Vanlalsailoa te nupa cu an i rem dom (Chin a tlan tlaihchantu asi caah ka vun post piak ve seh). Credit; Chelsea Bawi
Mizo hlasa thiam minthang Vanlalsailoa hi Lai miphun a Kan dirkamh lawng silo in Vawlei cung level in kan uar Cio mi a si i, atu bantukin Nupi dawh taktak mi zong a van ngei cang ve tikah lawmhlo awk a tha lo, lamhpi cio hna usih. Chin ralzaam lawng si loin chin miphun hrimhrim hi midang mizo hawi le kan unau nakin a a Kan dawt deuh zungzal.
Bawipa nih an nupa in hlawchuahnak chap chin hna sehlaw tefa tha zong Bawipa nih pe ko hna teh law. Lawmhpi co hna usih mu… Share nak zong in thazaang pe cio ulaw..
Relchap; MAH Nih A Pennak Hmun Zungzal Awk Ah Aa Ngeih Mi Simankin Pathum Part – 9/ Thimhnak / Rallokap Federal Model le Rallokap Saal Zuatnak Phunglam.
2023 Thimhnak pinlei ah Mipi nih kan intuar dingmi thil le a chuahpi ding mi Ṭhatlonak hi a tam tuk hrinhran. Tuak le ruah ngam hmanh khi an si lo.
2023 Thimhnak nih a chuah pi mi ṭhatlonak Pakhatnak cu: 2 February 2021 ah MAH nih uknak an kan chut mi cu phung lut asi cang lai. Upadi ning le Phungning in MAH nih uknak a lak tiah cohlan kha asi cang. 2008 phunghrampi lawnh in uknak an lak mi cu Phunghrampi ning in asi cang lai.
MAH le Uknak chuttu Ralhrang Rallokap bawi rual tuahserhnak vialte cu Upadi ning le phung ning in a si dih cang lai. Ralhrang an tuahserhnak vialte kha khumzual piak le thiam coter an si cang lai.
2023 Thimhnak nih a chuah pi mi ṭhatlonak Pahnihnak cu: Mipi thimhmi Mipi cozah cu Rallokap nih Thazang le hriamnam hmang in, 2008 Phunghrampi ning in uknak a chut khawh timi phung thar kan ngeih cang lai. Hmai lei aum ding mi thimhmi Cozah poahpoah cu Rallokap he ruahnak aa khat lo paoh ah / Rallokap he I hmuh thiam lo paoh ah, Uknak chut khawh nak phung kha a hram fek ter asi lai.
Rallokap duhlo ning in le Rallokap ralchanh in ahohmanh cozah si khawh asi ti lai lo. Upadi le Phunghrampi nakin Rallokap an sang deuh cang lai. Rallokap a thluk khawh tu Party, Minung le cozah um khawh asi ti lai lo. Rallokap saal in luatnak lam aum ti lai lo. Rallokap pennak cu zungzal a hmun cang lai. Ahohmanh nih hrawk khawh lomi MAH le Rallokap pennak asi cang lai. Kanmah chan lawngah siloin kan techin fapar chan tiang Rallokap le an minung hna nih ukpen zungzal asi cang lai.
Cucaah MAH le SAC Ralhrang nih Ramkhel ah an I zuam nak vialte cu Rallokap Saal Zuatnak စစ်ကျွန်ပြုခြင်း asi. Saal sinak in kan luat I kan I hlihphuah khawh nak hnga, Paucan Dohthlennak kan tuah chan cu asi. GZ mino tampi nih nunnak le Thisen tampi an pek cang. Ralhrang kutin PDF / CDF / LDFs 2000 leng an pamh cang tiah NUG MOD nih an thanh kha.
Federal Dohthlen tu phu, Mipi le GZ nih hriamnam he Ralhrang kan doh cuahmah lio ah, Ralhrang SAC he aa kawmh mi Ramkhel Party, Politicians, Mi fimthiam ruah le EAOs cheukhat tbk hna hi Biatak tein khua nan tuak can a cu cang. A tlai lei hmanh khi nan si cang. Paucan Dohthlennak tei khawh lo ding in le hlawhtlin khawh lo ding in MAH le SAC he an I kawp mi asi ti hi Vawleipi hngalh asi.
Mipi le GZ nih Hriam Kan Tlaihnak chan cu: MAH, Ralhrang rual le an pennak telin an minung vialte Cihmih kan duh nak cu Ramkhel ningin asi khawh ti lo caah asi. Rallokap Saal ah kan tang tinak hnga lo, mipi nih Hriamtlaih in kan doh hna, Mipi cu thimh awk lam dang kan ngeih ti lo caah Hnukham bik ah hriam in kan doh hi asi.
Mipi nih thluk awkin kan doh cuahmah lio ah, MAH nih PR thimhnak mumal, Phunghrampi cu anmah Rallokap duhzawn in remh awk ah Rallokap Federal Model cu a hung chuah pi. MAH nih saal in zuat zungzal nak lamthluan ah aa tel mi Ramkhel Party, EAOs le pumpak mi fimthiam rual Tuanbia Tazakhan bak nan si ko. Mipi dantat in azizut awk ah cazin khumh nan si ve cang. TEINAK kan hmuh ah dantat nan si ve te lai. By- Joseph R Thang
Be First to Comment