Press "Enter" to skip to content

By:Chan Thawng CNF caah tangka kan thawh bantuk in’Miphun party CNLD caah tangka thawh a hau.

Miphun Party CNLD Campagin caah phaisa thawh cio kan hau.Ramthum nak ah a um mi hna nih Miphun party caah club dirh kan hau cang CNLD caah $ 20,30 cio thawh i colcangh cio kan hau cang hih,Dr. Hre Kio bia bang Adam bang dai zuar in kan um awk a si ti loh a langpar in au sawhsawh awk kan si hna loh hih.

CNF ca zongah pei kan thawh ko cu cu caah tutan thimnak ca dingah Ramleng um mi hna nih phaisa thazang chuah in rian kan tuan awk a si ve cang lo maw US, Australia, Canada, Eroup lei ramkip in kan cawlcangh a hau a caan lio te asi hih.

1. Myone kip MP candidate ai cuh ding mi hna an hmanthlak nganpi in tuah i khua tekip ah tar dih ding.

2. CNLD mee pek a herh nak ca hmaikhat in tial i phawt hna ding

3. Halkha,Thantlang ah Chin Mino ram chung ah a cawl cang tu ding ah Mino bu dirh ding. Hihi Ramleng um mi nih kan tuah khawh ah cun Miphun party nih tei nak an hmuh hrim lai. CM va tuan khawh le tuan khawh lo kha biapi a si loh thimnak ah teinak hmuh kha a biapi
By:Chan Thawng

Nan zuam ah cun thawngpang dang zong hi relchap khawh asi:

Vice President Henry Van Thio cu kan laimi kan dihlak caah cun,pathian te pakhat bantuk tluk in kan zoh i kan ruah lio ah khua dang le tlangdang cu chim lo in mah le khua ciocio khrihfabu hmanh a thleidan ti mi hi a dik taktak ko ahcun khuaruahhar ngaingai a si ko hnga.

Mah hi van hlat cio ulaw a si le si lo cu nan van theih te ko lai.AN khua,Tikir ah UPC Biakinn cu multlawr taktak in a sak piak hna ti a si i a lawmh zong an ilawm ngaingai tiah theih a si.Mah hnuah an khua mi thiam,Baptist bu nih Nepydaw ah an va fuh i an biakinn saknak caah tlawm an va hal ti a si.Mah ahcun sing 2(Ting 2) te a rak rawnh hna ti a si.

Mah tan ahcun Tikir khua mi ,”Run tlem mandalay um mi Zai sung nau nih Baptist khrihfabu pawl cu ting 9(Sing 9 a mah lehlam nih a rawnh hna an ti. Mah hihi a dik le dik lo a theitu tampi nan um ko lai,a mah thangchiat duhnak caah tial mi a si lo,A tubantuk in ka tial mi a dik ko ahcun,UPC le Baptist bu karlak hmanhah thleidannak a ngeih ah hin cun zeitin hme ti khi ka khuaruah a van hardeuh caah ka van langhter duhnak a si.A thei mi nih coment ah a dik ning te khan bia dawh te he van kan chim kho te ulaw kan ilawm ko hnga.
By:Tin Duh Thang
A tang lei zong hi relchap ko uh:

Theih ternak:Hi kong hi ni zeimawzat a luan caang nain tutan ah minak pawl nih an rak tharchuah tthan,An chim theo mi cu Joe Biden hi minung thledang nak a neimi asi kan caah president tha ngaingai asi tun lai lo tiah tu ah a rak lar ngaingai.Cu ruangah cun kan van taar e tthannak asi, A relcia le a theih cia mi zong kan um cang nain a rel rihlo le a theih rihlo kan um sual pinpang ahcun thawngpang ttha asi ko.

Democratic party nih President Donald Trump he November thla ah US president i cuh ding in an thimmi Joe Biden nih “Donald Trump na vote ahcun minak taktak na si lo tinak a si” tiah The Breakfast Club host a tuahtu, Charlamagne tha God sin ah interview ah a chim i, a mual a pho. [ “you ain’t black” if you vote for Donald Trump over him in the 2020 presidential race. ] A fiannak in hei chim ahcun minak na si ahcun democrats nan si awk a si ti le Democratic party cu minak ta a si ti khi a chim duhnak a si ko.

Mah ruangah Biden cu miphun thleidanak a ngeimi racist a si tiah tuchun ah media kip nih faak ngai in soisel a tong. Joe Biden cu a biachim mi a chuah sual ruangah tuchun lila ah nawlnak bia chim than. Minak cheukhat zong nih faak ngai in an soisel ve. Joe Biden nih kanmah tein zalong tein thimnak nawl kan ngeimi hi a hngal lo maw? kan duh le kan vote lai, duh lo le vote lo a si ko, amah nih i thimnak nawl kan ngeih mi ah a kan tlangtlak ding a si lo” tiah an ti.

Joe Biden hi kum 78 a si cang caah a upa ngaingai cang i, a lung zong a lo ngai cangmi a si. A chimmi zong a philh lelek. A biachim hnu hmai a hngal tawn lo. Nikhat ah suimilam 10 tal a ih lo ahcun a tha tein a lungfim kho lo ti a si. Cucaah President Trump nih Sleepy Joe” tiah a auhnak a si.

A tang lei hi USA zawtnak kong asi:

US Ram Ah Covid-19 Zawtnak Ngei Minung 67,000 An Hmuh HnaJuly 17, 2020 admin’US ram ah cun Covid-19 zawtnak ngei an karh thluahmah rih ko. That lei a panh kho hrim lo. Nithum ni ah khan US ram ah Covid-19 ngei an hmuh thar mi hna hi minung 67,632 bak an si.

Ni 10 chung ah khan nifatin te Covid-19 zawtnak ngei an hmuh thar mi hna hi 55,000-65,000 karlak an si. Texas le Oklahoma State ah cun Covid-19 zawtnak ngei an karh ngai. Texas State i Covid-19 zawtnak ngei thar mi hna hi minung 10,791 an si i minung 110 nih an thih pi.

Oklahoma zong ah Covid-19 zawtnak ngei an hmuh thar mi hi minung 1,075 an si i, a thi mi hi minung 47 an si. State dang zong ah zual lei a panh ngai ti asi.

Vawlei cung ah Covid-19 zawtnak ngei an hmuh mi dihlak hi minung 1,37,14,771 an si cang i a thimi dihlak hi minung 5,87,231 an si

Thawngpang dang zong hi relchap ko uh:

US President Donald Trump nih cawnni hnih ni ah khan China President Xi Jinping he hrimhrim kan i chawn lo. I chawnbiaknak caan kan ngei zong ka zum lo, a mah chawnh hrimhrim hi a timh in ka tim lo, tiah White House ah reporter pawl hmai ah a chim.

Coronavirus a rak chuahnak kong ah a thinhunnak a van chim colh i, “Hithil hi a fiang cia bak a si. China nih vawleipi lak ah Coronavirus an thuh tihi thil fiang cia cu a si. Coronavirus kong hi vawleipi hmai ah an thuh peng. An duh ahcun coronavirus hi an dihter khawh.

Vawleicung pumpi ah chuak lo dingin an tuah khawh tuk,” tiah President Trump nih China a phomh hna. Cun, President Trump nih The World Health Organization lak ah a thinhunnak a hun peh than colh. “The World Health Organization hi China nih a duh duh in a tuah khawhmi China Uico te an si,” tiah a ti hna.

A tang hi nu kong he a pehtlai mi asi:

Nu hna nih thla fatin an ngeihmi thiratnak hi a sawhsawh in a ruatmi kan tampi. Sinain hi kong ah ningzak le zeirel loin um hrimhrim ding a silo. Mah thlafatin a rami thii color nih kan ngandamnak a langh ter. Nu cheukhat cu thiratnak kongkau hal tikah ningzah a hmangmi an tampi. Cucu ningzah ding a si lo.

Thil asining tein chimphuan khawh tu kha aṭha bik. Vawleicung ngandamnak lei thiamsang hna nih research an tuah i, nu thii color nih zei bantuk ngandamnak na ngeih ti a langh ter tiah an chim. Cu hna cu a tanghlei ah ka vun langh ter lai.

Pink Color (Reddish-pink): Na thii a rat lio i Pink color bantuk a um si ah cun na nu hang (Female Hormones) a tlawm tuk ti kha a langhter. Thla fatin hi Pink bantuk color lemang a si ah cun Dorctor sin ah naa zohter ah a ṭha bikmi a si. Caan sau a rauh ah cun nau ngeih khawh lonak ti bantuk tiang a chuahpi khawh caah na caah ṭihnung a si.

Thiifil (Bright Red): Na thii color kha na vun zoh i a sen tuk silo in a fil pah si ah cun eidin lei ah na chanbau ti a langhter. Cun nau-inn lei ah na thazaang a der tinak zong a si fawn. Mah bantuk thii color a rat si ahcun ralrin ngai na herh. Si nain thinphan ding cu a si tuklo.

A rianrannak in sibawi sin ah naa zohter ahcun caan sau raulo in an thlopbul khawh mi a si ko. Theihding pakhat bel cu hi bantuk color in ni 7 silo le 8 tiang peh thliahmah in a rat si ah cun, cucu thinphan ngai ding cu a si. Cu caah daithlang in um hrimhrim hlah.

Coffee Color (brown): Hi coffee color bantuk le brown lei a panhmi color in na thii rat si ahcun na thii a chuak kholo mi pawl kha caan saupi na nau-inn chungah an taan caah a si. A fawinak chim ah cun thii-lak mi kha a siko. Cu caah na thii rat lio ah a thlum-aal deuh kha na thii duhdim tein a rat khawhnak ding caah tam deuh in ei piak i zuam. Hi bantuk hi cu thinphan ding cu a um lo tiah ti a si.

Asenduk (Deep Burgundy): Na thii rat i a senduk tuk a si ah cun na nu hang (Female hormones) kha normal nak in a tam deuh caah a si ti kha theih ding a si. Cucu chiatlei nak in ṭhatnak lei deuh a si ko caah thinphan ding a si lemlo. Hi lio caan ah hin nau ngeih a fawibik caan zong a si tiah thiamsang hna nih an chim fawn.

Normal Red: Normal Red color in na thii a rat ah cun zei hmanh thinphan ding na ngei lo. Cu nih a chim duhnak cu mi ngandam na si kha a si ko.

Nu tamdeuh 70% nih hin mah thii color hi an ngeih mi a si. Cu caah na thii a rat tikah na thii color kha ṭha tein zoh law, a cunglei ka langhter ning bantuk a si sual ah cun, a rianrannak in Doctor sin maw sii-inn ahmaw kal colh i zuam. Cu cu na caah kilvennak ṭhabik zong a si. Ref: Health.com

Be First to Comment

Leave a Reply

Your email address will not be published. Required fields are marked *