Press "Enter" to skip to content

Breaking News Tuni Febuary 12 ah Ralbawizik Min Aung Hlaing Nawlpeknak in Thongtla 23314 An Chuah hna i ramdangmi 55 An I Tel..

Breaking News

Tuni Febuary 12 ah Ralbawizik Min Aung Hlaing nawlpeknak in Thongtla 23314 an chuah hna i ramdangmi 55 an i tel..

An chuahmi hna chung ah ramkhel thongtla an i tel le tello a fiang lo i an chuahmi hna minung hi mizei an si zong an fianh duh lo tiah RFA nih a tar langh.

Hmanthlak: Insein Thonginn

***********************************************************************

THAWNG DANG RELCHAP………..

Nihin Bia A Kan Chimpiaktu Salai Van Bawi Lian Biachuak (CNLD Candidate)
———————————————————————————
Nihin bia a kan chimpiaktu Salai Van Bawi Lian biachuak
(CNLD Candidate)

– Kum 70 chung hrem a tuar mi Chin miphun lungrual tein tho cang usih. Nihin hi tho cang usih, kan ram kan vawlei kan miphun nih atu theng ah nangmah le keimah hi a kan herh.

– Nihin hi Pyidaungsu ni a si bantuk in Pyidaungsu a sertu, a ngeitu miphun kan si. Kan pu kan pa hna ni Federal caah, Democracy caah nihin hi minsen an rak thut ni a si. Cu ca ah nihin i nangmah le keimah kan aumi hi a sawhsawh a si lo, kum 74 chung kan rak tuarnak, kan rak innak pawl nihin hi ka au than mi a si.

– Lamzawhnak ah a ra mi ka ule ka nau, ka miphun hawi hna kan dihlak hnu thul loin hmai kan nor chin hna lai. Ral tha tein kan doh lai, kan doh mi hi zeidah a si ti kan i fiang cikcek cang. Nihin hi a bu kan i do lo, party kan i do lo, pumpak kan i do lo kan ram nih a huap bik mi RALKAP uknak kan doh mi a si.

– A minung in kan i hua lo, ralkap kan in hua hna lo, palek kan in hua hna lo. Ralkap le palek vialte mipi nih cawmmi nan si ca ah mipi kan tanpi uh, kan dirpi uh. Kan pu kan pa hna nih nihin hi Federal Democracy kan ngah khawh nakhnga minsen an thut ni a si i, khakha a rannak in rak kan pe hram uh, kan pe cang uh. Nan tlaih mi, nan hrem mi vialte hna rak kan thlahpiak cang uh. Zeidang chim loin nihin hrim ah rak kan thlahpiak dih uh.

– Cu lawng si loin Cozah riantuan vialte hna nan lungre thei hrim hlah uh. Nanmah hi kan ram ca ah a biapi cemmi nan si ca ah CDM cawlcanghnak ahhin i tel ding in kan sawm hna. Kan ram hi atu nanmah kut cung ah a ummi a si i, nan i tel ahcun atu kan doh mi hi kan tei hrimhrim lai. Nan rian hi nan hmuh than te hrimhrim lai.

– Cu a si ca ah, nihin i kan tuah mi, kan aumi hi hnu ah kir hna hlah usih, kutsih in hmai ah fong chin rih ko hna usih.

crd: Chin Post

Be First to Comment

Leave a Reply

Your email address will not be published. Required fields are marked *