Press "Enter" to skip to content

Chin Mi Kan Men Lo hrimhrim ti loh : Model Rebecca Van Cer Zi +Hmanthlak Pawl

Chin Mi Kan Men Lo hrimhrim ti loh. Pathian nih a kan dawt hla lei in siseh Miphun dang hna sin Kawl le Mizo lak ah thiam cem dir hmun ah Chinmi a kan thim Bawipa nih a kan umpi ko ti hi fiang tein hmuh khawh a si.

Chinmi chungin Muidawh zong an tam chin lengmang Ramdang tu tan zongah Muidawh ttha cung cuang “Model: Rebecca Van Cer Zi” muidawh tling taktak dirhmun in hmun khawh a hung si a pumrua a tung tai zoh tik ah soisel awk pakhat hmanh a um loh. Chinmi ka zahpi hrimhrim ti hna loh. A tanglei ah a Hmanthlak pawl kan van thil chih. Photos Credit: Focus Images

Thawngpang dang relchap >>>>>>>>

Covid-19 vaccine: UK ah Pfizer nih a Hmasabik Minung Pakhat Sii an Ronh Cang
=============================================================
Pfizer nih an sermi vaccine ai hneksak hmasabikmi cu UK tarnu a si. “Hi sii an ka ronhmi hi ka birthday laksawng tuante ah an ka pek bantuk ah kai ruah” tiin hmai zarh i kum 91 a si a tling dingmi Margaret Keenan nih a chim. Pfizer/BioNTech nih an sermi sii 800,000 lakah a hmasabik sii cu 06:31 GMT ah khan Keenan cu an ronh. An sermi sii cu hihnu zarh tlawmpal chungah phawh ding a si cang.

Tu thla dongh hrawng khin cun million 4 hrawng ser khawh chap an i tim. UK ah hin kum 80 in a cunglei minung le mizawtloptu le zohkhentu pawl an chunh hmasa hna lai, zeicahtaih annih hi virus tlunh a fawibik dirhmun ah a dirmi an si caah a si. “Minung tampi nih science lei kapin siseh, thiamsannak hmangin siseh, an i zuamnak thawngin an chuahpimi thil tha zeitluk upat pek tlak a si, timi cu nihin i tarnu cungah vaccine an chunhmi nih tehte a langhter ko,” tiin Tuesday V-day i biachimnak a ngeih lio ah Health Secretary Matt Hancock nih a chim. “Nihin ni nih hin mikip nih kan dohmi virus kan dironh kan thok ve cangnak a langhtertu ni sunglawi a si,” tiin a chim.

“Vaccine an chunh lio video in ka vun zoh cu, ka hromhrol a ka phih dih,” tiin Scotland’s First Minister Nicola Sturgeon nih a lunglomhnak a langhter. “Vaccine nan i chunhmi hi nanmah ca zongah a tha, cun ram pumpi caah zongah thil tha a si,” tiin London sizung i vaccine an hneksak hmasami pawl a vung veh hna lio ah Prime Minister Boris Johnson nih a chim.
Tarny Keenan sii a ronhtu hi Coventry, University Hospital i kum khua upa a si cangmi May Parsons a si.

“Covid-19 vaccine a hmasabik ronhmi ka si hi vanthatuk ah ka ruah. Sii an ka ronhmi hi ka birthday laksawng hmuh dingin ai ruahchanmi vialte lakah a thabik a si. A tu cu, keimah te lawng caan saupi khua ka sak hnu ah, ka chungkhar le hawikom rual hna he kum thar ka hmang kho ve cang lai,” tiah Co Fermanagh, Enniskillen in a ra mi tarnu Keenan nih a chim.
“Vaccine pek mi paoh nih cun cohlang ko u, tiin ruahnak cheuh kan duh hna. Kum 90 minung keimah hmanh nih ka cohlan khawh ah cun, nanmah cio zong nih nan cohlan khawh ve ko, tinak a si,” tiin a chim.

Coventry i pahnihnak vaccine an ronhmi cu William Shakespeare, 81, a si i, Warwickshire in a ra mi a si. “A tu bantukin sii an ka ronhmi hi kai lunghmuih, sizung riantuantu zong mi tha an si,” tiah a chim. Zingka chuanthluak in cun UK pumpi i sizung 50 i mizaw le sizung riantuantu hna cu vaccine an vun i chun lulh cio hna. Northern Ireland ah an sermi a hmasabik vaccine cu 08:00 GMT ah khan Royal Victoria Hospital ah sister Joanna Sloan an chunh. Wales ah cun, Ebbw Vale in a ra mi Craig Atkins, 48, zong a hmasabik vaccine ai chunmi a si ve. A tih ngai ko nain, a tu cu a merh kho cang.

Scotland i a hmasabik vaccine ai chunmi hna lakah Consultant anaesthetist Dr Katie Stewart zong ai tel ve. Kum pi kum khat chung vialte Covid in a zawtmi kawlhawl i, midang chonh lo dingin kaadang i chiah le buaipi an si hnu i, a tu bantuk i sii chunh a si mi hi lomhpi awk a tlak hrimhrim ko, tiin a chim. Hman khawh a si ko cang, tiah kan hnung zarh i regulators pawl nih an namhnehpiak hnu khan, UK hi vawlei cungah Pfizer vaccine a hmang hmasabikmi ram a si. Commons i biachimnak a ngeih lio ah, vaccine tinco awkah sok a hau lo, tiin Health Secretary Matt Hancock nih a chim. Cohlan awk ai tlakmi hna cu NHS fuhpanh hna lai. “Nan ram caah hmaisuang hram ko u,” tiin NHS cu thazaang a pek hna.

“Chuahnak lam kan hmuh cang ko bu zongah hin, kan lamtluan a sau ko rih, ti hi vun thei cio dingin kan duhpiak hna. Essex, London le Kent ah virus a karhmi nih kan lungre a kan theih ngai ko rih,” tiin ralrin a pek ko rih hna. Covid-19 test an tuah ni 28 chungah UK i a thimi hi 60,000 lenglo an si. A tu hi second wave i a parpahlek UK ah a phan kho mi a si, tiin an chim. Nov. 27 i zarh khat chung i minung 14,106 a thimi lakah minung 3,400 hrawng hi Covid in a thimi an si, tiah ram pumpi huapin an lakmi data nih a langhter. Hihi five-year average nakin 20% tluk in a sang deuh i, asinain, kan hnung zarh 2 chung i a thimi tluk lawng a si rih, tiah theih a si.

London’s Guy’s Hospital i Prime Minster Boris Johnson a vung kal lio ah cuka i vaccine ronh hmasabik a tongmi Lyn Wheeler, 81, cu a vung ton. “Hi ti vaccine kai chunhmi hi Britain caah ka tuahmi a si, tiin Lyn nih a chimmi hi uar a um kho tuk. A chimmi hi biahmaan a si. Amah le mah ai kilveng, cun kan ram pumpi zong kilven awkah a kan bomhchanh” tiin Boris nih a thangthat len.
Vaccine serchuah kho dingin thazaang a chuahtu NHS, scientists vialte, zaanghleicawitu vialte le midang chonh lo dingin phung an sermi a zultu mipi vialte hna cungah tuan zongah khan PM nih a lunglomhnak a langhter cang.

“Mipi kut i vaccine a phaakmi hmuh hi lung a hmui khotuk. Hi bantuk si kho dingin thazaang a chuahtu vialte cungah kai lawm hringhran,” tiin Labour’s shadow health secretary Jon Ashworth nih a lunglomhnak a chim. A ra lai mi zarh hnihthum chungah phawt dingin Pfizer/BioNTech nih a sermi vaccine 800,000 cu cozah kut a phan cang. Asinain, vaccine chunh hi a hranhram in hneek cu an si lem lo. Vaccine hi minung pakhat nih voi 2 cio chunh hau a si lai caah, minung 20 millions hrangah a tu hi vaccine 40 millions an cah cang.

Asinain, tu thla dih hrawngah cun 4 million hrawng phan dingin cozah lei nih an chim ko nain, cu vialte vaccine lakah a tam u hi cu kum vui ah dah ti lo ah cun ser manh dawh an si rih lo.
Kum 80 cung, health workers le care staff pawl kut i vaccine phaakter dih dingah hin zarh tamial kan rau te lai, tiah Mr Hancock nih a chim. “Summer holidays kan hmang kho cio cang lai e” tiin a thinglung tangnungbik biaka cu vaccine taskforce chairwoman Kate Bingham nih BBC ah a chim. “2021 summer cu a sunglawi khun lai. Kei zong Cornwall ah holiday hmang dingin booking kai tuah cang,” tiin Mr Hancock nih a chim. Chelsea Bawi

Be First to Comment

Leave a Reply

Your email address will not be published. Required fields are marked *