Press "Enter" to skip to content

Chin mi:Dihlak nih (NLD) vote pek cio hna u sih a ruang cu.

NLD Party nih 1988 thokin nihin tiang nun thap in dothlennak a tuahmi cuKawlram chung i a ummi miphun vialte hna nih ” Miphun covo ” kan hmuh cio khawhnak caah a si ko. Ralkap nih 1962 kum ah uknak an lak caah mipi kan covo cu an kan chuh dih.1988 rampi buainak thok in Kawlram mipi nih kum tampi kan sungh cangmi covo hmuh than awkah thih ngamh in dothlennak a tuah pengmi party cu NLD lawng hi a si.

Covo chuh a tongmi hi Chin miphun lawng kan si loh, tlangcungmi lawng zong kan si fawn loh. Kawlram chung miphun vialte chuh kan tong dih. Anmah Kawl miphun zong hi covo chuh a tongmi lakah an i tel ve ko. Covo chuh an ton ve caah ram chung, ramleng dothlennak kip ah Kawl pawl hi hmaisuang ah an kal peng. Kha hlan Burma Communist Party le atu ABSDF zong hi Kawl pawl hruaimi hriamtlai phu an si ve.

Mah kan covo cu a dang dang cio in lak awk a tha loh, hmunkhatte i lak ding phun a si. Independent zong kha Aung San hruainak in hmunkhatte ah a rak lami kan si bantukin a voi hnihnak kan covo lak than awkah, NLD Party hi vote pe cio hna usih law, mipi nih kan duh bikmi federal democracy ni ceu dawh cu a chuak ko hnga.

Relchap ko hna a tang pawl hi:

Chin Miphun nih i Ralrin Ding Pu Ngun Cung Lian. USDP Party cu teinak a hmuh kho lo ding an si kha an i fian caah Pu.Ngun Cung Lian cu tlang cung party vial te le CNLD party pawl le party dang hna sawmtu dingah a bia chim a cawl cangh ning a thlen. Pu. Ngun Cung Lian nih Aung San a soisel ngam i,Daw Aung San Suu Kyi a doh i a soisel Leng mang,a bik in NLD party hi a doh bik mi le a chiatnak chim hi a ngawl lo.

Dr.min ai bunh mi khi kan zum lo,a Dr.bunh mi khi Ralkap le USDP Dr. si, Kawlram pumpi le Chinram pumpi caah pianga man hmanh asi lo.Dir hmun ngei lo,forh chom politics ram pumpi luatnak le himnak le tthan chonak taktak

Hmai lei caan ahcun Kawlram le Chinram ah a um khawh lo caan a phaan te lai, ttha te in ai ral rin lo le Kawl Ralkap le USDP tthatnak le ttanhnak le tlang cung mi, thihnak khor chungah lam pingah tlaak ter le rampi le Miphun hna nih duh lo mi thihnak khur chungah Miphun kehleng phelhnak Policy le Politic a dir pi pengah cun a chim mi le a tuah sernak hi a mah hngawng ah ai ngerh dih lai.

Chin Miphun le Chinram nih hi ban tuk dir hmun le lungput hi ruat cikcek u,Miphun le ram caah dawn khaantu le Mizaa pi nih Lam kan zulh tawn mi Lam a khamtu lungtum cu lamthlang ah hrilh phung asi. Asi lo ah Sobul in Khuai dih a herh, thimnak a dih hnu ah an tuh mi thlaici cu an zun cio a herh cang lai. Credit: Yangon Chin Unau. (Kawlrawn Chin Unau Biaruahnak)

A tang hi thawngpang dang asi:

President Donald Trump nih US biaceihzung sangbik Supreme Court ah biaceihtu ah a thimmi Amy Coney Barret cu tuchun ah Republican Senate Judiciary committee hna nih thimfung an thlak I, President nih nomination tuahmi cu fehternak an tuah cang. Hmaizarh cacawn nikhat ni ah senator minung 100 nih senate ah thimfung an thlak than lai I, thimfung tam deuh in fehternak an tuah hnu ah, Supreme Court biaceihtu a si cang lai.

Tuchun Senate Judiciary committee thimnak cu democrats pawl an nuar caah democrats senator pawl thimfung an thla duh lo. Cucaah Republican lawng nih thimfung an thlak i, vote 12-0 in an fehter. Senate Judiciary committee ah hin Republican senator minung 12 le democrats senator minung 10 an um. Democrats pawl Senate ah mitlawm deuh an si pin ah kan sungh lai ti an theih caah an nuar.

Cu lawng si loin president thimnak result chuah hnu ah mipi duhning in kan kalpi lai tiah an ti. Asinain President Donald Trump le Republican party hna nih cun President cu kum 4 caah thimmi a si caah President nih a caan a ngeihmi chungah thimnak le nominate tuahnak nawl a ngei. US phunghram ning tein kan tuahmi a si an ti.

Supreme Court ah Amy Cone Barret an fehter hnu ahcun Supreme court ah conservative biaceihtu minung 6 le Liberal minung 3 an si cang lai. Cucaah Supreme Court biaceihhnak cu conservative pawl nih hi hnu kum 30 renglo an hip khawh cang lai caah zumtu khrihfa mi hna caah thawngtha taktak a si lai. Asinain zum lotu hna le liberal democrats pawl caah ngaichia taktak a si ve lai.

Democrats pawl nih Supreme court ah kan sung lai ti an theih le cang ka in 2020 US president thimnak ah President, Senate le House I teinak kan hmuh ahcun Supreme court cu court packing kan tuah lai” tiah an I hrocer. Court packing timi cu Supreme court I, biaceihtu minung 9 aummi kha minung tam deuh chap in minung 13 maw minung 15 tibantuk in karhter an duh.

Mah lawngah zumlo tu hna le Liberal pawl nih anmah duhmi biaceihtu kha hmunhma a ngei kho lai tiah an ruah. Asinain Republican pawl nih tuchun ah Democrats pawl nih court Packing an tuah khawh lonak dingah atu tein phung kan ser lai tiah an hrocer ve hna.

Be First to Comment

Leave a Reply

Your email address will not be published. Required fields are marked *