Press "Enter" to skip to content

CDF Mara hi kan hrawh lo ah cun Mara upa kan min a chia tuk cang lai tiah MDF lei nih an chim

MDF lei nih Mara ca in an tial mi ca, A min: Bie Paw ( MDF ) A tang lei hmanthlak le Mara ca in an tial mi lai ca in ka vun let lai! 1.CDF Mara hi kan hrawh lo ah cun Mara upa kan min a chia tuk cang lai tiah MDF lei nih an chim Mara pa an tlai caah zei kan ti hnga a tlai tu pa hlan ah a cung lei a hnih hi an bia caah asi!

MDF nih a cung lei pa hnih a ti duh nak cu CDF Mara ruah nak petu pa hnih hi a ti duh nak si lai tiin min langter a duh lo tu nih a chim,

Bie Paw hi USA indiana polis ah aum mi asi USA dor zong angei i Chin mi hna ador nankal tik zong ah nan i ralring aherh aruang cu CDF Mara hrawk a duh tu asi caah minung pakhat sin in ralring nak ca arak chuak,

2: MDF Member Rung Ceu hi kawl ca in a tial mi nan hmuh ko lai nan i fiang ko lai ka zum, Rung Ceu hi Australia ram a um mi asi a mah zong dor a ngei tu asi.

Bie paw le Rung Ceu hi MATC, MDF Mara Army Member an si tiin min langter duh lo mi nih a chim! Credit: CDF-Mara Fundraising Team, Eu

Jesuh A Hlawttu Judah Mi le Dr. Sa Sa A Hlawttu Mara. Mara Upa Hruaitu Pafim Pakhat nih an miphun chimh ngai lo tu pa a ke ah fungfek in a hoih le cang ka in Mara khuabawi vialte thlahlawh an pek khawh hna. Upat hmaizah tlak bak an si ko.

Lailenpi Rallokap pakhat ke tu an tuk khawh ahcun: Phaisa let 100 in ahmuh ding mi Mara an si. Lailen Sakhan Ciamlak in an tuk ahcun: Phaisa cu an rel huam lawng asi lai. Mara Khuabawi hna lawng hlah, CHINRAM khuabawi lakhah cu Mara kan Unau nih an pek khawh hna lai.
CNA CJDC ah i funtom in Mara zapi te nih Ralhrang an doh ve ahcun: CHINRAM in Rallokap kan dawi cikcek ve hna lai.

Dr. Sa Sa miphun an si tiah Kawlram pi le vawleipi nih hmaizah upat mi le ttihzah mi Mara miphun an si lai. Tu cu thil hi lingtalet in a kal dih. Dr.Sa Sa nih EAO + PDF + CDF + CNDF + ZRA + MDF + LDF tiah kawlram chung aum mi hriamtlai vialte kha pakhat ah fonh in Federal Army dirh aa timh lio ah a miphun Mara nih a ke nan phelh bak ko. A hnu lei in namte in nan sawh bak ko.

Dr Sa Sa nih MAH le Rallokap a doh hna. Nan nih nih Rallokap he nan i hawikom. Jesuh a hlawttu Judah mi nan lawh ngai ko Kan Unau Mara pawl. Judah mi nih hlawt mi Jesuh cu Gentile mi nih kan char lo nain Gentile caah asi. Dr. Sa Sa zong chinram huap le Kawlram huap, Vawleipi huap in Pathian nih a cuaisan, Mara miphun dah ti lo cun. Kan upat I a Sa Sa hnu kan zulh dih.

Messiah a tum cang nain, nihin tiang Messiah a hngak mi Judah mi bang Mara nih Ralhrang kut in chanchuahtu dang an hngak rih. Judah mi cu Khamhnak co awk ah kum 2000 leng an hngak cang nain an co hlei lo.

Dr. Sa Sa hi Mara nih mah bantukin nan kaltak ahcun Kum tampi Minthang le Ram hruai tu cu Mara miphun in si ti loin. Miphun dang cu Pathian nih a pek hna lai nan tih lo maw? Saul Siangpahrang kut in David kut ah aphan kha. Zei nan rello mi le Mara nih nan nauta tuk mi hna kut ah dakaw, Dr.Sa Sa Talent kha a pek diam lai. Aran nak in Sa Sa sin ah rak kir cang uh.

Pupa phungthluk ah an innlo le a tappi hmanh a fimttawl khawh lo mi pa, a dum hau a kulh khawh lo mi pa tiah miphun dang nih Sa Sa an ti lai hi nan sian ko maw Mara Unau hna… Nupi le ukhmanh aafaksak mi CHINMI si nak lak ah, A miphun Mara nih zeirel loin ahnu zulh lo mi Dr. Sa Sa nan si ter sian ko maw?

MDF nih nan lung thum uh law, CDF Mara he pumkhat si cang uh. CJDC le CNA ah, CHINMI bu ah pumkhat si cang awk ah, Pathian a lungtluang seh law, Dr. Sa Sa ruangah kan ral tei cang uhsih, Karam luat ve cang seh. Kan ram a luat ahcun Mara hi dum ngeihtu nan si lai caah a theihpar tam bik eitu nan si lai. Dr. Andrew NCL hnu zulh ti hlah uh, Zu ah an zuar hna lai. Crd; Joseph R. Thang

RELCHAP>>>><<<<< Nuclear le Chemical Weapons Aduh Caah MAH nih Russia He Aa Kawm. Nuclear le Chemical in Tlangcungmi Thah dih an kan duh cang. PDF le NUG hi cu fawi tukin kan teih hna lai tiah zei ah an rel hnalo. MAH nih a tih mi cu EAOs nih voikhat te ah an ka doh sual lai ti hi asi.

Tlangcungmi Cihmih awk ah Ralhrang MAH nih Hriamnam (Helicopters le Jet Fighters Telin) a cawk mi man hi USD 3 billions leng asi cang. Panglong tlinter duh lo ruang ah le Tlangcungmi duhmi Federal Pek duh lo ruangah kum 80 dengmang an kan doh cang. Kum 80 deng cihmih awk ah an kan doh ko nain, Cozah ngeihchia vialte in hriamnam an cawk I, kan cihmih an duh ko nain, an kan tei ti lo caah,

Chemical Weapons le Nuclear tu in thah dih an kan timh cang. KIA le KNU he raldohnak ah a can ah Chemical weapons hi an hmang pah tawn. Paucan Dohthlennak ah Kawl mipi le GZ vialte nih Tlangcung mi an kan bawmh, NUG, NUCC le Kawl Democratic phu, Kawl Politicians tam deuh nih Tlangcungmi an kan bawmh cang.

NLD le Pi Suu Ci i, Democracy Federal kha kal tak in, Federal Democracy lei ah, GZ, PDF nih kal an duh cang. Kawlram cu State 8 Federal ram in kan serh lai tiah, GZ tampi nih an duh ve cang. Cucaah Nuclear ngeih lawlaw in Tlangcung mi le Ralhrang dohtu vialte cihmih in that dih awk ah aa tim cang.

Paucan Dohthlennak ah GZ Ralkapbu cihmih awk ah Russia ah hriamnam, Helicopters, Jet Fighter, Tanks, Launcher, Missiles tbk tiang a cawk ko nain, an kan tei hlei ti lo. Hriamnam chambau ngai in Mipi nih MAH cu kan doh ko nain, an kan tei khawh ti lo. Anawratha, Shinphiosin Operation tiah min pek in, Mipi cu tei awk ah MAH nih, an kan doh ko nain an kan tei khawh ti lo.

Raldohnak poah ah Rallokap tu an thi deuh lengmang. Rallokap hi ting 5 kan si an ti tawn ko nain, Raldoh mi Rallokap hi ting 1 hrawnghrang lawng si dawh an si. NUG nih Rallokap 20000 leng kan thah cang hna tiah thanhca an chuak. Hi nak in tamdeuh an thi lai. 40000 cu an thih cang lai. Raldoh khawh mi Rallokap hi 130000 an si ahcun 80000 – 90000 lawng hi Raldoh awk ah an tang cang.

NUG tang aum mi PDF LDF hi 200 leng an si. NUG tang ah aum lo mi hi 250 hrawng an si. PDF CDF zapi tein, PDF LDF 450 – 500 karlak kan si. Rallokap nakin kan tam deuh cang. Hriamnam kan chambau rih caah kan namh khawh rih hna lo. Cucaah MAH nih Nuclear ngei kha a duh tuk cang caah 2nd Week July ah; Russia a kal nak chan cu Nuclear ngeih ve awk ah, MAH pumpak bakin a kal nak asi tiah Vawleipi news kip nih an phuang.

MAH nih July zarh hnih nak ah Russia ah a kal I, Nuclear Corporation ah a va len kai hna, ṭuanvo ngeih tu a va tawn dih hna. Mr. Alexey Likhachev, Director, Rosatom State Corporation, Russia Cozah Nuclear zung, he 11 July ah an I tawn. Science le Research: Sii ai chuak siam nak caah: Cinthlak nak caah: Zuatkhalhnak caah: Sehhmuh kong le Eidin tirawl caah Nuclear hmannak kong kan I ruah tiah MAH nih an kan hlen. Nuclear ngeih a duh nak kong cu an thuh.

Amah MAH le a tefa rual, Rallokap le an minung rual nih Kawlram uk zungzal kha a duh ko nain, PDF LDF nih MAH chunmang cu kan hrawk dih cang. Cucaah Nuclear tiang ngeih awk ah MAH cu planning a ngei cang. Nuclear an I ngeih ahcun: Kawlram buaibainak ah Ramdang an I thlak ngam ti lailo: Nuclear in PDF LDF thah dih, Kawlram Luzik cu MAH thotho asi lai I, Rallokap kut ah uknak zungzal in aum lai.

MAH le Civil Kawl uktu Federal cu: Tlangcungmi Federal he aa lawh bak lo, Van le Vawlei tluk in aa thlau. Tlangcungmi le EAOs kan um zungzal ahcun Federal dik kha pek kan herh. Rallokap le MAH siseh, aho kawlte hmanh; zungzal SPH le Bawizik an si khawh ti lo. MAH nih kawlram zungzal uk ding ah, hlingso le tanbo Tlangcungmi kan si caah, Nuclear in thah dih an kan duh mi asi.

Amah MAH le a tefa hna nih Kawlram zungzal ukpen awk ah, an I timh mi vialte hlawhtlin khawh nak ding caah Nuclear ngeih aduh hi asi. Amah MAH lamkhamh tu, NLD upa le Pi Suu Ci cu a tlaih hna I thong a thlak hna. Thiamlo coter nak case (ahmuh) in taza a cuai lio hna. Democratic Movement ah Activist 4 cu 25 July ah hri thlai in a thah cang hna.

Cu ve Bantukin NLD le Pi Suu Ci kha kawlram Ramkhel in ṭhawlh aduh tu MAH asi. Hi Bantukin, aa timh nak asi. A planning vialte a tlamtlin khawh lo ahcun Nuclear in ka thah dih hna lai, an rim rih lo ahcun: Chemical Weapons in an cihmih an si lai ti kha, MAH nih Nuclear kong ah a chunmang le a hmuitinh cu asi.

Hramhram in uknak a kan chut caah Kawlram cu chanhlun lei a kal pi ṭhan tu MAH asi caah Nuclear ngeih, Cucun a ral poah kha Ṭhihphai in a pennak hmun zungzal seh ti kha MAH duh bik mi cu asi. Ramdang hruaitu nih Chanthar le IT lei ram hruai an I timh. MAH nih Kawlram cu hnu lei a pilh ter chinchin.

Nuclear kan kut ah aum ahcun: Ram thawngṭha hna nih Kawlram kong ah an I thlak ngam ti lailo, tiah an ruah caah Ralhrang kip nih Nuclear ngeih hi an rak duh cio mi asi. Vawleipi ralhrang kip nih siseh: Ram rum le ram Lianngan mi nih an I thlak zungzal mi, donkhan tu, lamkhamtu, tbk vialte Dohkalh khawh nak caah Anasin kip nih Nuclear ngeih an duh cio. Rampi ngeih mi Phaisa vialte hmang in Nuclear an ser te lai.

CDM ralbawi Buci Lin Htet Aung nih Nuclear cu MEI le a dang mipi herh nak ah, Energy in kan hmang lai an ti, zumh hlah uh Depde asi. Paucan Dohthlennak hi um hlah seh law, Tlangcung mi Ralkapbu le Tlangcungmi thah dih awk ah Nuclear ngeih a duh hi asi. MAH lawng asi lo. Kawl ralhrang kip nih Nuclear ngeih hi an duh cio dih. DSA ah nuclear subject an cawn.

Russia ah Nuclear Fimnak cawn awk ah kum fatin tein 100 leng an kuat hna. Cucaah Nuclear cu dindaihnak le Energy caah ka hmang lai tiah MAH nih a ti mi cu: zumh awk tlak asi lo. Tlangcung mi thahnak le cihmih nak caah asi te lai. Mipi caah Nuclear an hmang bal lailo. Meithal, hriamnam le bomb phuntling sernak ah an hmang ko lai.

Nuclear kong he pehtlai in RFA nih Bochu Zaw Me Lung cu Zarhhnih chung phone an chawnh ko nain a tlai duh bak lo. Ralbawi hlun hna nih dirh mi Rallokap Hriamnam lei Institution Director U Thein Tun nih cun, Energy caah hmang asi lai tiah a silhnalh ve. North Korea Bantukin Vawleipi nih kanmah lawng tein an kan kaltak ahcun:

kanmah I veng nak caah nuclear cu Kawlram nih kan hmang te lai tiah U Thein Tun nih a peh ṭhan. Kaakip in phihkarh mi le pressure phuntling pek zungzal mi ram caah nuclear tluk in kan ngeih a herh mi aum lo a ti. Chan aa thlen I, kawlram cu ṭhanchonak lei a panh cuahmah ahcun, Kawlram nih nuclear cu kan herh ti lai lo.

Nuclear ngeih awk ah ahlan lio tein, Pi Suu Ci chan zong ah planning ngeih mi asi. MAH chan lawng ah asilo. MAH chan ah nan buai ko nain, Pi Suu Ci chan ah nan buaibai fawnlo, Nuclear ser khawh ding ah mifim le fimthiamnak tampi aa duh rih, Ramdang mi fimthiam hna I sawm an herh,

Cucaah Thaizing kiptuh ah nuclear serh khawh ti cu asi khawh lai lo tiah U TT nih ati. Hi tluk in Sipuazi an tla cikcek, kawlram a rawk cikcek lio ah Nuclear ngeih ti cu thil fawi asi lo, North Korea ah hlathlai nak an rak tuah bal, N. Korea he Nuclear ser awk ah an rak I zuam bal, kawlram Sipuazi nih Nuclear a ser khawh rih lailo tiah Dr. Hla Kyawsaw nih a ti.

Kawl Rallokap nih N Korea bawmhnak in Nuclear ser an I timhnak cu; 2010 ah, BBC ah aphuang tu cu; Bohmu Sai Thein Win asi. Bohmu Sai Thein Win cu Rallokap nih Russia ah Nuclear kong an cawn termi pa asi. Russia ah, Nuclear kong cawnnak in Master aa lim mi asi. BBC ah rianṭuan tu Kawl nu he an I ngaizawn.

A Nungak nu cu achimh tawn. Anu ngaknu nih an zung a chimh hna tikah interview tuah an duh. A duh lo nain DL nih na ka dawt tak tak lo, na ka hlen ati caah interview cu a cohlan hna. Kawlram nih N Korea he Nuclear a thli tein ser an I timh mi cu Vawleipi nih an hngalh cang. Bohmu Sai Thein Win zong Kawlram a nupi le a fale sin a tlung ngam tilo. Nuclear serh lo ding in kawlram cu 2016 ah voikhat, 2018 ah voikhat tiah sen an thuh ter hna.

Rallokap nih Bohmu Sai Thein Win cu Ciakawli (mihorpa / taw loin aum khawh lo mipa) asi tiah an mual a pho. Bohmu Sai Thein Win nih Ciakawli timi cu Keimah kasi lo, Nanmah tu nansi deuh, Nan SPH le a nuchun hna tu ansi. SPH cu nupi tampi an ngeih caah, an sin ah can hman tein an phan khawh tilo.

Culio ah nunchung tampi cu: Innka cawnhtu pa ralkap pe he lawng nifatin an I hmuh, a hnu ahcun an I duh pah. SPH nih thah lai an ṭih caah an I um ngamlo. Zanlei tikholh can aphak tikah, Ralkap cu Ciapan (Pangpar kung) tang ah aa thup. A DL SPH nunchun nu cu zanlei sang takkhawlh awk ah ara. Cuka ahcun nuva ansi tawn. Cia pangpar tang ah aathup mi kawl SPH ralkap rual kha Ciakawli an ti hna. Keimah Bohmu Thein Win kasi Naisai lo ati hna. Bohmu Sai Thein Win cu Shan Miphun Tlangcungmi asi. Credit; Zingtincuai Cinzah

Be First to Comment

Leave a Reply

Your email address will not be published. Required fields are marked *