Press "Enter" to skip to content

CDF Hriamtlai 2 Nih Ram Le Miphun Caah Nunnak An Pek

Chinland Defense Force – Daai In Ralkap Pakhat A Nunnak A Liam! Chinland Defense Force – Daai in ralkap pakhat, Salai Ngoh Loi kum – 20 cu ram le miphun zalonnak hmuhnak ding ca i ral a tuk cuahmah lio, nihin May 2, 2022 zanlei suimilam 1:00 hrawng ah a nunnak a liam.

Ram le miphun ca ah biakamnak na tuah bang in a sunglawi tuk mi na nunnak na pek caah CDF- Daai ralkap dihlak nih a sang bik upatnak kan in pek. Na tantak mi na chungkhar zong kan ngaitchiat pi tuk hna, tiah Chinland Defense Force- Daai nih cathanh an chuah.

Chinland Defense Force- Kalay Kabaw Gangaw (CDF-KKG) Ralkap 1 Nunnak Liam. Chinland Defense Force- Kalay Kabaw Gangaw Battalion(4) in ralkap Myint Naing Oo cu, ralhrang uknak a doh i mizapi runven khawh nakding le Federal rampi ser nakding, ral a tuk cuahmah lio 2022 May 2 ah Kalay peng thlanglei, Ashihshi khua kahdohnak ah a nunnak a liam.

Kan ralpkap Minyt Naing Oo, hi dohthlennak chungah na nunnak tiang na pekmi kan hmuh tikah CDF -KKG nih, upatnak sang bik kan in pek i, na tantak mi na chungkhar zong kan ngaihchiat pi tuk hna, tiah Chinland Defense Force- Kalay Kabaw Gangaw nih, cathanh an chuah. The Chin Post\

Sagaing ramṭhen, Shwebo(ရွှေဘို) peng Saihhkun(ဆိပ်ခွန်) khua ah SAC ralkap pawl cu, May 2 ah an lut i khua mi Kushine(ကိုရှိုင်း ) telh in minung 6 an thah hna. Khua kiangkap ah Pyusawthi an um i, an ruak an lak khawh rih lonak kong zong tualchung mi nih an chim. SAC ralkap pawl cu May 2 zing sml 10:00 hrawng Saihhkun khua pawng ah cycle in a ra mi Kushine, kum – 22 cu an thah i mei in an khangh. Saihhkhun-Nantha(ဆိပ်ခွန်-နံ့သာ) khua cu SAC ralkap nih hriamngan in an kah caah chungkhar minung 5 zong an thi colh, tiah theih a si.

“SAC ralkap pawl cu mawṭaw 9 in an ra i Kushine(ကိုရှိုင်း ) he an i tong hna. Dir an ti i a dir lo caah an thah i a ruak cu mei in an khangh. Saihhkhun-Nantha(ဆိပ်ခွန်-နံ့သာ) khua cu SAC ralkap nih hriamngan in an kah caah inn a sa mi chungkhar 5 cu a khen hna i an 5 ning in an thi,” tiah tualchung mi pakhat nih a chim. Saihhkhun-Nantha(ဆိပ်ခွန်-နံ့သာ) khua cu Ziphyukung(ဇီးဖြူကုန်း) khua he aa naih mi an si. Chungkhar 5 a thi mi hna hi khua dang in a rak i ṭhial mi an si, tiah theih a si. the Cin post

Be First to Comment

Leave a Reply

Your email address will not be published. Required fields are marked *