Press "Enter" to skip to content

CDM Lomi Laimi Aruang le Antuah Termi hna

CDM Lomi Laimi Aruang le Antuah Termi hna. Palik CDM lomi Laimi hna khi rengkai a ngakmi an um. Kawl catial athiam lomi Laipa palik pakhat cu senthum in Azakhanbo (CSM) an kai ter. Laimi CDM le CDF cazin an lak ter. Palik lawng silo in CDM atuah mi Cozah riantuan Laimi dang zong an min an lak ter hna. An umnak veng le khua zong cazin lak ter dih asi.

Adang palik tuanmi Laimi dang zong cung lei bantukin tuah uhlaw cazin nan tlinter ahcun nan reng kai asi ve lai an ti hna. Cuticun hechet tiah CDM le CDF cazin le adang an herhmi thawng pang zong an lak ter chih hna. Thawng pang le cazin lak a fel deuh mi le a thawn deuh mi cu an reng akai colh.

Adang cu reng kai ngak in Palik le cozah rian an tuan lio. Reng kai in Miphun an zuar. CDM duhlo mi cozah riantuan mi adang zong cunglei bantukin an fial ve hna. CDM duhlo mi Laimi hlannak in areng akai deuh ahcun Dalaan asit tiah theih colh ding asi lai. An lahkhah hlei in Ralhrang nih phaisa tampi an pek rih hna.

Ralhrang rian fial mi fel tein an tlamtlin nak cungah zohchih in lawmman Laksawng le phaisa hmuhmi a dang ve. Cucaah CDM duh loin nihin tiang an um. CDM cia cheukhat zong an kir than. CDM duhlo lawng silo in Dalaan, mah miphun rawitu an si ko. Lainawng timi cu hihi asiko. Mah Lai khat a nawngtu kha Lainawng ti hi asi ko.

Dalaan kong ah CDF kan fale nih hma an lak tikah, an palh ee zei ee khah ee cu ee tiah sihnalh in an thang kan chiat hna. Cucaah khuapi Chung ummi hna nih areng akai mi CDM duhlo hna hi rak fim uhlaw zeitin nan ruah cio. CDM lomi rak that uh ka ti hrim lo.

CDF min le an umnak inn le sang a chim I cazin pek tu hna hi anmah pawl hi ansi. Lamhlat ah aum mi an si lo. Na pawng te ah aum mi le na Innpa CDM lo mi abik in rengkai mi hna ansi tihi theih ve awk ah kan hrawm hna. Kheng khat rawl ei ti mi nih lehrawi tu an si tawn ti hi asi ko.

Kei hi Ground level in thil asi mi, kanram le miphun harnak pek tu ding, Media nih an bang khawh lo mi, kan I remh le sersiam aherh mi, I hrim than aherh mi, hrial awk tuah awk aherh mi ti bantuk kha ka post tawn lai. Ralhrang Myint Aung Hlaing le Rallokap kan thlak cikcek hlan tiang. Uknak a Tha tikah ka mui in ka langh ve te lai. Ka theithiam rih ko uh. Pa bantukin tuah khawh mi ka ngei lo. Hi vial hi kannih nu rual nih mipi le CDF kan in bawmh khawh mi cu asi. Dolar tu cu ka ti kho tawk tein kan pek zungzal ve ko hna.

By_ Zingtin Cuai Cinzah

Be First to Comment

Leave a Reply

Your email address will not be published. Required fields are marked *