Cheukhat nih Min Aung Hlaing kan doh an ti, kannih nih cun Min Aung Hlaing cu doh a hau lo

Peng 3 nih a kulh i a rawk ngai cangmi Mara ram hi remh ṭhan ding ah Pathian nih Policy a kan pek ti hi kan fian a hau. Cheukhat nih Min Aung Hlaing kan doh an ti, kannih nih cun Min Aung Hlaing cu doh a hau lo, Mara ram kan ven khawh cun a za. Zei ruangah Min Aung Hlaing doh a herh lo kan ti a si ahcun chungtlik in a thi kho mi a si.

Abraham Lincolh nih tlaihtleng ah a hmanmi cu ramkhel lei a thiam tukmi hna hi, an ralpa hmanh hawikom ah an ser khawh ti hi a si. Kannih zong nih Min Aung Hlaing hi kan ralpa tiah maw kan ti lai, hawikom ahdah kan ser lai ruah setmat a hau. Bawipa Jesuh hmanh nih nan ral va daw hna u tiah a ti, Cheukhat nih Min Aung Hlaing tiah an au, an khuang. Au zong a hau lo, doh zong a hau lo, dirpi zong a hau lo. Kan au le kan khuan deuh ahcun a zual chin lai.

Sianginn cachimtu saya/sayamah pawl cu CDM tuah tuah tiah nan hei forh len hna. Cacawn loin kan fale kum 5 um hna sehlaw an kum a luan deuh lai, kum 10-15 an phan lai i nupi ṭhit va ngeih lawng a tang cang. Cucaah kan policy ah CDM tuah ter ding um a herh lo. SAC ralkap he pehtlaihnak tuah i kanmah le kan rian te ṭuan ding a si ko, tiah Mara Administrative Territorial Council/ Maraland Defense Force(MATC/MDF) hruaitu zik nih a chim.

Kan hnu ah Sabawngbi khuami pakhat cu meithal kuan nih a khen caah ngandamnak lei rianṭuantu zong an um ti lo, CDM an tuah dih. Cucaah kum luan cang mi sii an thuh caah a kut zong tan aa huah deng. Kanmah chung in sii aa kenmi an um caah an zohkhenh. Hi bantuk harnak kan ton hi ngandamnak lei rianṭuantu CDM an tuah dih caah a si. CDM tuah a herh lonak kong le a lungfahnak kong cu MATC/MDF hruaitu zik nih cun a chim. Credit; The Chin Post

SAC Ralkap nih ni 3 chung ah Sagaing ramthen, Minkin peng chung Than Pauh, Yin Ka Lay le Luang Pyih khua 3,inn 270 an khanghpiak hna tiah tualchungmi hna nih an chim. Tan Pauh khua cu April 25 ni ah SAC ralkap Khah – Mah – Yiah 87 thazaang 150 leng le Phyo Saw Htee hna nih PDF an um ti in hriamngan in an kah hnu ah mei in an khangh. ” Tan Pauh (သံပေါကျ)khua cu mei an khangh ah hin datsi in an toih i cu hnu ah an khangh.

Khuachung ah a tang i a chuak kho lo mi hna cu PDF hna nih an bawmh hna i an chanh khawh hna. Inn 300 hrawng a si mi Tan Pauh khua cu SAC ralkap hna an luh hlan in khuami cheukhat cu an zaam i khuachungah cun PDF le khuami cheukhat an tang. khuachung ah SAC ralkap nih bomb an hmah i khuami zong an zamnak hmun in an tlung kho lo caah ralzaam hna caah eidin hna cu PDF hna nih an bawmh hna tiah tualchung mi pakhat nih a chim chap.

Cu hmun hrawng cu SAC ralkap Khah – Lah – Yiah 87 thazaang 150 leng an um i SAC ralkap le Myanmar Defense Force – MDF, Sagaing PDF, Minkin PDF, Maharmik PDF phu hna cu April 25 in 27 tiang kahdohnak pehzulh in a um. Cu thil a cang mi kong cu SAC ralkap lei nih cathanh an chuah mi a um rih lo. Ref:RFA

Laung Lone Peng Pandalay Khua Ah Pyosawtee Nu Fimtawl A Si. Dawei peng, Laung Lone peng Pandalay(ပန်းဒလဲ) khua ah nihin April 28 zing Sml 7 hawng ah pyosawtee an ti mi nu pakhat kah thah a si tiah Dawei Defense Team (DDT) nih an thanh. An thah mi nu cu Daw Tan Tan Tinh (ဒေါ်သန်းသန်းတင့်) a si, pyosawtee a si tiah theih a si khua chung ah SAC ralakp caah ngunkhuai a kholh hna SAC a thohderh tu a si tiah an cathanh ah an langhter.

Daw Tan Tan Tinh a fimtawl tu hi Dawei Defense Team (DDT) an si i hi kong ah khuami hna he pehtlaihnak(an i sai lo) an um lo tiah an chim fawn. Laung Lone peng ah khuabawi, sanguk bawile SAC ralkap thawng petu(dalan) pawl hi a tu le tu he fimtawl an si tiah theih a si.