5/5/2022, CDF pasalttha Thawng Tha Peng nih ram le miphun caah a nunnak apek. #RIP😭 Credit; Salai William HC…….. Hakha-Falam kar Kahdohnak ah CDF-Thantlang Ralkap “Salai Thawng Tha” a Nunnak a Liam Nihin May 5 zinglei, Hakha-Falam karlak Tlangzar khuapawng kahdohnak ah CDF-Thantlang ralkap SalainThawng Tha nih ram le miphun ca ah a nunnak a pek, tiah thawng kan theih.
“Salai Thawng Tha hi CDF-Thantlang ralkap lak ah paralttha le pahuaisen taktakmi a si. Nihin zinglei Tlangzar kahdohnak ah a kan liamtak,” tiah minung pakhat nih a chim. SAC ralhrang pawl nih an motor pawl Tlangzar lonh ah an chiahtak i kee in ramtang ah an lut. Nizan in aa thawkmi Hakha-Falam karlak kahdohnak ah SAC ralhrang a tlawm bik 18 an thi lai tiah an zumh i, CNA le CDF in minung 2 nih a kan liamtak. Crd; The Chin Journal
Thawngdang Relchap; Rallokap Jet Fighters Le Helicopter Hmual Tuarlo Tein Raldoh Ningcang 🛩️🚀🛩️🚀🛩️🚀🛩️🚀🛩️🚀🛩️🚀🛩️🚀🛩️🚀🛩️🚀Rallokap he Raldohnak hmunkip ah Vanlawng ngawt in an kan kah lengmang mi hi hrialnak lam aum ti lo maw? Vanlawng kahnak kan ngeih lo caah asi maw? Kan kah ko nain a tlolh ruang ah le kan nganh ruang ah asi maw? NUG nih Vanlawng kahnak cu chimh lo, Hriamnam an kan bawmh lo caah asi hnga maw? MAH nih ral an sung deuh ah siseh,
CDF / PDF / LDF nih kan tei deuh ah siseh, Rallokap an thih deuh ah siseh, Jet Fighters le Helicopter in an kan kah tawn. Acaan ahcun Vanlawng bak in an kan tuk ko. Tcn: Tutan CDF Vanlawng in an kah hna, Lungler Rallokap Sakhan tuk lio ah Vanlawng a hmang fawn. Rallokap nih CDF / PDF an doh dan hi Meithal in an kah ti hna lo. Lamhla in Miapi le Sniper in an kah hna. Bomb lian pipi in an kah hna, Vanlawng in an kah hna. Lamhla in a kah khawh mi Russia sermi Tank zong an hmang rih. Vawlei in Meithal bakin ral I doh hi a tlawm ngai cang. Hmailei zong ah Vanlawng an kan kah ko lai tihi hngalh cikcek ah a ṭha.
🛩️🚀MAH Raltuknak Vanlawng hmual in luatnak lam cu pakhat te lawng aum. Cucu Voivoikhat in Kawlram pumpi in doh / kah an herh. Kawlram pumpi in nikhat cankhat ah namh a har tuk ahcun, Phu (10) talnih doh ṭi ah a ṭha. CDF / PDF phu (10) nih Cankhat te ah, Nikhat teah , kan dohhna ahcun, Vanlawng a ngeih mi nih azat ti lo caah, Vanlawng an hmang ve lailo. MAH nih aa ngeih mi Vanlawng hi tampi ansi lo. Kawlram le Tlangcung mi PDF cu um rih koseh, CDFs phu (10) tal nih Nikhat cankhat ah doh ṭi awk ansi. CJDC tang ah CDFs phu (17) kan um fam cuh. Cutin tempo ruang tein nikhat cankhat ah kan doh hna ahcun an ngeih mi Vanlawng nih azat ti hna lo caah Vanlawng an hmang lailo. MAH Vanlawng hmual in kan luat zungzal fawn lai.
🛩️🚀Tucu cutin siloin, apak pak tein, mah le can te ah, Rallokap kan doh hna tikah, Vanlawng nih a chanh lengmang hna. Zing ah Hakha ah kan I doh ahcun hmun (9) nih chun ah maw, zanlei sang ah dah doh colh / kah colh ve ahcun Vanlawng in ankan kah manh ti lai lo. Tu cu Kaya le CHIN Lawng ah punghman tein le canhman tein kan doh zungzal hna caah, Vanlawng an hmang khawh rih hi asi. KNU, KNDF, KIO, KNLA, TNLA, MNDAA, AA, ABSDF le PDFs fonh in kan doh ve ko hna nain, acan le a ni aa khat lo caah, Vanlawng cu duh chung in an hmang khawh.
🛩️🚀Likekaw ah KNU Vanlawng in an kah lio ah hmundang ah ral a dai. Vanlawng in cihmih an timh hna nain, Pilot pa nih anmah Rallokap tu pakhat hmanh nganh lo tein a kah hna caah, KNU le Karen mipi an himnak asi. 2022 April 9 in 14 tiang, KNDF le MAH cu ni (6) peh tein ral I doh asi. Kaya Khualipi hna asimi Loikaw, Demoso, Faruso, bawlakhe hmun (4) ah biatak tein ral I doh asi. April (14) ni khat bak ah voi (12) khelhte Vanlawng in an kah hna. PDF (10) an pamh I, Uirual (50) leng an thih ve. KNDF nih Bomb rap in tampi an thah hna. Vawnlawng in an kah tuk hna caah Kaya mi pi 200000 cu Khuapi le Innlo chuak tak in Refugees an si cang. Kaya milurel hi 300000 asi. Loikaw Khualipi ah a tang mi hi azaa lawng an silai ti ai.
Non CDMers hi a tang mi an si ve. PDF Ṭatzing (100) leng LDF (300) leng asi (Dulashiwa bia). KNDF phu khat le CDF lawng nih kan kah caah, Vanlawng in duhchung kah kansi. Cucaah hmai lei raldohnak ah Phu (10) talnih kan doh khawh ve hna lo ahcun, Raltuk loin dai tein umah a si khawh hnga maw? Achan cu: Vanlawng kahnak cu chimlo NUG sin in Meithal kan hmuhco mi aum rihlo caah asi. Ramdang um CHIN miphun hna zong nih Meithal zaa lak in an kan cawk piak khawh rihlo, Vanlawng kahnak zong kan kut aphan rih lomi CDFs, kan tam tuk rih caah, ka ti bia asi. Vanlawng kahnak hmual in luatnak lam hi aum ko dakaw, Kuri tu le Hruaitu kan chambau tuk caah asi timi Theory he nan sin ka ra ve. NUG le chungtel vialte nih ruah len awk ding mi Theory asi ve.
🛩️🚀Sagaing Ramṭhen hi Vanlawng in an kah peng ve. Pale, Yinmabin, Salinci, tbk ah Vanlawng in an kah zungzal hna. 2022 Kawl Titoi puai Drama (Action Song) piahnak ah NUG khoika dah nan thi, Hriamnam kan pek uhlaw, Vanlawng kahnak kan cawkpiak uh tiah an ti len cang kha. Monywa PDF nih NUG nih Meithal kan pek sehlaw, Monwya kan lak I kan uknak ahlan tuk cang tiah an ti ve. Bo Nagar zong nih zeidang bawmh ka herh lo, Vanlawng kahnak lawng ka bawmh uh. Nan ka bawmh khawh ahcun Nipidaw cu ka lak lai tiah NUG cu a singkhaw hna.
🛩️🚀Hriamnam le Vanlawng kahnak nan kan bawmh khawh lo zong ah, Voikhat ah Phu (10) tal nih Raldoh ṭi awk ah, NUG nih nan kan kuri khawh lailo ma? Hihi nan caah a har lomi thil asi. Biological Technic kan ti lai. Hriamnam le kuanzen, bomb, Miapi, Launcher, Vanlawng kahnak tel bak loin MAH TEIN in thluk khawhnak asi pin ah, Rallokap Vanlawng hmual in luatnak lam aum chun te asi. Fimtuk le thiam tuk zong a herh lomi asi. NUG tang um Ralkap 100000 kansi cang tiah thanh asi fawn. Kawlram pumpuluk ah phu (10) renglo nih Voikhat te ah MAH kan doh khawh ti cu tanglei capar ah kan langh ter lai. Cucaah NUG nih Raldohnak Tactics, Time frame le Tempo kong ah kan kuri cang ko uh. Cu asilo ah Defense Minister le NUG Local Kusale vialte kan thlen piak dih ko rawh uh. Asilo le Raldohnak he aa pehtlai mi Nawlngeihnak le power vialte kha NUG he aafonh mi EAOs sinah ah in charge pek cang ko uh.
🛩️🚀Vanlawng in kah cu chimh lo, MAH athluk khawh diam cang mi Ralkap le thazang ngeihmi kan si kha tang lei ahhin kan langhter tuah lai. NUG Kuttang GZ Ralkapbu (PDFs) lawng tein 100000 kan tlincang. EAOs Ngan phu (17) relchih lo asi. EAOs hmete pawl, CDF le CNA aatel rihlo. Myone (330) ah mah tein dirhmi, NUG kuttang alut lomi / NUG Kuzale rual he buaibai ruangah NUG lut a duh lo mi / NUG nih an phuah mi tbk, PDFs le LDFs aa tel rihlo. Mipi kan Ralkapbu vialte fonh dih khawh usihlaw 200000 cu a tling diam. Police le Fire Force (Meithat Ralkap) relchih in MAH Rallokap hi 500000 ti lengmang asi.
Ṭatma (10) telin, Raltuk khawh mi Rallokap hi 130000 lawng ansi tiah NEWS kip nih an langh ter. Mipi Ralkapbu hna kutin apamh mi Rallokap hi a tlawmbik 300000 cu ansi cang lai tiah zumh asi. Rallokap a thihmi hi kan theih mi nakin kan theih lomi an tam deuh lai. Achan cu an thih ah an ruak an I lak cawlh ve caah, mipi nih kan theih khawh lo. News ah an langh ter fawn lo. Ralkap Record zung tu ah min cazin an khumh hna. An phumh manh lomi Rallokap ruak cu an phan nak khua Inn khat ah chiah in, mei an duah, Inndang zong tampi an khangh chih tawn. Hramhram in Innlo mei an duah bang in a thihmi Rallokap meiduah nak caah, Mipi kan Innlo cu an hmang tawn hna. Cucu news ah a kai pah tawn caah hngalh cia asi. Cucaah Raltuk khawh ngaingai mi Rallokap hi 100000 hrawng hrang lawng an um cang ti ko ah kan palh lailo. NUG Ralkap he aa khat bak mi an si cang. Ral aadoh ding tlak hrimhrim an si ti khawh asi ko.
🛩️🚀NUG nih Federal Ralkapbu tiah min an pek hnawhchan mi Ralkap zat hi NUG kuttang um PDFs Ralkap 100000 hi an chimh duh mi asi. Adang hi cu Raldoh Hawikom rual an si. Kawl Holh in Mahameih ansi. NUG kuttang umlo Mipi Ralkap zat hi a milu in atam deuh lai. Hi vialte Mipi kan Ralkap hna hmunkhat ah fonh in Federal Ralkapbu ti siseh law, MAH nih TEI awk ah asi khawh tilo. Hriamnam in an kan bawmh khawh lo zong ah aum cia mi Hriamnam hmang in MAH a thluk khawh bak ding mi thazang aa ngeih mi Mipi le Kan Ralkapbu kan si.
🛩️🚀NUG nih an kuttang Ralkap lawng an bawmh hna I, Hriamnam tlin tein an pek hna. CDFs ah a um ve lomi CDMers Police le Rallokap NUG nih thlahlawh an pek hna. NUG Police nan si lai tiah bia an kam ter hna. Certificate zong an pek chih hna. Mipi nih kan TEI tikah Police si awk ah le NUG Ralkapbu / Federal Ralkap reserved caah Kenret an si ve.
🛩️🚀Ralhrang MAH te Rallokap he cuaithlai tikah Mipi nih TEI ding asi cang nain, Nihin tiang TEINAK kan hmuh lomi ruah le tuak ah khuaruahhar leh lam asi. Hriamnam kan tlamtlin lo le kan chambau mi cu a mikip hngalh mi asi. Kan ngeihmi Hriamnam le Ralkap thazang in MAH a thluk khawh ding mi kan si ko nain. Kan palh mi le kan I remh awk cu a um hrim hrim ko tinak Tehte asi kolo maw? NUG le mipi lei ah raltuk thiam nak le Ralbawi Lianngan kan bau rua tiah kei cu ka pom mi asi. Ralkap le raldohnak he pehtlai in Tactics, Technology le Technicians kan chambau tuk hrinhran ko tihi asi ko.
NUG in thawk in EAOs le CDF / PDF / LDF tiang in SMART person le Great General kan um hrimhrim rua lo ti awk in thil a kal cang. Mongo Mari, Mosey Dayan, Arial Sharon, Benjamin Netan Yahu Bantuk Ralbawi kan herh ko rua ka ti. A fit mi le raltuk a thiam bak mi Ralbawi kan I ngeih rih lo ahcun, Ramdang ah cawn ter or A fimthiam mi hna sawm in Training pek cang hna usih. Arau hlan ah TEINAK cungnung he kan sinak hnga? 🛩️🚀🛩️🚀🛩️🚀🛩️🚀🛩️🚀🛩️🚀🛩️🚀🛩️🚀
Credit; Zingtincuai Cinzah
Be First to Comment