Press "Enter" to skip to content

CDM a Tuah i a Zaammi Pawl Cohlan Lo Ding in Ralkap nih Rinpi Khuami an Chimh Hna

CDM a Tuah i a Zaammi Pawl Cohlan Lo Ding in Ralkap nih Rinpi Khuami an Chimh Hna
——–

Nihin zanlei sml. 3:30 hrawng ah ralkap motor 4 cu Hakha peng, Rinpi khua ah an phan i, DCM a tuah i a rak zaammi pawl cohlan lo ding in khuami an chimh hna, tiah thawng kan theih.

Ralkap nih CDM a tuahmi pawl min le hmanthlak an i ken i khuami pawl an hmuhsak hna buin cohlan lo ding in an fial hna hi a si.Laitlang cu Kawlrawn bang si loin atu tiang a dai rih i a ttha ngaingai tiah ralkap nih khuami an chimh hna i ralkap le palik rianttuannak dohdal lo ding in an forhfial chap hna.

Cun, pakhatkhat thil a can ahcun ralkap nih mipi kan in ven zungzal ko hna, tiah Rinpi khuami sin biachimnak an ngeih hnu ah Hakha lei ah an kir tthan hna, tiah thawng kan theih.
The Chin Journal
April 5, Hakha
#Hmanthlak: Hakha khuachung ralkap motor aa chawhvah lio.

Credit: The Chin Journal

Relchap: Kalaymyo Ah Ralkap Kahnak In Minung 18 An Nunnak A Liam Cang

Hi thawngpang hi Chinlung Today in laak mi a si pinah Falam caholh in a si i kan si khawh tawk in lehkhawh kan van i zuam lai.

β€œMyanmar rampi acozah nawlngaihnak ralkap nih February 1 2021 thok in an laak hnu, Kalaymyo khuachungah ralkap nih mipi an kahmi milu zaat cu 18 an si cang.

Ralkap nih nawlngaihnak an laak hnu March 3 in April 3 tiangah Kalay peng dihlak chung ralkap le palek nih an kahmi hna i an nunnak aliam mi zat hi Chinlung Today nih data khawmhsuatnak(Collection) a tuah mi ah minung 18 an thi cang tiah a langhter. Hi pinah hrelh mi tete zong um kho men, hliamhma tuar mi zong zei maw zat an um len.

Ralkap nih mipi an kahthahnak hmunhma tam bik nak cu Kalaymyo khua chung ah a si i minung 11 a thi mi an si, hi chungah hin khua dang mi zong an i tel. A vun chang tu ah Chaungkhuah khua a si i minung 3 an thi. Mipi an thih a tam bik ni hi April 1 kha a si i nikhat chungah minung 6 an thi. A vun changah March 28 a si i minung 5 an thi ve i a donghnak bik hi March 17 a si i minung 4 an nunnak a liam ve.”

Credit; Chinlung Today
Note: Hi thawngpang kan leh mi cungah tlamtlin lo nak tampi le chambaunak tampi a um len lai, cucu mipi arel tu nih nan kan theihthiamnak lai kan in nawl hna. Chap ka duh tthan rih mi cu hi thawng hi mah nih ruahdamhnak in ttial mi a si lo i Chinlung Today sinin laak mi le leh mi a si ti kha nan kan theih piak nak lai kan in nawl fawn hna.

Be First to Comment

Leave a Reply

Your email address will not be published. Required fields are marked *