Press "Enter" to skip to content

Breaking News Palek Minung 130 Leng Mizoram Ah An Lut Zam Kho

Biahmaithi. a tu lio kawlram buaibainak konghe pehtlai in kawl ralkap le palek zei mawzat hna nih Min Aung Hlaing cozah an cohlan lo caah minung tampi nih hmun dangdang ka dangah an zam tak ti cu theih a si.cu hlan ah cun Palek zam mi hna an min le an i dor nak khua le ram tiangin kan rak langhter t’awn na in tuchun thil a cang mi konghe pehtlai in a detail tein kan langhter lai lo caah careltu nih nan rak kan theih thiam nak lai kan in nawl hna.

Nizaan ah Kawl palek rian t’uantu pasal t’ha minung 130 renglo hna cu Mizoram, Farkawn ( india ) ah an lut tiah theih a si.mah hna chungah a tam deuh cu Chin mi an si.hi konghe pehtlai in Fawrkawn khua t’uanvo neitu min langhter lo mi pakhat nih a chim nak ah cun a tutan ah kan khua ah a rak lut mi hna kawlram palek hna cu Central cozah ( india) nih a cohlang hna lo caah ramri ah a cozah theih lo in motor in a thli tein kan va don lak mi hna an si tiah a chim.

Cun, kawlram palek minung 130 hna cu kan khua ah an um i, Central cozah ( india) nih a theih tik ah an kawh hna i cunglei central cozah ah kuat ding tiah an kan ti na in khuami le khuatlang hruaitu hna nih kan dirkamh hna i,cu bantuk in nan kuat hna ding a si ah cun kan mah zong rak kan tlai chih ve ko uh tiah an au hnawh hna caah Central cozah nih kawlram palek an t’uan lio ah an reng le sinak sang an dirhmun tiang in biahalnak a tuah hna hnu in hman a thlak hna hnu in an thlah t’han hna zeitindah an um t’hutto ning a si lai ti cu theih a si rih lo tiah a chim.

Be First to Comment

Leave a Reply

Your email address will not be published. Required fields are marked *