Press "Enter" to skip to content

Chin Ralkap (2) Nunnak Liam Mi Hna Cu An Ruak An Vui Cang Hna Ee

CDF -Mundat Ralkap 2 Ruak Cu An Vui Cang Hna. Sagaing ramṭhen, Yinmabin peng Yinpaungtaing khua ah luancia August 11 lio ah khan SAC ralkap nih vanlei kahdohnak an tuah ruangah CDF-Mindat ralkap 2 cu an nunnak a rak liam.

Ram le miphun ca ah nunnak petu CDF-Mindat ralkap 2 ruak cu nizaan August 16 ah Mindat peng hmun khat ah ruak vuinak an tuah cang, tiah theih a si. Credit; The Chin Post

MAH Le Ralhrang Kan Thluk Lo Ahcun Mizoram Rithai Sii Zuar Aum Zungzal Lai. Cucaah Rithai Sii zuar khap duh ahcun Mizo mino nih MAH nan kan doh pi a herh. Zaw Me Lung nih Datsi el Diesel a piat bak lo a ti.

MAH nih Datsi a um ti lo a ti ve. Zaw Me Lung cu lih chim hlah a ti he aa lawh ngai. Mirum pawl (Crony) cu Dollar 6000 cio rak put uh, Ramdang ah Datsi cawk nak caah tiah MAH nih a fial hna. Dollar 6000 a rak put lo mi paoh cu tlaih ding nan si lai tiah an ti hna. Tutan an zuar mi datsi diesel hi Crony le mirum rual nih dollar 50 million man in Ramdang (Singapore) ah an cawk mi asi.

Rallokap nih dollar kan ngeih lo ti kha MAH nih aduh lo caah, Bahu bank in chakhri a merh ter hna. Crony asilo mi mirum hna le mipi sin in, dollar hmuh kha aa timh. Dollar in rak chiah uh law, Kawlram phaisa in chuak uh tiah an kan ti. Phaisa kan chiah lio le kan chuak lio ah % in an kan ei rih.

Bank ah nuai 100 na chiah ahcun nuai 50 lawng na ngeih cang. 50 cu MAH nih aa lak. Kanmah phaisa bank ah kan chiah mi kha kan chuah khawh ti lo. 46% lawng nan chuak khawh, nain voi khat ah 46% ning chuak nak nawl an pek hna lo. Nihlawh man cu 5000 in 2500 ah an tla. Thilman cu let hnih in an kai dih. Kan ṭuan man le kan thlan man a ei khawh lomi mipi kan si cang.

Crony le Rallokap minung asi lomi cu bank ah phaisa cuai tikah, innlo le nel tbk in amahkhan thilri chiah asi. Crony le ralbawi hna cu an chiah lo. Akarh tlawm tein an tuah rih. Mipi cu a karh tampi in an kan pek. Kan chamh Khawhlo ahcun, amahkhan mi vialte an I lak dih lai. Crony cu Amakhan thilri an chiah lo caah bank ah an phaisa an lak khawh mi asi.

Datsi le Diesel USD 50 million man an cawk mi ah MAH le Crony cu a miak tampi an hmuh lai. USD 6000 cio cu MAH sin ah an rak put lai. A put lo mi Mirum cu ka rak nan si tiah an ngeih mi an chut dih hna lai, tlaih, hremh, thongthlak an si lai, a van chiat mi cu an thah phah te hna lai. Rampi Sipuazi le ngeihchiat chawva 60 % leng aa lak cia mi MAH le Ralbawi rual nih mipi le kan mirum hna phaisa kha bank le Thilman kai nak in chut dih an kan timh khi asi.

MAH a hrut ning cu Tuluk ram ri le Thailand ramri ah Dollar nan hmang lai a ti caah amah le mah Sipuazi aa phih ko. An sung poah ah Phaisa tlap an siam. Phaisa tlap siam cu inflation a kai lai, Thilman a kai lai, suiman a kai, dollar man a kai lai, tinak asi. Lothlawh mi nih kan thlairawl kan zuar khawh,

Sipuazi tama nih punghmang thil kan zuar I kan cawk khawh, hlawhchawm in aa cawm mi (Casual Labors / Kuli) hna ṭuan awk rian tampi aum ahcun, kan si zong ah aa theih lem lo. A rau hlan ah mipi cu ei awk kan ngeih ti lai lo. Ramdang in kuat tu a ngeih lomi cu ti rawl loin a vak mi kan tam pi te lai.

Mifir le Damiah an karh lai, mi thah Lainawng nak a tampi lai, nu aa zuar mi an karh lai, rithai sii Sipuazi a karh ngai ngai te lai. Vawleipi le UN nih kawlram mi sifah bawmhnak cu ASEAN le MAH te nih tlaih ding asi. Rallokap le an minung, USDP minung, Piosawṭhi, Thidin phu, tbk lawng bawmhnak an pek hna lai. Mi sifah sin ah a phan bal lailo.

Super Market le dawr lian pi pi zong an fir te lai, Biakinn thilri le phaisa tiang an fir dih te lai, Krifa bu le phaisa kentu zong nan him ti lai lo. Dohthlennak he kaa pehtlaihnak aum lo ati mi vialte kha a zai bik mi le a vuivai bikmi nan si te lai. Tender tama le Mirum hna zong nan chawva le nanmah he nan him ti lo.

Chin Mirum le Tender tama hna tuak cang ko uh. Nan ngeihchia chawva hi CDF CNDF hriamnam cawk nak caah nan kan pek duh lo ahcun, MAH nih aa lak dih te lai, a tang rih mi cu mifir nih an fir dih te lai, Pathian biakinn ah na chiah zong ah a him ti lo kan ti khah.

Mizo ram ah rithai sii zuar a tam chinchin lai, Rithai sii chuan tu le zuartu HQ hi Rallokap bawi rual le Shan le Kachin ram ah hriamtlai mi hna an si. Mizo ram ah arak phawrh tu CHINMI kan tlai hna ah a dih kho lo mi asi. Rithai sii hi um hlah seh ti kan duh ahcun kan ram ah Rallokap an um ve lo a herh ve.

Mizo unau zong nih Rithai HQ Rallokap tuk awk ah minung le chawva he kan bawmh cang ko uh. Rithai sii zuarnak le chuannak center cu Rallokap an si. Rallokap he a kawp mi UWSA, SSPP, BGFs, ZRA, tbk hna hi an si. Kawlram rithai sii Sipuazi ah pakhat nak cu Kachin, pahnih nak cu CHINRAM ti asi. Mizo nih CHIN mi nan tlaih thawng in Rithai sii zuar hi a dih khawh lailo. Mizo ram ah rithai sii lut hlah seh ti kan duh ahcun MAH le Rallokap cu thah dih a herh, thluk an herh, mipi kut tang ah chiah cang an herh.

MAH te ralhrang hi kan thluk khawh hna lo ahcun Thilman a kai zungzal lai, phaisa a har chin lai, rian aum ti lai lo, kan ram ah Mangṭam atlung lai, Harmegadon ral asi lai caah rang chak tiang thisen a luang lai. Ni fatin kan ei awk tirawl kan pe ko sawh kan ti zong ah ei awk aum ti lai lo.

Pathian sinah rawl ulh in MAH kutin luat awk ah le tirawl tampi um awk ah thla na cam ahcun: CDF CNDF ka thlah cang hna, an mah bia kha ngai ko uh tiah an leh ko hna lai. Keimah ka hal len hlah uh, MAH le ralhrang Rallokap kha cihmih uhlaw, Keimah nih kan um pi hna, Joshua le Galeb caah CNA – CDF / CNDF kan thlah piak hna. Moses bang in bawmhchan uh an kan ti lai. Credit; Zingtincuai Cinzah

Be First to Comment

Leave a Reply

Your email address will not be published.