Press "Enter" to skip to content

CDF Mara /CJDC/CNA hna le Kawl ralkap hna cu Lailenpi khua pawngah an ikap cuahmah lio asi thlacam bawm hna usih

CDF Mara /CJDC/CNA hna le Kawl ralkap hna cu Lailenpi khua pawngah an ikap cuahmah lio asi thlacam bawm hna usi. Beilua. Credit: Salai William HC

Relchap>><<< “TRINITY BIAFANG CU BIBLE AH AUM LO CAAH A DIK LO” TI RUAHNAK CU HMUH BIT TUKMI KHURBING RUAHNAK ASI, Bible chungah aum lomi (THEOLOGICAL WORDS) biafang poh a dik lo kan ti ahcun kan ruahnak le hmuhnak a bittuk bia khi a rak si ko.

Examples: — (1) BIBLE… Bible kan timi biafang hrimhrim hi Bible lila ah aum lo. Bible biafang hi Bible ah aum lo ruangah BIBLE kan timihi kan ipalh ti khawh asi bak lo.

(2) OMNIPOTENT.. God is Omnipotent (Pathian nih zeipoh a tuah kho) ti biafang hi Bible ah aum lo nain A dikmi Biafang asi i kan hman tawnmi biafang asi ko. (3)OMNIPRESENT..God is Omnipresent (Pathian cu khuazei poh ah aum) ti biafang zong Bible ah aum lo nain a dikmi biafang asi.

(4) OMNISCIENT.. God is Omniscient (Pathian nih zeipoh a theih dih) ti biafang zong Bible ah aum lo nain a diktuk mi asi ko. (5) DIVINITY….Divinity of God (Pathian Sinak) ti biafang zong Bible ah aum lo nain Divinity biafang cu a dikmi asi.

(6) INCARNATION..The Incarnation of Jesus (Jesuh cu titsa in a lang John 1:1,14) ti biafang zong Bible ah aum lo nain a dikmi biatak asi ko. (7) RAPTURE… The Rapture of Believers (Zumtu Lawrnak) biafang hi Bible ah aum lo nain a dikmi biafang asi ko.

( TRINITY….The Trinity of God (Thumkomh Pathian) timi biafang zong Bible ah aum lo nain A dikmi le Biatak biafang asi. Bible ah aum lomi biafang poh a dik lo a hman lo na ti ahcun a cunglei i langhter mi biafang pawl zong na hlawt viar a hau lai. Credit; Israel R. Thang

KNDF Nih KSCC An Phuah I NUG Nih KNDF Ka Bawmh Lai A Ti. KNDF nih KSCC timi Kaya Lakhruak Ruahnak Pektu Phu an a ngawl ter hna. KSCC cu NUG nih Kaya Cozah tuah awk ah rian pek mi le dirh mi asi. Chin ram caah ICNCC he aa khat mi asi. Kum khat chung ah Kaya Federal Cozah dirh awk ah Roadmap le Policy draft an chuah pi khawh lo.

Kaya caah federal Charter zong an chuah pi khawh lo. KNDF le Kaya PDF ah luban le Ralbawi si an duh fawn. Zeizong te anmah KSCC nih tlaih dih le lu si an duh caah, Kaya Caah virus nan si tiah an phuah dih hna. KNDF nih Kaya Pyithuh cozah, Fimcawnnak, Ngandamnak, CDMers zohkhen nak, IDP le Refugees zohkhen kilvennak tbk an tuah dih.

Kaya Police zong an tuah chih. Rule of Law um ding ah ṭuanvo an lak. Kaya mipi nih upadi ning tein, Duhdim tein an nun I, khua an sak khawh nak hnga, Kaya Police nih fak pi in rian an ṭuan. CHIN mi nih cun Ralkap nih uknak tlai chih cu Democracy le Federal an I fiang lo tiah kan doh hna hnga. Char awk um lo tiang in kan tuah hna lai I, rolung kan bunh hna men lai.

NUG nih Kaya Pine Mah tein khuakhan Lairelnak le Tlukruan nak ah nan hlawh tlin khawh nak lai kan in bawmh hna lai. KSCC nan phuah mi le KNDF nih Kaya Pyithuh cozah nan dirh mi kan cohlan hna tiah lawmhnak caa le roca an pek lehlam hna.

NUG cozah an dirh Tlawmpal ah ICNCC cu dirh asi. Kum khat kan kal cang nain, Chin Charter an chuah pi khawh lo; Lakhruak Chin cozah policy an tuah khawh lo; Chin Pyithuh Cozah zawng an dir khawh lo; CDMers zong bawmh bantuk le bawmh lo bantuk in an tuah hna. Thih lo nung loin an chiah hna. Cuc aah Non CDMers tamtuk an si ṭhan. Ralhrang nih Siang Inn cu zalon tein an awn khawh ve.

CDM in Non a si ṭhan mi hna nih Ralhrang caah Dalaan le Spy an ṭuan cang. Cu caah Mino tampi cu an kan tlaih manh cang. IDPs le Refugees zong an zohkhen khawh hna lo. Bawmhnak phaisa fir le viavuan ah an I za. Pumpak motor cawk nak ah Rupees 200000 leng a lak tbk; Kan Agent pa nih Rp ting 96 aa zampi tbk cathanh le I report, I phisin ah an I za.

Chin Pyithuh cozah cu CDF nih ah atuah nak Kumkhat asi cang (Khua te lei). Kum hnih nak ca an cawn cang. Ngandamnak le Siizung tampi zong hlawhtlin ngai in an tuah nak kum khat asi cang. Ramdang le NUG bawmhnak phaisa cu CDF kung tlung tilo in, ICNCC member zumh bik mi hna nih an vaivuan dih ko. Fir le fir lo hi FB ah I phisin a herh lem lo. Dinfel hna seh lawn fangkhat a tlau ding khi asi lo. Rul le rul an ke an I hmuh I asi ko lai. Hma um loin tho an tlanh ballo.

Kaya bangin CDF nih ICNCC cu phuah hna sehlaw, CHIN MI nih CDF hi zeitin nan ti hna lai ti cu theih cia le hngalh cia asi. CHIN MI mifim le mirum kan tam tuk. Sayaci le Sayamaci kan tam tuk palia. Federal Cozah timi cu Pine in aathawk lai NUG le Bahu hngak a herh lo tiah Dr. Lian Hmung Sakhong, NUG Federal Minister nih ati cang mi asi. Cu caah mipi tuak ko uh.

Kaya bangin Federal kalpi nan duh ahcun anmah lamthluan kha kan zulh awk asi ko lo maw? NUG le NUCC upa le chungtel hna cu: ICNCC cung ah an lung dong tuk cang. Rallokap doh lio ah an kan hruai khawh tu an si lai tiah NUG le NUCC pumpak hrim nih an zumh ti hna lo. Pah chih kan hruai ko hna seh tiah mipi nan ti ahcun: an kan tlau pi dih te lai.

Kirh nak lam hngalh ti lo in tlau lan afawi te mi asi. Nihin tiang Lakhruak chin cozah kan I ngeih khawh lo nak cu ICNCC santlaih lo tuk ruang ah asi ti hi CHIN MIPI nih hngalh ding asi. Philh awk ṭhatlo asi fawn. Zeitin nan ruat cio lai? CDF hruainak in maw CHIN COZAH kan dirh lai, ICNCC cu maw lungsau tein kan hngak lai?

2022 June 21 ah a voi 147nk Karenni Phunpi Ni cu KNDF hruainak in tuah asi. Tlangcung mi covo vialte lak ṭhan awk ah le tlinter awk caah: Tlukruannak le Mah tein khuakhan Lairelnak caah: Cu vialte hlawhtlin awk ah Karenni Phunghrampi sersiam awk ah: kan in cawnglawmh hna I nan ti ṭha tuk tiah roca an kuat cio hna. NUG le NUCC zong nih cung lei bantuk tein roca an kuat ve hna.

Phung ning in NUG le NUCC nih KSCC cu thah in an hlawt hna lo nain, an mah KSCC hlawt tu le hrawktu KNDF lei ah NUG le NUCC an ṭang. KNDF Federal kan hmun hlan tiang kan kut kan I tlai lai tiah, an ti cang. KSCC cu zeitindah an um ve hnga mu.

Roca ah aa ṭial mi Konglam dang cu: Kawl ram le mirang pi senthuh lio ah Karenni cu ahohmanh nih uk ballo mi a luat mi ram asi caah, Kawl le Mirang he hnahnawk nak pek lo ding tiah an ti. Cu ni kan thawk tikah Karenni Phunpi Ni cu avoi 147nk asi cang tiah roca an kuat cio hna. CND cu voi 70 hmanh kan phak rih hme maw?

Rallokap nih uknak an kan chut in Kaya Ralzam le khuaram, Innlo achuak tak mi cu Nuai 2 leng ansi. Kaya pine Milurel hi nuai 3 lawng an si. Chin Milurel nak in an tlawm deuh. CHIN mi nuai 5 kan si ti ko usih. ZTC

Be First to Comment

Leave a Reply

Your email address will not be published.