Press "Enter" to skip to content

By:Solomon Kan nih (CNF)nih zei party kong ah forhfialnak kan ngei lo’Kan min tel lo ding in kan i nawl hna.

Tutan 2020 kawlram pumpi thimnak ah kannih CNF nih a zei party a ho party deuh ah thimfung nan pek lai tiah chimh le forhfialnak kanngei lo.

Kanmah CNF policy he a khatmi party siseh, bu siseh, pumpak siseh a khat mi poah he kan tuanti. Cucaah tutan thimnak chung ah party, bu, pumpak hlawknak ding ah ka min nan hmannak hnga lo zangfahnawl le theihternak kan tuah duh ko hna.A mah tial mi hlei in zeihman ka chap lo Solomon nih a facebook ah a rak tial mi asi.

Relchap a duh mi caah a tang:

Malaysia le Delhi um Chin ralzam caah thawngpang chia taktak a si. Kan theih cio bantuk in US rampi thimnak cu vawlei cung caah a biapi tukmi a si. Ralzam ca zong ah a biapi tukmi a si.

A tu US thimnak a nai tuk cang. A tu thlihran kan zoh tikah Trump nih tei deuh dawh a si ko cang. Trump nihhin term hnih cu a peh hrimhrim ko lai tiah an zumh ciomi a si cang. US mipi lak zong ah Trump a uartu an tam deuh tuk in a lang.

Cu caah kum 2020 US thimnak ahhin Donald Trump nih teinak a hmuh than ko lai tihi 60% cu a fiang ciami a si ko.
Trump nih teinak a hmuh ahcun Malaysia le Delhi ummi Chin ralzam caah cun loh bak a si ko cang lai. Zeitin hmanh in ramthumnak kalnak lam a um lo ti tluk khi a si ko lai.

A tu Congress ah US nih vawlei cung ralzam vailte lak ah minung 15,000 lak lawng ding in an chuah pi cang. Congress nih an pass hnu ahhin Trump nih a lungtlin ahcun minthut ding lawng kha a si cang. Trump nih a duh ahcun tam deuh lak ding zong in a ti than khawhmi a si i tlawm deuh lak ding zong in a ti than khawg mi a si.

Trump cu ralzam caah innka bi te lawng a ong tawnmi a si kha zapi nih nan hngalh ciami a si ko. Tukum zong ahhin 2020-2021 caah tlawmte lawng lak ding in min a thut lai ti kha a faing mi a si ko caah Malaysia le Delhi um Chin ralzam caah cun ngaihchia ngaingai a si ko.

Biden nih teinak a hmuh tu ahcun US nih ralzam 115,000 kan lak lai a ti. Biden nih a ti ning hin cun Malaysia le Delhi um Chin ralzam zong tampi US kan phan kho lai. Ralzam caah cun Biden hi a tha deuh tukmi a si.

A tu US politics thlihran kan zoh tikah Trump nih tei dawh in a um ko cang. Malaysia le Delhi um Chin ralzam caah cun thawngpang chia taktak a si.

Be First to Comment

Leave a Reply

Your email address will not be published. Required fields are marked *