Press "Enter" to skip to content

By Sui Tha Iang:Na thei lo mi minung sin ah’Na tuah loding mi thil pawl.

Minung pakhat kha a sining dihlak thei tung loin va neek hlah. Na pawngkam ah a ummi siseh, lamhlat pi ah a ummi siseh minung pakhat a sining dihlak thei thlu tung loin biakhiahnak va tuah piak hlah.

1. Minung hi dai tein a um tung i thuk pi le fak piin khua a ruat mi an um.

2. Minung hi holh tamtuk tung lem lo, a herh can te lawng ah a holh i dai tein a ummi khi mi cung ah dawtnak tha a ngeimi an um i thinlung put a thami tampi an um.

3. Minung hi a holh a tam ngai i a chimceih a tam ngai i a kaa a nal ngai tung i mi thinlung put chia tampi zong an um.

4. Minung hi a rum ngai tung i mi cung ah siannak thinlung a ngei bak lomi an um bantuk in a sifak ngai tung i ngeihmi dihlak midang caah a siang mi tampi an um ve. Minung hi hohmanh mihrut ee mifim tiah i thlendan ding kan um lo. Kan fimnak le theihnak thiamnak hi ai dang cio hna.

Lettama nihcun innsak a thiam i thutdan cabuai bizu tuah kha a thiam hna. Sihmanhsehlaw upadi a cawngmi nihcun a thiam ve lo. Upadi lei lawng kha a thiammi a si. Vanlong cu lamcawhnak caah hman awk a that lo bantuk in JCB ( Theng ) cu khualtlawnnak caah hman awk a tha ve lo.

Chim duh mi cu minung timi hi kanmah le kan sinak cio ah santlaimi kan si dih hna. Kanmah le fimnak le thiamnak cio kan ngei dih hna tinak kha a si. Cu ruang ah mirum pa zong nih sifak pa a herh i mifim pa zong nih lothlo pa kha a herh ve ko. Cu ruang ah mi zei hmanh an sining theithiam lo le thei thlu loin an caah biachat tu va si hlah.
You sent Today at 07:32

Be First to Comment

Leave a Reply

Your email address will not be published. Required fields are marked *