Chin Ralzam ca Fund Kawl Hlasaknak ah Ting 100 MMK an Hmu

Chin Ralzam ca Fund Kawl Hlasaknak ah Ting 100 MMK an Hmu
———-
Nizan Aizawl khuachung lam cung hmun kip ah an tuahmi Myanmr ralzam ca ah fund kawlpiak hlasaknak ah Rs. 519,000 (Ting 100 MMK) hrawng an hmu. Cu cawlcanghnak ah cun Benjamin Sum zong aa tel ve. The Chin Journal

thawngpang daang relchap : South Korea Cozah Nih CRPH A Pehtlaih Cang
=========================================
Myanmar mipi caah thawngpang tha pakhat a um. Cucu South Korea Cozah nih CRPH a pehtlaihmi a si.

CRPH cu ralkap nih uknak an lakmi duh lo ruangah 2020 thimnak i teinak a hmumi palai hna nih an dirh/sermi Caankarlak Cozah (Parallel, asiloah Interim Government) a si. Hi CRPH hruainak tangah ramthen le ramkulh dihlak ah mipi uknak bu ser cio a si fawn.

Hi caankarlak cozah CRPH hi ramdang nih an cohlan ding hi a biapi taktakmi a si. CRPH nih UN ah Special Envoy in an thlahmi Dr. Sasa zong a si khawh chungin a cawlcang peng. March 20 ah South Korea i Foreign Affairs Committee le South and North Korea Reunification ah Chairman a simi Yoon Sang-hyun nih CRPH in ramleng vuanci a simi Dr. Zin Mar Oo cu phone in a chawnh i Myanmar mipi hna temtuarnak cu kan in tuarpi hna i an cawlcanghnak zong kan cohlan tiah a chim.

Dr. Zin Mar Oo zong nih atu lio i Myanmar ah a cang cuahmah thil kong a chimh pinah atu bantukin pehtlaihnak nan kan tuah caah kan i lawm tiah a chim ve. South Korea cozah nih atu bantukin CRPH an pehtlaihmi cu CRPH hi Myanmar cozah cu nan si tiah kan in cohlan hna tinak a si. Ram dangdang zong nih an cohlan ko lai, a rau ti lai lo. Ramdang le UN nih CRPH hi Myanmar cozah ah an cohlan ahcun ralkap caah rawhralnak ni a phan zau ko lai. Source: RFA