Press "Enter" to skip to content

Breaking News! U.S Ralkap nih Afghanistan ram ah ralhrang phu, Al Qaeda hruaitu a simi, Osama Bin Ladin rian a chawng tu cu Ayman al-zawahiri cu tuni ah an thah

Breaking News! U.S Ralkap nih Afghanistan ram ah ralhrang phu, Al Qaeda hruaitu a simi, Osama Bin Ladin rian a chawng tu cu Ayman al-zawahiri cu tuni ah an thah khawh tiah theih a si!

CIA nih drone in an kahmi a si! A rauh hlan ah Ayman al-zawahiri an thahnak kong he pehtlai in US President Joe Biden nih thawngfiang chimnak (Press Release) a tuah lai! Credit; The Chin Post

“Dohthlennak Tlangau” August thlathar kan hun domh țhan cang … Maw Bawipa Pathian lam kan hruai in kan umpi law himnak le teinak kan pe ko sawh tiin Cung Zingnu sin thlaza ka cam.

Kan ram pumpi nih a biapi tukmi dirhmun ah kan um, ral a hrat chin thluahmah … kan dohmi ralhrang hi tlangcung Khrihfa miphun hna hloh a kan timtu an si caah ralhrang hi tei hrimhrim i an ci hmih hrimhrim a hau. Cu caah thlacamtu nih fak deuh in thlacam, chawva thawhtu nih tam deuh in thawh kan herh … Ram dawtu pasalțha hna cu pumpek nunthap in ral ram ah ral an doh cuahmah lio a si.

Dohthlennak caah ni 70 tiang thlacamtu phu hna nan thlacamnak Pathian nih a theih hrimhrim lai, pehzulh thluahmah i zuam ko uh … Bawipa nih “ Ka mi hna thlacamnak leh awk ah timhcia tein ka um ko“ a ti. ( Isaiah 65:1a)

Chin miphun chungin Khrihfabu pakhat cu kumkhat cheuhra-cheukhat an i tinhmi $ 250,000 a si i, Dohthlennak caah kumkhat chung Khrihfabu nih an thawhmi $ 280,000 a phan tiah lutlai Pastor hmurka bak in kan theih, zeitluk lunglawmh awk le upat awk dah an si ( Khrihfabu min langhter a țha ko nan ti ahcun ka langhter te lai) …

Chin miphun Khrihfabu hna nih kan tho cio hna lai ta … Bawipa thlacamnak ah “Na pennak tlung cang ko seh” tiah kan timi cu nihin bantuk caan ahhin kanmah le khrihfabu hmang in Pathian nih a pennak cu kan ram ah a tlunter lai cu ….

A khuakhua in Dohthlennak caah tiin lungtho aipuang taktak in Vaurawng buantual in siseh, CBCUSA in siseh, Ramkip Chinland club in siseh $ a tomtom in nan vun thawh lulhmalhmi thawngtheih cu lung hna a ngam in ral a țha chin ko … kan ral hna a thir in an thir ko lai … hitluk a liannganmi pekchanhnak a tluntertu hi ram caah nunnak a pechaanmi pasalțha hna thisen le nunnak nih tlang a au caah a si ko hnga lo maw …

thih-ri nun-ri taktak hun phanh ahcun thisen nih bia a chim ee tiah an ti tawn. Bawipa Pathian nih Genesis 4:10b ah “ Ngai hmanh! Nangmah nih na chuahmi na nau thisen nih khan vawlei in a ka auh lengmang ko” a ti.

Vawlei cungah a tawibik ral dohnak le teinak khuaruahhar hmuhnak cu 1967 June thla i Israel – Arab i tuknak “ Niruk Ral” a si. Hi ral dohnak ah Israel nih teinak lianngan an hmuhnak cu., 1. An ram le an inn caah ral an do 2. An nunnak ca’h taktak ah ral an do 3. Gideon strategy timi ralțhatnak in ral an do 4. Raltuk Fimthiamnak hmangin ral an do,

5. Timhtuahnak țha, runvennak țha le ral lei tinhmi hngalhkhawhnak hmangin ral an do 6. Pathian bochannak he thlacamnak in ral an do. Kan miphun dihlak in dohthlennak ah kan i thawh hna lai. Kan thihnak kan nunnak ca’h taktak a si caah kan ral țha ko seh. Pathian pekmi kan fimthiamnak hmangin timhtuahnak țha ngei usihlaw Bawipa bochan bu in thlacamnak he ral kan do ți hna lai. BAWIPA he cun kan TEI hrimhrim lai. Credit: Tluang Hre

Be First to Comment

Leave a Reply

Your email address will not be published.