Press "Enter" to skip to content

By:Tial Lian Thang’Malaysia Cozah Boruak.

PKR Party President MP Pu Anwar nih “Pyidaungsu Hluttaw MP acheu fai (51%) nih cozah lutlai Prime Minister ṭuan dingin an ka duh” tiin Siangpahrang sinah ca a pek.

Cozah a tlai liomi “ṭangṭi cozah” MP pawl nih, “a lihmi si, a duhmi MP 121 (51%) min cu langhter seh ca” an ti.
Pu Anwar nih a duhtu MP 121 min cu a langhter ngam fawn lo. MP 121 nih an duh tak ahcun atu cozah a tlai liomi MP tlawmpal hi a thli tein Pu Anwar lei ah an ṭang tinak asi hnga.Pu Anwar cu tuni ah Butkit Aman palek sakhan nih a auh i bia a hal. Zei dek lawhte lai.

Atang hi theihtlei asi:

Zei bantuk buaibainak nan ngeih zongah na nupi cungah na kut na thlak bak a si ahcun cu ni thawkin pasal min cazin chungah kei nih cun kan telh ti lo.

Na nupi duhnak zulhpiak ve loin nu cu kheng ṭawl ding, thilsuu ding, inn zohkhenh ding, nau zohkhenh ding tiang lawng in na ruahpiak i a thluaklei le biaknak lei ṭhanchonak zong cawn ah tha na pek lo cun upat awktlak na si in kan ruat lo.

Pasal si ve ko ṭung i, dam ko ṭung i nupi le nih cawm le zohkhenh hauh aa timmi pa cu upat awktlak ah ka ruat hna lo.

Nu te hna cu tiin zawnruahnak siloin nu namnehnak bia na hmurka in voikhat a chuah a si ahcun hmailei na nupi ding khi zaangfak ngai ngai a si manh cang.

Virgin nungak lawng duh ṭung i mah vial duh paoh in tlonlen le duh paoh in nu a kommi na si ahcun mah hngal lo ti naa huah khawh men.

Nupi fel, nupi ṭha, nupi fim lawng duh ṭung i mah vial mah lung lawng i rinh, nu pawl upat lo le mah hringtu nu chimhmi hmanh ngaih lo ahcun nupi loin um zongah a poi tuk hnga lo.
Nupi na ngeih ko buin midang nupi asilole nungak duhnak he na chonhbiak ni thawkin nangmah le nangmah tangah naa thlak nii an si.

Nupi dawh, nupi fim, le nupi ṭha bik vawlei cungah an um lo. Nangmah na nupi le na pasal te he khan i daw le rem tein um u law a fimmi bik le aa dawh bikmi a comi ah naa ruat ko lai.

Be First to Comment

Leave a Reply

Your email address will not be published. Required fields are marked *