Press "Enter" to skip to content

CDF-Kanpetlet Le SAC Ralhrang Kahdohnak A Fak

Kahdohnak ruang ah Kanpetlet Penguk zung le La-wa-ka zung a kaang. Chin Ramkulh, thlanglei laitlang Kanpetlet CDF le SAC ralhrang karlak kahdohnak a fak, a zualhma i Council zung cheukhat a kaang tiah thawng kan theih.

November 23 kahdohnak ruang ah, Council Cozah zung Kanpetlet Penguk zung le La-wa-ka zung ciam dihlak in a kaang. “November 23 ah kahdohnak a chuak. Tlawmpal i kah hnu suimilaam 10:00PM tluk ahkhan an zung a kaang.

A thaizing zong SAC ralhrang an rak chuak than i kahdohnak a chuak than. Kanmah lei hliam a tuarmi le nunnak liammi cu an um lo,” tiah a chim.

Kanpetlet Peng chung ah kahdohnak a fah ca ah khuami cheukhat hna cu an zaam i ralzaam camp hmun thum ah an um. Cun, uknak laak hnu Kanpetlet peng chung ah CDF le SAC ralhrang hna karlak ah voi 30 kahdohnak a chuak cang tiah kan theih. Crd; The Hakha Post

Be First to Comment

Leave a Reply

Your email address will not be published.