Hngal bawtor ter nih” Chin Cozah sernak dingah CNF/A, i tel ve a herh lo” a ti ko cuh. A voi a tam cang, lungfim a cu!!! Mah le mah i toihnak ding tisa lum lengmang rai si lo. Kanpalet caah $ tlang kan au e rak timi hna kha, an ek dih hnu ahcun an philh colh. Ninghngal hngaltaam ttha lo hna sinah Jesuh bang thin va sauter ttualmal caan ah kan dir ti lo. Credit; Salai William HC
Thawngdang Relchap>>><<<< Naypyidaw: Zapi nih Naypyidaw cu kan theih tuk. Nain ramkulh le ramt’hen 14 pin ah Naypyidaw Union Territory an sermi kong cu kan chimrel theng lo. (Tutan Federal Paper zong ah pyidaung 14 leng ah Union Territory phun an telh chap kha mu) Naypyidaw Union Territoy ah pengkhuapi (township) 8 an um. A fawinak cun ramkulh, ramt’hen le ramkomh ram tiah 15 chiah a si.
Naypyidaw Union Territory hi President tangah chiah a si. (Nain Chairman (Mayor) pakhat an chiah chap) Naypyidaw he aa tlaimi ramkulh le ramt’hen hna cu Magwe, Mandalay, Pegu, Shan, Kaya le Kayin an si. Myanmar a laicer taktak a si na loin a lai ah a um ti khawh a si. (Myanmar dihlak ukpennak a fawi bik hmun ti khawh a si) {Tutan ah Kaya (Karenni) an tem khunnak zong kan fiang lai dah.Naypyidaw he aa tlai cu mu…}
Naypyidaw hi 1988 buainak nih a hrin ti khawh a si lai dah. 1988 buainak lio ah Central Cozah hmunpi cu Yangon a rak si. Zapi nih cozah an van nam ciammam tikah cozah a rawk dih hnik. (rian a cawl kho lo) Mah dirhmun kha an philh lo. Cu caah hmun zong aa rem, mizapi hnahnawh khawhnak zong aa hlatmi Naypyidaw an sernak hi a si ve.
2002 ah Naypyidaw khua ser hram an rak awt i an lim dih taktak hi cu 2012 ah a si. (Naypyidaw ah cozah zung an rak t’hial hi 2005 ah a si.) Naypyidaw hi tinhmi sangpi ngei in an rak ser cu zapi hngalh a si ko. An thluak hrim a rak tli bak ve ti khawh a si. Credit: Salai Thawngpi
Relchap>>>>><<<<< NUG Nih 2008 Phunghrampi A Thah ah, MPs Pawl A Thah Chih hna. Thah cang mi, athih cia mi an nung ṭhan ballo. Anung ṭhan ahcun athih lo / an thah lo I asi ko lai. Thihnak in athoṭhan mi cu Kan bawipa Jesuh lawng asi. Enoch le Profet Elijah lawng nih thih loin Vanram ankai. 2008 phunghrampi kan thah ko ahcun, achung ah um mi upadi vialte an thi dih, amah he aapehtlaih mi minung le Phungphai, tuahserhnak vialte thahchih asi ti hi kan hngalh a herh ngaingai.
Cucu kan hngalh lo caah, Dohthlennak ah hruaitu asimi CHIN GZ Ralkapbu hna cung ah uktu le Luban kan ṭuan duh hi asimen lai. NUG nih 2008 phunghrampi athah ah khan kan thih cikcek cang ti kha MPs Luborual nih hngalh a herh ngaingai. Cutin nan hngalh ahcun CJDC le CDFs caah mithnawm le hlingso nan si ve hnga lo. 2008 phunghrampi ning in mipi thimhmi kan si ko nain, Mipi cozah NUG nih 2008 constitution athah caah kan thihnak hi asi. NUG le ICNCC nih Chin Cozah cu kan I dirh piak khawh hna lo caah, MPs le Party minung hna nih Direct in Mipi Ukhruai a ngah ve tilo.
CDFs le CJDC cu Ukhruai in an cung ah bawiṭuan in cungnung bik Bantukin khuasak cu naa timh ngam ding asi lo. Na lungthin nih ruat in saduhthah rai asi lo bangin, na zawngzer thluak nih atuak ngam ding khi asilo. Na kaa nih Achimh ngam ding khi asilo. Na cuap in tuak in, tang lei in na chimh belte ah phundang, kan hngalh khawh ve lo tang bia cu.
NUG hi Saul SPH bantuk asi. Ral kan tei rih lo caah, Nihin ah, tirawl a Eidin mi vialte cu chiatseh tiah Saul nih athanh. Afapa Jonathan le ahawi le nih Khuaitizu an ei ai. Jonathan cung ah chiatnak atlung colh I, Ralram an thah colh ve. NUG nih MPs kong ruat lem loin, Kawlram le mipi zawnruah ah 2008 phunghrampi athah diam mi nih Kan MPs vialte thahchih ansi. Mipi le CDFs, CJDC puh len ding an si lo. CRPH le CRCH kan dirh cu mipi lei aw an ning in asilo. Ralram asi caah mipi kan holh lo I asi ko.
CRPH le CRCH cu mipi ta siseh ti duh ahcun, aa ruang mi kusale thlah cio in MPs ṭhithruainak in ṭuan ding khi asi hnga. Cu lawng ah Mandate timi aiawh tu an tling lai caah, lam atluang ding asi. Nain cutincun asi fawn lo caah, kan buaibai zungzal nak hi asi. Thimhnak le meeting tuah awk a ṭhat lo caah Mipi nih anmah ai awh ah an pawm mi phu tu kha can karlak uktu le hruaitu ah thimh ah a ṭha bik hnga.
ICNCC le CJDC epchunh tikah, mipi nih an cohlan khawh deuh mi le mipi ai awh ah ruah cio mi cu chimh aherh lemlo, nan hngalh dih cikcek ko. Chin Cozah cu Federal cozah an si lai caah, ICNCC nakin CJDC nih dirh awk ah phung ning in asi deuh hnga. Chin Ralkap caah CJDC le CNA kan ngeih cang. Chin Cozah le Chin Hlutdaw lawng kan herh cang. Chin Hludaw cu CJDC nih aruang mi aiawh tu thlah hnaseh, asilo ah Chin Miphun ṭenge (53) nih ai awhtu thlah cio hnaseh, nain Ai awh tu thlah cu CJDC nih biachah koseh.
CNF / CNA nih an kan hruai ahcun, a ei khawh lo ding mi Chin mi kan um pah caah asi khawh lailo. ZRA, MDF, tbk le CDFs Cheukhat. Chin mi pumkhat si ter awk ah CNF nih hmape angei, a cham bau, a hmaba rian a tlamtlin khawh lo kan ti lai. Chin mi pumkhat siter awk ah CNF cu ready asi rih lo, a puitling rih lo, a ngakchia rih ti khawh asi. We are one in CHIN puitling ter awk ah a herh mi Capacity le resources a ngeih rih lo kan ti ko lai. CNF / CNA tu hi CJDC member pakhat ah I cohlan koseh. Chin Cozah ah MPs pawl I tel khawh asi nain, CJDC hruainak in asi ve lai. Hihi Mipi siseh, MPs siseh, Party siseh, kan hngalh aherh. Kan Lungpiang a herh fawn.
CJDC nih an I cohlan ko hna ahcun, ICNCC le Chin MPs rual nih Chin Cozah cu dirh ko uh. Legislative, Executive le Judiciary zong tlaih ko uh. Defense Luzik zong ṭuan ko uh. CJDC nih an I cohlan hna lo ahcun anmah hnu zulh uhlaw, anmah he Chin Cozah ser ṭi ko uh cah, zeidah nan buai len ee. CDFs le CJDC um hlan ah kan MPs hna hi 100 % cohlan le bochan nan si ko.
Nan keneh kan I zulh dawi hna tikah fellonak, mah pumpak miaknak le rumnak caah Dohthlennak cu nan hmang. Cu caah mipi lungthin ah nan thi. Nan keneh aadawh lo. Firkhut le dinfel lonak atam tuk caah, mipi nih kan in bochan ngam ti hna lo. CJDC le CDFs nih thih thloh sii an I chunh hna caah Nihin tiang nan nung. Apoi bik mi cu nan pu le NUG nih 2008 phunghrampi an thah mi hi asi.
Khengchap ah Paletwa ah Rakhine ah nan khumh sual, Pine (14) mumal nan chuah pi, NUG uktu Luban cu 2008 phunghrampi ning in thim asi, MPs caah lam apit nak hi asi. Mipi cozah chan I an nunning le ziaza, nan ṭial, firkhut zia, nan kaltak khawh lo mi hi a poicem mi asi. Mipi nih CDFs le CJDC cu 100% support kan tuah I anmah lei ah kan um. Cucaah ICNNC siseh, MPs pawl siseh, CJDC thladem tang ah nan um duh lo ahcun, Mipi nih Social Punishment kan in pek ve hna lai. Cucaah arannak in CJDC ah surrender rak tuah uhlaw, tang rak I dorh ko uh.
Be First to Comment