Press "Enter" to skip to content

Chief Minister cabuai ah ka thu cang, motor le inn an ka pek mi belte ka cohlang rih lo: Nih Mah Chuak Deuh Tah Dek Chuak Deuh Hnga?

Chief Minister cabuai ah ka thu cang, motor le inn an ka pek mi belte ka cohlang rih lo: Chairman Pu Ngun San Aung
========================================================
State Administration Council (SAC) nih Chin State Chairman ding Pu Ngun San Aung cu February 16 zaan ah a fehter i amah Pu Ngun San Aung zong Chief Minister hlun Salai Lian Luai khaan, thutdan le cabuai ah February 17 in a thu cang, tiah kan theih.

“Cunglei nih rian an kan khinh bantuk in ka cohlannak kong zong ka rak chim bal cang. Ralkap ca ah tuan kaa tim bal lo. Chinram, a bik in Hakha le kan miphun ca ah riantuan kha kaa timh mi a si ko. Uknaklei nakin thanchonak rian lei tu hi kei cu kaa biatak deuh ding mi a si ko. Atu hi Chief Minister hlun Salai Lian Luai khaan ah khan hmun an ka pek i February 17 khan ka thu cang,” tiah Chin SAC Chairman Pu Ngun San Aung nih The Hakha Times ah a chim.

“Motor zong an ka pek ko. Umnak zong an ka pek ko. Asinain, cu ti taitai in kei kaa ruat bal lo. Inn ka ngei ko. Motor zong ka ngei ve ko i keimah ngeih mite hi hmang chung ko ning ka ti. Hmailei kong tu cu ka hngal lo nain kei cu rumra pipi he um nakin thanchonak riantuan tu hi ka duh deuh peng mi a si,” ti zong a chim fawn.

Ralkap nih nawlngeihnak a lak February 1 in Chairman ah thim mi Pu Terrance Sun Mawi Ni Khuai a thih hnu ah, Chin SAC Chairman ding ah Pu Siang Mang le Pu Thla Hre an fial hna nain an cohlan ti lo hnu ah Pu Ngun San Aung cu atu bantuk in Chairman rian an pek hi a si, tiah kan theih. Theihternak : The Hakha Times kan thawngpang hi Website dang ah Copy lak riangmang in post kan siang lo. Share tuahnak tu in thazaang rak kan pe cio hram u!

Crd: The Hakha Time

Be First to Comment

Leave a Reply

Your email address will not be published. Required fields are marked *