Press "Enter" to skip to content

Chin CDM Tuah Ruangah Fak Tuk In an Velh Hnu ah A Nunnak A Liam

Amah hi Van Sang khuami a si CDM tuah ruangah an tlaih i an velh. Faktuk in an velh an velh hnuah a nunnak a liam tiah theih a si. Chin Media nih atarlang. Kan chinmi chungah tu tan borua ruangah a thihmasa bik pasalαΉ­ha a si. Tantak chungkhr Pa Pathian nih hnem hram ko hna seh. Kan ram damnak caah a nih cu a rian ai lim cang. A αΉ­uanvo a tlinh cnag. Kannih kan tang rih. Kan ram damnakle zalonnak ca tu ah cnag hram se. Upatnak kan i n pek.Ref. Chin Media.

Thawngpang dang relchap >>>>>>

Nizan cu Min Aung Hlaing nih a uknak duh lo ruangah sandahpiahtu cozah riantuan pawl tlaih ding ah thongtla pawl a hmang hna. Cucu khuapi deuh sang kip ah palik motor in an thlah hna i mipi nih hmun tampi an tlaih thluahmah ve hna. A tang video tarmi hi nizan Mandalay khuapi, sang pakhat ah Min Aung Hlaing phu nih meikhangh an fialmi thong chuak a si.

Phaisa zong an peknak kong zong amah nih a chim chih. Atlaitu hna nih bia an hal len nain a sining aa chim duh lo. Nizan The Kamaryut Media nih a langhter ning ahcun Ralkap uknak dohnak i mipi cawlcang ah department dangdang in cozah riantuan an hung tam lingcing lio February 12 zan, suimilam 9 pm in zantim tiang Kawlram pumpi khuapi kip sang hna ah ralkap nih.

A hmangmi thong chuak hraimtlai hna an lut i sandahpiahnak ah aa telmi cozah riantuantu pawl tlaih an timh hna ti si. Kawlram pumpi mipi dihlak kan tantinak nih phungning loin hriam aa tlaimi thongchuak pawl kan tei rih hna tiah The Kamaryut Media nih a tarlangh. Tu dirhmun in cu hi hnu zual deuh ngai dawh a si. Nain mipi an tan rual caah misual an hlawhtling lo.

Cu bantuk dirhmun a si caah hmuhtonnak a rak ngei taktak cangmi 88 Generation phu nih khuapi kip mipi hna zong ah lamkip le sangkip ah mipi security phu ser in irunven uh tiah ruahnak an kan cheuh tiah a langhter chih. 88/89 lio zong ah tu bantukin thongtla pawl innka a on piak hna i, sangkip mipi dinti le eidin tibantuk ah thihsii (poison) an paih piak hna ti si.

Cu bantuk ralkap thlahmi thongtla hriamtlai pawl an tlaih khawh tikah micheukhat cu an isum kho lo i ceilak in an vuak hnu ah an lu hna an tan beh ti si. Cu ti cun ralkap nih a thluak in Kawlram a daih khawh ti lai lo an ti i uknak an rak lak ti si. Cucu 88 tuanbia a si. 2021 tu cu ralkap nih a lak hnu in duhlonak langhter a si pinah mipi lungfim a si cang i tanrual ko hna usih.

Be First to Comment

Leave a Reply

Your email address will not be published. Required fields are marked *