:00 PM hlan deuh hrawng ah a si ko. Meithal hi zuun 20 hmanh an puah men ko lai. A voi tam ngaingai,” tiah The Hakha Times ah a chim ve. Thantlang ah hin March 4 zaanlei ah Ralkap motor pakhat in an rak phan tiah Sangmi sin in thawng kan theih. The Hakha Times

Be First to Comment

Leave a Reply

Your email address will not be published.