Press "Enter" to skip to content

Chanthar Chinmi le Hlan kan pupa hna hi mi ralchia kan si hrimlo, Kan Ral A Tha Kan Chinram Caah

Kan Ral A Tha Kan Chinram Caah
=====================

Chin miphun cu kan tuanbia zoh tik ah a tu kan umnak Chinland hi ral ttih in kan zamnak ah a phanmi kan si tiah upa hna chimnak in le tuanbia hna in hngalh khawh a si.. Nain Chanthar Chinmi le Hlan kan pupa hna hi mi ralchia kan si hrimlo.. Hlan Pupa kong cu ttial ti loin Chin Generation -Z kong tu ka hmutonmi chung in ka vun ttial..

#2021 Myanmar ram buainak ah Civil War a tho hmasa bikmi cu Chin kan si.Kalay-Kabaw hrawng Civil war thawhnak ah Chinmi hi hruaitu ansi i a tambik zong Chinmi an si..Hriamnam in an in thlau tuk nain Rawn um Chinmi thinlung hriamnam nih a dal lo.. Hriamnam tampi ngeimi hriamtlai nak in Chin miphun an tam taktaknak Kalay-Kabaw cu kawl ralhrang nih an ttih deuh cang.Chai le Thal pak te he hriamnam phunkip a ngeimi ralhngang a doh ngamtu cu “Chin” miphun Kalay-Kabaw ummi ansi.

#Hakha Khuate Cheukhat nih Ra Citcet Hna Seh Hohmanh Anung in Kir Ter Loding tikhi Si

April 1 ah Hakha Pengkulh chung ah khua cheukhat ka tlawng i lam canceo in mino 20 hrawng nih an puantom he lamkham zau in runvennak an raklak an ka kham i ka thilri an chek hnu ah ”Phundang in ruat hlah ”an ka ti.. Bia kan i ruah i kan khuapawngkam kip in mino cio paoh kan i khawm i runvennak kan tuah an ti (An khua min cu chim duh hlah ning) Kawl ralhrang cu ra hna seh a nung in hohmanh kan kir ter hna lailo an ti.. Cun ka hnar ruhno a ka ttam bikmi cu rawl kan i ken lo minung kan i thlen caan ah a ra tharmi nih an i kenmi rawl khi kan i hrawm cio an ti.. Mah inn le lo rian kal tak in Mipi humhimnak rian an ttuan.. Thih ding le ralhrang he i nam ding in an mui ah ttihnak mui a de lo hrimhrim(upat ka pek hna).

Hi thil kan tuahmi hi CDM a tuahmi khuate a zaammi le nunau le tar hna nih hnangam le zalong tein an um i an tlonlen le an hna ngamnak caah asi tiah an hruaitu pakhat nih a ka chimh.Cun Kan khua pawngkap lawng si loin Chinram chung khoika hmun paoh ah Raldoh ding in a ngamhmi mino kan tam tiah a chim chih.
“Kan Ral A Tha Kan Chinram Caah”.

#Salai Simon AN

Rf: Chin Post

Be First to Comment

Leave a Reply

Your email address will not be published. Required fields are marked *