Press "Enter" to skip to content

CBCUSA GS le Women Director nih Mizoram ah ralzaam in aa dor mi an veh hna ah,Rev.Dr Thla Awr Bawihrin le a hawi le te nih kawlram ramzal hn sinah,thangzaang an peknak ah an bia chim mi thei nan duh ahcun a tang ah van rel ve.

CBCUSA aiawh in Mizoram Cozah sin lawmh bia chim ding in a phan mi GS Rev. Dr. Thla Awr Bawihrin, CBCUSA Women Director Rev. Sui Hliang Chorei le Washington DC um Pu Stanly Hram Uk nih Mizoram a phan mi Chin upa cheukhat he Mizoram khuate ah aa dor mi Myanmar ralzaam pawl cu 2021 December 9 ah an va veh hna.

Rev. Dr. Thla Awr Bawihrin le a hawile nih an va veh khawh mi raalzaam hna cu Cerhlun, Hngarchip le Thingsai khua ah aa dor mi pawl an si i khua khat ah Christmas laksawng can ah Rs. 100,000 cio an pek hna.

“Nan harsatnak hi kan harsatnak a si ve. Mizoram Cozah sin zongah lunglawmhnak bia kan chimh hna. Rak kan bawmchan ko rih u ti zong kan chimh hna,” ti in Rev. Dr. Thla Awr Bawihrin nih ralzaam hna sinah bia a cah hna hnu ah, Rev. Sui Hliang nih an ca ah thlacamnak a ngeihpiak hna.

“Hika nan phanh hi nan i thim mi a si lo. Uknak tha lo ruangah a si ko. Ruahchannak he a ra mi nan si. Myanmar ralkap cu vawlei cung ram nih an pom lo. Nan lung dong hlah u. Chin miphun cu, nun aa hrawm mi kan si. India Cozah phung zong zulh vun i zuam u law, nan ruahchannak hi hmunhter uh,” ti zong CBCUSA, GS nih bia a cah hna.

Mizoram khua kip ah, a hlei khun in ramri khua pawl ah Myanmar ralzaam an i dor i, tu tan ah an veh khawh mi hna cu;Cerhlun khua camp ah minung 200 leng an um i, a tam deuh cu Lungler khua mi an si.
Hngarchip khua camp ah 100 le khuachung ah a um mi an zate 326 hrawng an si.

“Thingsai khua ah a um mi hi 400 leng an si nain nihin ahcun 200 hrawng an si. A tam deuh cu, Bungkhua an si,” ti in Refugee & Relief Management Committee (RRMC) Assistant Isaaca nih The Hakha Post ah a chim.

Atu kan rat chan hi, Mizoram Cozah Lutlai hna sin ah lunglawmh bia chim ah a si. Ram thumnak kal nakding forhfial ah kan ra lo, ti zong Rev. Dr. Thla Awr Bawihrin nih a chim.
Crd. the hakha post..Dec,10,21

Be First to Comment

Leave a Reply

Your email address will not be published.