Press "Enter" to skip to content

Cazoh A Buai Cang La : Myanmar Ram Cu Sibawi Le Nurse Rian A Tuan Mi Pawl Zong An Rian In Dinh An I Tim Cang Falam Sizung Zong Ai Tel Ve

Myanmar ramchung cozah sizung tam deuh i rian a tuan mi sibawi le nurse pawl cu February 3, thaizing in riantuan dingah sizung kal an i tim ti loh i tuini ah mipi theihternak an neih hna. Cu ah cun Falam pituh sizung i riantuan mi cheukhat pawl an i tel ve.

Nawl an chuah mi ah cun, ralkap nih Myanmar ram nawlneihnak a lakmi cu lungtlin loin hahdam ngai in duh lo nak langhter nak kong a si. Mah cu cu Civil Disobedience Campaign tiah min an pek i sibawi , nurse a tuan mi pin ah sizung kip nih nawl an chuah cio ve hna. Nawl an chuah mi ah cun mipi nih an thim mi hna pituh hlutdaw palai pawl tlai in ralkap nih nawlneih nak an lak mi an pawm khawh lo nak kong an langh ter.

Ca a chuah mi sizung pawl cu Mandalay ihkhun 300 umnak hngakchia sizung , Mandalay zawtnak phunphun tuamhlawmnak sizung,Mandalay ihkhun 300 um nak sizung , Yangon zawtnak phunphun tuamhlawmnak sizung, Mandalay ihkhun 550 umnak sizung , Naypidaw ihkhun 1000 umnak pituh sizung , Sagaing pituh sizung , Pago ihkhun 500 umnak sizung ,Yangon pituh sizung , Pyi sizung le Falam sizung pawl an si i ramthen le ramkulh kip sizung dang zong nih an chuah ve ding zumh a si.

Be First to Comment

Leave a Reply

Your email address will not be published. Required fields are marked *