January 25, Matupi nichuah lei ah ralhrang le CDF Matu an i kap. Jan ni 20 ah Mindat in Matupi lei ah ralhrang motor 90 an rak rat kha si i, Jan ni 24 ah Matupi in Mindat lei an kir lio Haltu khua in Chianpian khua hlun lei an rakrat lio ah CDF Matu he an i kah hi si. A thi le hliam theih sirih lo.
Zotung peng Rezua khuah ralhrang 50 an phanhnak ni 3/4 si cang i, Rezua khua ah tutiang umhmun an khuar rih caah Rezua khuami hna cu,hmunhimnak lei ah an zam len hna tiah theih a si. Rezua ralhrang ummi hna hi Lautu peng lei lak le tlaih aa timmi an si tiah theih a si. By- Salai William HC
Sagaing ramṭhen, Walat (ဝက်လက်) peng nihin January 25, zinglei suimilam 10:15 ah Phawng-dai(ဖောင်းဒိုင်း) phu nih bomb lung 2 he ralhrang hna cu an doh hna caah ralhrang pakhat a thi, tiah theih a si.
January 23, zinglei suimilam 10:12 zong ah Sagaing ramṭhen, Myaung (မြောင်) pengchung a lutmi ralhrang phu hna cu mizapi vengtu ralkap phufonh nih an kahdoh hna caah ralhrang minung 2 an thi. Cu kahdohnak cu 11 Brothers Revolution Forces hruainak in tuah a si i, Myaung (မြောင်) peng mizapi vengtu ralkap le 27 Revolution Forces Myinchain(မြင်းခြံ) phufonh nih kahdohnak cu an tuah, tiah theih a si.
January 24, zaan suimilam 8:00 ah Mandalay ramṭhen, Patheingyi (ပုသိမ်ကြီး) peng le Mataya(မတ္တရာ) peng aa tonnak hmun pawng ah ralhrang motor 2 cu bomb puahhnawh an tong i kahdohnak thawng zong kan theih, tiah khua mi nih an chim.
“Zaan suimilam 8:30 hrawng ah si lai, ralhrang motor 2 bomb puahhnawh an tong, kahdohnak thawng zong meng 4 in aa hlatnak hmun in kan theih, motor pakhat cu an kahmi cu am khen caah a thi mi zong an um kho, zaan a si caah kan zoh ngam lo,” tiah khua mi pakhat nih a chim.
Magway ramṭhen, Saetoetaya (စေတုတ္တရာ) peng Takagyin (သက္ကကျင်း) khua nitlaklei ah hmunhma zohfelnak a tuahtu ralhrang phu hna le mizapi vengtu phufonh; Magway brigade 1 karlak ah nizan January 24 chun suimilam 12:00 luan hrawng ah kahdohnak a chuak i ralhrang phu lei in minung 6 an thi, minung 10 leng nih hliamhma an tuar lengah an hriamthil le kuan hna cu mizapi ralkap nih an lak khawh tiah theih a si. Khit Thit Media
Be First to Comment