Press "Enter" to skip to content

CDF (Hakha) le CNA nih an rak thanhmi Pu Mang Cin kong ah Halkha Khuathar Relief Committee nih ca thanh kan chuah

November 10, 2021 ah CDF (Hakha) le CNA nih an rak thanhmi Pu Mang Cin kong ah Halkha Khuathar Relief Committee nih ca thanh kan chuah.

Nithla: December 17, 2021, Pu Mang Cin kahthahnak kong ah Cathanh

1. Halkha Khuathar khua mi Pu Mang Cin cu CDF Hakha a rawitu le uknak chuttu ralkap pawl sin ah thawng petu a si tiin Chinland Defence Force – Hakha (CDF-Hakha) le CNA nih 2021 kum November 10 zanlei 5:30 hrawng ah a umnak inn ah meithal in an kah i a thi.

2. Khuathar CDF Council zong nih Pu Mang Cin a cawlcangh ning cu naihniam tein an rak ngiat i an rak hlat tikah rawitu a sinak taktak fiangfai in an hmu kho lo. Cu
caah, Pu Mang Cin hi Dalan tiah Halkha CDF Council nih an kahthahnak kong an langhtermi a ruang hna hi biahram a ngeilomi le purhdahnak menmen an si tiah kan hmuh i kan pom kho hrimhrim lo.

3. Pu Mang Cin kahthah a sinak kong ah Hakha CDF Council nih rawitu hna kong
he pehtlai in an ngeihmi zulhphung he aa kalh. Hakha CDF Council nih a kong ceih loin hruaitu minung hnihkhat khuakhannak lawngin an kahthah tiah kan hmuh. Cu caah, Pu Mang Cin hi CDF – Hakha le CNA nih ningcang loin an kahthah tiah kan pom.

4. Pu Mang Cin hi hriamnam a tlai lomi khua mi sawhsawh a si i CDF Hakha le CNA nih biahalnak zong ngei loin a umnak inn ah a tlithup in an kahthahmi hi hriamtlai phu hna nih an zulh dingmi phung an buar a si caah faak piin duhlonak zong kan langhter.

5. Pu Mang Cin meithal in an kahthahnak kong ah CDF-Hakha nih į¹­uanvo tlamtling tein an laak hrimhrim awk a si.

6. Hi hnu hmailei zong ah ningcang loin mi zeihmanh CDF le CNA kut in kan thih awk a si lo. A ruang cu mipi dirkamhnak, zumhnak le bochannak a zortertu tuahsernak phun a si lawng siloin dohthlennak hmuitinh le thazaang zong a zorter khawhmi a si.

Pu Bawi Lian (+1-317-200-1790) President
Halkha Khuathar Relief Committee halkhakhuatharreliefcommittee@gmail.com

Pu Tuan Sang (+82-10-8789-0742) Secretary
Halkha Khuathar Relief Committee
halkhakhuatharreliefcommittee@gmail.com

Be First to Comment

Leave a Reply

Your email address will not be published.