Press "Enter" to skip to content

CBCUSA Nih CDM Caah Dollor Tam Taktak An Bawmh Hna

A sunglawi tuk e, Bawipa a ttha US um laimi cingcing hi an si ko. kan kawlram ralkap Aa tingnak kong ah mipi nih heh tiah ram caah ral an doh cuahmah lio a si kan ram caah ralkap uk nak cu kan duh loh tiah heh tiah duh lo nak an langh cuahmah lio a si.

Mah ahh kan pa le “CBCUSA nih CDM caah Dollor Tingkhat bak an kuat hna mah lawng si rih loh an GS Thlaawr Bawrhrin nih a ti rih mi cu a Voikhatnak lawng a si rih. Lungrual tein CDM ah dir usih Pathian nih a kan umpi ko ” tiah a peh chap. kan pale cungah lawmhnak a sang hringhran ko Bawipa nih CBCUSA hi lam hruaizungzal ko seh.

Thawngpang dang relchap >>>>>>>>>>

Kawl ralkap le kawl palik pawl nih NLD party CEC member 2 cu tlaih dingin

Kawl ralkap le kawl palik pawl nih NLD party CEC member 2 cu tlaih dingin an rak kawl hna tiah theih a si i a sinain an hmu hna lo ruangah an kir tthan hna tiah hi thil a cang lio a hmutu hna nih an chim. Mah hi NLD party CEC member 2 hna hi U Aung Cyi Nguinh le doctor May Win Mint an si hna tiah theih a si i an umnak office ah kawl palik pawl le kawl ralkap pawl cu an rak ra hna i tlaih dihngin an rak kawl hna tiah an chim.

A sinain office chungah an um lo caah cu ticun kawl palik pawl le kawl ralkap pawl cu an chuak tthan hna tiah theih a si. Zei ruagnah dah an rak kawl hna timi kongah hin a fiangmi cu tlaih dingah a si lai ti hi a si i a tu lioah hin mah hi NLD party an umnak head office hi mipi nih a kulh bakin an kulh caah kawl ralkap le kawl palik pawl an mawtaw cu a kal kho lo tiah theih a si.

Chin or Lai holh in ttial a simi tuanbia dang a ummi cu hi hi a si. Newspaper catlap ah rian a lawngmi an chiah chihmi cu din loin ka zoh i rian ka kawlnak ah suimilam zoh zong thei ti loh. Alarm ka chiahmi zinglei suimilam 4 cu a van awn i cu bakin cun zinglei pei a si cang hi tiah ka van theih ceo a si. Ka thawpi cu ka chuah i tu zan caah cun za rih seh tiah ka ti cu ticun ka mit benh cu kai phoih i cabuai cungah ka chiah. Ruah nih cun din loin a sur i ka umnak inn cung cih cu ruah fang nih a peh peh in an tlak ko hna.

Zei a si paoh ah thaizing ah ka hawipa Edward nih rian pakhat khat a hmuhmi cu a um theo te lai i cu cu ka hngah a hau rih ko. A tu cu ka it phawt ve rih lai tiah biachahnak cu ka lung chungin ka tuah. Rian loin ka um hi a sau cang i a um ciami phaisa zong a dih lei a panh cuahmah cang. Keimah bantuk catang ngei ve lo caah cun rian hmuh hi a fawi lo ngai bantuk in rian hi i thim awk a tlawm.Cu ti a si caah rian hi chun zan in ka kawlnak hi a si. A donghnak ah ka thawpi cu ka chuah i tuzan caah cun za rih seh ka ti i cu ticun ih zai cu ka rel i it kai timh lio bak ah ka room inn hnu lei ah kutka cu fak ngaiin ai awn thawng cu ka hei theih.

Ka lau ngaingai. Ruah nih le a tuk tuk ttek nih a tla pah fawn. Mithla hlah maw si tiah khin ka hei ruat pah. Ka dai thlang ngai ruah sur lakah ka hawipa inn in ka rak lawi caah inn hnulei kutka cu ttha tein ka rak hrenh ta lo timi kha ka hung theih. Thlitu nih kutka a hranh caah kutka cu a mah le a mah ai khak i a si lai tiah ka ti i va hrenh dingin ka tho i ka hei kal. Inn hnulei kutka cu a rak i awng taktak i thli zong cu a hrang tuk lem lo caah zei nih dah a awnter ti hi ka ruat pah.

Cun kutka hram ah minung kalnak a cinmi keneh hna cu ka hmuh caah ka lau ngaingai ko. Cu lioah ka ke bakin kut pahnih nih a rak ka tleih i ka lau tuk caah ei ka nu tiah ka au. Ka ke cu ka van zoh cu minung pakhat nih a kut hnih in a rak tleih ko cu ka hmuh. Ka hmai ah cun a khuk ai bil i a sam a sau ngaimi a lu cu tang ah a khun. Ka ke cu fek tein a tleih i a kut cu a ther pah. Zaangfahnak tein na inn ah ka dorter ko mi dang cu an inn kutka ai hrenh dih cang le hi ti hin cun ka thi lai tiah aw ther ngaiin a chim.

A aw ka theih bakin nu a si timi cu ka theih i zei dah hi tluk tlai ah nu nih cun hi ti hin a um tiah ka ruat colh. Saupi khua ruat ti loin a poi lo a ngah ko ra ra inn chung ah na thil hna an cin dih kha nai thleng la ka ti i a liangin ka tleih i ka thawh. Cun inn chungah ka hruai. Inn chungah kan lut i ka ihkhun cungah ka tthutter.A sau tuk lai caah hi tiang hin za rih sehlaw a hnu ah kan peh tthan te lai.

Be First to Comment

Leave a Reply

Your email address will not be published. Required fields are marked *