Mindat Peng Chungah Kahdohnak Fak A Chuak. Chin ramkulh, Mindat peng chung Mindat-Matupi lamcung ah tu zaanlei sang ah Mindat-CDF le SAC ralhrang hna hma suang hna kar kahdohnak a chuak tiah theih a si. Mah kahdohnak ahcun ruah hna a sur pah caah chum hna a zaam i, kan i fiang lo tiah theih a si.
မင်းတပ်မြို့နယ်မှာ တိုက်ပွဲဖြစ်ပွား/ ချင်းပြည်နယ်၊ မင်းတပ်မြို့နယ် မင်းတပ်-မတူပီလမ်းတွင် ယနေ့ နေ့လည်ပိုင်းက မင်းတပ် CDF နဲ့ အာဏာသိမ်းစစ်ကောင်စီရှေ့ပြေးတပ်တွေ ထိတွေ့မှုဖြစ်ပွားတယ်လို့သိရတယ်။ မိုးများရွာသွင်းတာကြောင့် မြူတွေထူနေပြီး မြင်ကွင်းမရှင်းဘူးလို့လည်းသိရတယ်။ Crd; Zalen
THAWNGDANG RELCHAP>>>><<<< BAIBAL HNAWMTAM TETE: Thlanglei Michigan tluk in rocar si kingro simi ram ka hmu ti lai lo dah ka ti. Lincoln pennak ram tiah an kawh bang lei lawngkang hmun cu sau kaw sau kaw, amah Abe hmaithlak tliang saupi he aa lo. Caan kal rang deuh seh tiah mekazin cu ka rel pah. Mit tha hlang ngai khin St. Louis Tlanglawng Bual i Fred Harvey rawldawr fakṭanh cu ka hmuh.
An rawl nih ka or a fohter lo, Leicung minthang hna Harvey lengdawhcuang tungtairem hna cu amah Harvey lila nih a thim rih hna an i tel rih cu mu— Cu hna zong cu ka duhduh in hei i thim kho ve ning law cu.
Bloomington kan phan. Tarpa a hung kai hngap. Tonak a lawngkang lengluang ko nain ka pawng ah a rung ṭhu ve. Suit raang chermar thilbuarsii nih a rungh tletlu meisei khi aa hruk. Ka zal chung ah Harvey lengcuangthiam cathanh te zong cu ka hun sanh colh ve.
Khan tlawmpal kan kal hnu khin tarpa cu a hei tonak cun a hei tho i ṭhutnak kar lam te cun a dir i minung a kan ngia len ko cu. Tlanglawng daruan nih bawmh ding a hei hal nain a ngei hraw lo. Daruan cu khan dang lei a hei fuh colh , tarpa zong cu Zal sanh Baibal hmete a hun i chuah colh lila ve. Ka pa hlikhlek te. Khuatlawng dang nih an thei theng lai ka zum lo nain ka lung cu dukduk in aa vua colh.
“Ka u le ka nau hna, Bawipa ka hmuh ve cang tiah thawngṭha thanh ve kaan duh hna.” Hmakhat te cu kan dai ṭhipṭhep hna. Mi pakhat khat nih a dung lei pi khin, “Hmuh ee? Zeitin a tlau i maw?” tiah a rak au. Phung tiin an nii dih. Evan pa le keimah lawng kan nii lo. Ka to hmun in thuk deuh te ah ka vung pil i kaa dup deuh, a lungchung cun Bawipa Pathian nih vun let colh sehlaw cu ka va duh dah.
Nain, Evan te cu bia cu kawrong in i oih hna kaw hmakhat te ah, “Caandongh nai tuk cang. Na sualnak nai ngaihchih a hau cang. Ka unau le ka farle hna, hi te hi hal kaan duh hna: thihnak ton hi tah nai tim cia cang maw? Midang deuh pakhat nih, “Kai tim thlu rih lo, unau.
Khuazingte daiziar khan to tuah.” Mah bia nih Evan pa hmai ah rung beng sehlaw cu bang khin con ko in a tuah. Baibal Thiang te cu a kuthnih in fek ṭhup aa tlaih i, “PATHIAN bia zei rello hin um hlah. Nawlbia 2nk hrimhrim ah Pathian min ningcang lo in hmang hlah ti a si khah. Sehtan mei hliauzik bantuk in na lungthur unau.” A cal le hngawng thahri pawt tur khin an vung i hngal.
“Na tlai rih loh. Caan na ngei rih. Na sual kha i ngaichih caan na ngei ko rih!” Ṭhia ngai sang ngai in a dingdong cu ka pa hmaika tun thlalang bang khin ka tuar. Mah caah ta si lai, ka zaangfak hi. Ban rawt in khin ah va hnuh i Remus cun Amen na dong len hnga tiah chimh khi ka or chuak nain mu Chicago mi an tor tik cun kawlhang tlol khat zui in cheh ka tong ai hnga.
Evan pa nih a aw vung ṭhumh deuh khin dinte khin, “Ka hawi dawt le hna ngai ta duak hmanh u. Kaan bawmh duh hna. Nan fale hna an hlen dih hna— Sualnak ngei lo tuufa no an nihsawh bang khan. Hitihin, hal kaan duh hna fawh: zawng in kan sem tiah nan zum el maw?
A dunglei khin— “Nangmah na si kha” Tlanglawng cuang ning khin phung tiah an nii-khek dih colh. “Ka dua le, nuamhsaih caan si lo fawh. Thihnak vanmi nih suimilam tuak lo te ah na thlarau a rung laak khawh hi.” Cu lecangka Evan ka rak hmuh thiam lo kha kaa phuhrung. Dengteo in a hun ka bih i, “Nang teh, an sertu cung ah na vuivai ve maw? Tlanglawng hi a lam khin pial sual sehlaw na thlarau hi paar in van lei hoi in a zuang lai na ti maw?”
Tlawmpal lo te ah, khrung tiin mintlaulek thawng bang kan tonak in tlanglawng hmailei ah a kan khawt viar. Evan pa cu a kedil in a lusip tiang seng pet in a hung um. Nu pakhat a kio a raak. Kan zapi in kan thi dih lai tiin ka ruat colh. Varzin in lole taklawng nu mithring in ka ton hlan ah ma— ka dalh ko kun lai—
“Bawipa, rung ka la, inn lawi ding kai redi cang!” tiin Evangelist pa a aihram. Brakes tlaih aw cu hnazang ah a viu bak khin a viu, thlalangawng khin meici pet hna an i kap. A rim nih le chia kaw chia kaw, pakhat le pakhat lau tuk khin kan i ngia cio hna. A chung ah king ririai thinphang thlalau ngang khin kan tuar cio hna. Evan pa bia-ka a dik i si hnga maw? Asilole, hellram ah dah kan va phak?
A hnulei kutka hun in tlanglawng daruan a rung ra i, “Khawngdeng lo in nan him dih ko lo maw? Saṭil Tlanglawng lam ah an um ruangah acang sualmi khi si. Thinphang thlalau tuk hlah u mu. Rau lo te ah kan ṭhawl khawh dih ko hna lai.”
Kan zapi in thawchuah a hun zaang vima. Biaruah na, thawngca rel na tiin kan sia kan i remh cio. Evan pa zong vawlei hlun pi hi sualnak nih a chilh ko kha lungsi theng lo khin a suit vun i thik pah hnu vuivai pah khin a hei ṭhu.
Vanṭhat ah, Evangelist pa cu hmai ah a ṭum ai. A Baibal te cu a philh ta ko, lole a chiah ta hramhram kun hnga? A zumhnak nih thlalau tuk khin a ka tuarh rua? Baibal Thiang cauk hmete cu mipa ei bang le din bang nih a vun i keunak zawn ah an rung tlak. Baibal pante cu cuka hmun cu mei in hei luah ko ka hei duh nain an ka poh lai i ka ta lole phungbiachimtu ah an ruah ve lai. Zokzok in ka mekazin chung ah ka hei nawh.
Baibal Thiang he hin ka ṭhanglian. Remus ah zumlotu an sem hin lo. Zumtu hna le a piangsual ṭhanmi hna dah ti lo. Cathiang zumlotu khat tung hi vawlei ah an tor lai ti cu ka zumh cia te.
Khan (mile) tlawmpal kan kal lonh hnu khin cauk hlun pi ka vung kau. A hnah cu yellow pages kau bantuk khi a lo. Mekazin kar ah ka nawhmi Baibal hmete bantuk zong ka nei ve.
Papa thawngṭha chim caan khin ka rel ve tawn lengmang. Nain kaa ralkah vima lai ti cu ka tuak bal hle. Illinois ramda pi nih Baibal rel duhnak tha a ka thawhter. Umharpheng tuk ruangah si loin Evan pa nih ka hma-tuam a phoih le ka lunghrin a theih caah ka rel.
Baibal Thiang hi zumh dih ka duh ko. Ka rel fatin ka lung fiang dok fiang lo dok khin ka lungṭe peng. Zoh law, Genesis 1, ah Pathian nih thingkung a ser hmasabik, cun saram, a hmanung bik ah minung. Genesis 2, Pathian nih Adam a ser hmasa fawn, cun thingkung ramkung hna le saram hna cun Evi a hnu cem ah. Kha pei? Pathian hmanh nih kaphnih lengmang hin aa neih hnga aw.
Cun, biachim thiam rulpi le vainam haar tlai vanmi. Ngaite ti ko lo cun, holhthiam rulhreu kha cu aa rel deuh rih. Eden Dum in dawi an si hnu Pathian nih cheburim vancungmi mei-vainam duhnak zawn paoh mer khawhmi hrim nih Eden Dum a cawnghter kha— Nihin ni tiang an cawng ko rih hnga maw? Arabs kala-uk liangthang cung cuang ralchimtu hna hmanh pei mah mei-vainam nih a rak hlo hna lo maw i. — Nain tanks a tlartlar
Cain nupi kong si rih fawn. Cucu Genesis 4, fapa pahnih a hrin, Cain le Abel. Abel a nawn hnu ah Cian cu thaisungnu a vai hmuh kha. Hringsor fa tampi an nei i cu hna zong nih tefa tampi an hei ngei hna cu mu. Tuchinfapar tiang aa sengtlai dih. Tisikun, Adam le Evi hi nung rih kun hna sehlaw fa pathumnak hei nei hna seh, annih cu vawleicung mi vialte i kan nulepa an si cu mu. Cain nupi hi tah? Khoi in a rat kun?
Hringsortu kong ruah cun ka panh ruam lo. Sek kong aa tel hmanh khin ka tha tho ruam lo. Genesis 6, hin lengdawh hna kong a phai ngengua ko. Ngaknu dawh ṭial hna le vanmi rungṭum dingdeng hna nih van le vawlei kutka hun in maw minung ah an i can hnga ti awk. Cu lengnu dawh hna nih fa Keitlau an i neih hna. Mah tuanbia hin lungawṭawmnak ka nei hin lo.
Chunnitlak Vanram kong hi ka ruat thluangthluan, lei ah ṭum ning law Emily Apple khi naih tein ka vong bik hnga pei —
Keitlau a chuahsem hlan ah Pathian a thinhung i vawleipi hi hrawh dih hirhiar in a thar in ser ṭhan aa tim. Cu caah, Noah lawng sak a fial kha. Saram zuva hna a khuah tete in le a chungkhar tlum ding in a rak fial kha.
Dinosaurs bel a chim chih rua lo. A nu le a pa in khumh an hei hau hnga cu mu? Ka pa nih cun dinosaurs hi a zum lo. Cathiang ah lungthlu kho lo in an kan hlennak le ṭawnchom tuanbia a puh. Field Museum vial ah Brotosaurus le Tyrannosaurus an ruh pawl ka hmuh fawn hna. Ka lau kho tuk. Ka pa nih nek nawn nih pah khin Khrih zumlotu hna nih ar-ruh an khawmh hna i kaw in hei sengh in an pehchom i a si ko cuh. Ka pa Malachi Henry cu deh ngah ruam lo. Chickensaurus, ruh tum emem tiah ka hei ruah.
Noah nih a lawngpi chungah puai a tuah i zu a vuai deuh caah thilthuam tiang phoih dih in a um nerhnurh lio khin a fapa hniang bik Ham nih Noah a chiaṭha sawng nawn kha a hmuh sual ai. Cu ruangah a tefa hna tiang chiatserh an ton dih kha. Cu cu maw hi vawleicung ah thluachuak cem pa dirhmun?
Cu lawng si rih lo, an hrinsor an vong karh lulhmalh— Noah chungkhar cu leicung ah an karh rulhmalh hnu ah an vung lo dih ṭhan.
Caang tlawmpal vun lonh hnu, Abraham a rung lang ṭhan. Abraham cu chungchuak tefa neih a duh tuk meisei ko nain nupi cu nucing tar ngai te khi a si cang. Pathian he biakamnak an tuah hoi: Pathian nih tefa rel cawk lo thlua a chuah hnik— cucu cuarpartan ding a hnatlak cun.
Cuarpartan timi biafang Sunday School ka voikhatnak theih ni zingka cun Eddie Quackenbush nih a kut thlir in, “Pi Pike, zahan zan ka ih lai Cathiang rel ah ka lung pian lomi holhfang te a um, kaa ruatsek len nain ka hngal kho bak lo. Theih ka duh meisei ko.”
Pi Pike hmai te aa panh siarmar— Ziah ti cun Eddie bantuk ngakchia bik te nih amah le ruahdamh te in Baibal rel aa timh caah. “Lawmh um tuk ṭung, Edward. Zei bantuk te dah na fian lomi cu?” “Cuarpartan.” Eddie cu aphi leh a tong tilo leng ah hmaisen ngai khin khaan in a chuak.
Hnu ah ka pa ka hal. Zuzu par i a hlei vuang vuncuar cik khi a si,” a ti. Ka pa bia cu ka ruat bitbet hnu ah, “an thlongh kun maw? Vei tan dih bak khi maw?” “Aphung si ko. Namte he cik a si.” Ka karkalak cu kaa zoh. “Kei hi tah aa tan cang maw?” Hmaisur nawn khin, “Tan diam. Bawipa sin thianternak caah a si cu, kan bu vialte nan i tan dih.”
Thikhal ka hmai ah sem. Ka cuarpar mithla nih ka ṭhih sehlaw cu bang cu ni thok cun kaa phuhrung peng. Zei dah a va lawh ve hnga. Nu nih a kan duh thotho ko hnga lo maw tan lo zong ah? Ka dur fual deuh lai cu mu. Ka til hmul rih lonak hi cuarpartan ruang bak ah a si lai.
Abraham kha kum 99 a ti tiang ah a hmul aa ziat. Cuarpar hi Cathiang ah biapi tuk in aa ṭial. Pathian mi sinak hmelchunh zong a si. Thil kal aa thleng lellul hoi cang, Samuel Cauk kan phak cun. David nih Philistines 200 a thah-nawn hna i an luruh le cuarpar kha Saul Siangpahrang ngunkheng ah a va pek— cu a fanu man bak ah a va manh ko cu mu. Goliath a that khotu David kha ta a si. Baptist bu val zakip nih a min hngal lo kan um lai lo dah! Salm Cakuat ṭialtu zong a si kha ta!
Pathian nih Abraham kha a thlongh in thlong lawlaw rak ti sehlaw ka nun buaibaimi hnathiang vima hnga mu.
Zawng in hrinsormi kan si ti belte a dolh har. Adangdang an um rih khi— mei-vainam, cheburim vanmi le dinosaurs adeu, Philistin cuarpar te hna zong ta. Mah ca hin Chicago-mi pawl nih Evan pa kha an nehsawh sawk.
Thil pahnih fiang ngang in ka hmuh. Cu hna cu Evan pa a dik— ka pa nih a lei a va ṭang hnga maw le Chicago-mi pawl an dik.
Tisikun ah Evan pa kha hei dik sehlaw tah nunnak hin mi hngahnak khan ah to ṭialmal ta a hauh ko rua lai. Leicung ah a biapi bik cu zungzal nunnak ca i timhtuah kha si ko. Cun, Jesuh cu lakhruak khin Pintit nu nakkhin kaa thim fawn.
Aruang cu khua-al-tlok chaklei khua toi kalnak ticket ka neih cang ruangah. Chicago-mi pawl an dik a si cun Vanram le hellram zong a um hnga lo. Mah nun pakhat te lawng tiang a hei si hnga. Nunnak ah na chuaksem, na ei na bar, na ek, naa soih, na thi.
Nihchuak simi cu Chicago-mi pawl cu an tlo i an i nuam— Evan pa bel zungzal in zungzal tiang nunnak laksawng a hmu ma? — Naisai balaiṭhai rih lo fawh. Cun ka lung fianmi cu aho tak hmanh hmark lak ding ah phung an ser rih lo. A hnubik biaceihni um ai kun lo cun duhmi paoh tuah. Phungphai vialte te buar dih.— lungchuak paoh nunlam chung zulh in hei tuah aziamh hlan lo tiang khi.
St. Louis Bual ah kan dir rawh. Ka hmet deuh lio chunmang ai ponnak khuapi cu si kaw ka zumhnak cu thlalangawng in lopher tikhu he cawh in a zuang. Hihi pei ka nun ah duhduh tuah hi ka voikhatnak bak a si lai hi. By- Kevin Thang (the lairam times)
Be First to Comment