CDF-Mindat Nih SAC Ralkap 30 An Thah Hna! Chinland Mindat peng, Matupi-Mindat Kar ah SAC Ralkap mawṭaw run cu, nihin May 9 ah Bomb voihnih kan puah hnawh hna i SAC Ralkap 30 leng an thi, tiah CDF Mindat nih cathanh an chuah.
Mindat- Matupi kar mengtung 25 nak ah zing suimilam 11 in zanlei sml 1 tiang kahdohnak a chuak, cun hmundang ah Bomb voihnih kan puah hnawh ṭhan hna i SAC Ralkap 30 leng an thi, hliamtuar zong an tam, tiah an cathanh chung ah cun an langhter.
SAC ralkap he kahdohnak hi zarhkhat leng a rau cang, cucaah CDF-Mindat kan ralkap ral hmaikal mi caah bawmhnak an herh ko, tiah an cathanh ah cun an ṭial chih. Credit: The Chin Post
Thawngdang Relchap>>>>><<<<<< Hmanthlak hi 1980 lio Tuluk khua te pawl video an piah hnik lio a si. Tuluk lo-thlo pawl hi an si arak fak tuk. Deng Xio Peng nih sersiamnak (reform) a thawk hi 1978 ah a si. HI hlan 1949 in 1976 tiang Mao Zedong chan a si.
Mao Zedong chan i “Culture Revolution” timi kha khuapi minung le khuate minung, khua sak dan i thlau tuknak in a rak chuak cu mu. Ahmasa bik ah Mao nih a rak tuahmi cu, Ngeihmi vialte chuh i, cozah ta ser. Tuanmi vialte kha cozah tar si ter. Rawl cu cozah pek i, i dangh a rak si.
Voikhat cu Beijing ah a no lio ah arak rum ngai nain, lawng-ka-sa arak tuahmi kum 40 hrawng arak um. Fanu pakhat le fapa pakhat a ngeih hna. An nu hi aa dawh. An rak rum ca ah an sang le an veng ahcun bawi zoh in an rak zoh. An inn cu lawng-ka-sa a tuahnak ah a thap i, an miak. A nupi nih a zaam tak. A pa nih a thih tak ve.
Ahnu ah hlan lio tuluk civui i, puan phen i, music tummi ( aw in awnhmi) rian a rak tuan. An nu nih a sin ah arak kir hnawh. Hringtu a nu le a fale pahnih le an nu tiah minung 5 khuasa an si. Lamkam inn chia te ah an um. Mao nih “ngeihmi vialte ram ca siseh” timi order a chuah ruang ah thir vialte cu pek dih a si. Meithal sernak ca tal ah san a tlai lai an ti.
Kum 40 hrawng pa nih cun a tingtang cu inn char lei ah a thuh. thil kholhtu an ra i, an ngeihmi vialte kha “kan ram ca ah tiah” siang ngai in an pek. Cu lio ahcun a fapa nih cun “pakhat te zong a tang rih,” tiah thil kolhtu pawl cu a hei chimh hna. Thil kolh pa nih cun na pa nakin na fim deuh a hei ti i, tingtang cu an lak i, an kalpi.
Rawl zong kha zapi in rak i hrawm a si tik ah chungkhar ngeihmi a um ti lo. Rawl an ei tikah an sang ning in an ei. Lai lei Christmas khi arak lo. Hi bantuk Mao policy ruang ahhin minung 30 million cu rawl ttam in an rak thi. Pum tlamtling lo le der feu tete in a ummi zong an ram tam pi rih. Hihi cu Culuture revolution arak chuah hlan i, kha a si.
Nihin tiang ah tuluk ram ahcun khuapi minung le khua te minung kar ah i thlaunak hi fakpi in a um rih. Hi kong hi cauk in kan chuah te lai kan ti ca ah hi vial hin si rih seh._ A thluam thlam ka hun in dangh hna bia. Credit; Chan Bik Lian
Be First to Comment