Press "Enter" to skip to content

CDF le Uico Ralhrang an i kaap, Ralhrang lei minung 5 bak an thah hna

Chin ramkulh, Mindat le Matupi karlak, mengtung 78 pawng ah Chinland Defense Force(CDF) le Uico ralhrang karlak ah raldohnak a chuak i ralhrang lei (5) an thi tiah Zalen nih a tarlangh. October 21, 2021 ah khan Matupi-Mindat karlak ah CDF nih an kah hna hi asi.

Mindat in Matupi lei ah a kal cuahmah mi SAC ralhrang motor pawl cu Mindat CDF le Matupi CDF i bawm in an kah hna hi asi. Hi kahnak ah Ralhrang lei 5 an thih lawng si loin hliamtuar zong an tam ngai tiah cathanh ah an langhter.

Mindat le Matupi karlak mengtung 56 nak zawn ah motor lampi a cimh caah raldohnak Motor cu a hmang kho lo, Motor cu aa taap i cu caah Ralkap 150 hrawng cu namchan in an ke in an kal i mengtung 70 nak zawn hrawng in an hawile cu an bawmh ve hna ti asi. Ralhrang lei an thih pin ah hliamtuar an tam ruang ah an thinhung tuk i pawngkam inn pawl zong an hrawh len ti asi.

SAC ralhrang pawl nih mengtung 70 hrawng i a um mi, khuasa pawl an inn an hrawh piak hna lawng si loin thilri le Sathil zong an fir len ti a si fawn.

Be First to Comment

Leave a Reply

Your email address will not be published.