Press "Enter" to skip to content

Chin ram chung khuapi a si timi Thantlang, Hakha, Falam khuapi chung i dinti ca ah tiin tangka tam taktak dih in tuah a si.

Khuami hna nih ti lei ah harnak kan tong ti lai lo ti zong i ruahchih a si. Asinain, hi hna chung ah Falam lawng hi a tluang ti awk a si. Thantlang ca ah Sihcang ram, Khuaiva ti an laak. Ti an har thiamthiam rih. Timerh lu pakhat chungkhar 7 hrawng nih an i hrawm.

Hakha ca ah Timit ti an laak ve. Khua chung mi hna ti an har thiamthiam. Hakha khuachung um zatuak 65% lawng ti an ngah ti a si.Falam ca ah Laiva Dam ti an laak. An nih cu an tluang ngai ti a si. Tedim, Mindat, Matupi zong ti an har ngaingai.

A tang hi relchap duh mi hna caah:

President-elect Joe Biden nih a pumpak tweeter ah December 4,2020 ahkhan, keimah le Vice President-elect Kamala Harris nih american mipi vialte nihhin a lak tein raisikham ichunh khawh dih ding hrim in kan tuah lai tiah a tial. Hi raisikhamnak hi 2021 June hlan ah mipi dihlak nih ichunh dih ding in tolrel asi te lai.

Hi kong he pehtlai in, US ramchung covid -19 raisikham sernak ahhin Moderna le Pfizer hi a tha bik company an si i, an pahnih hin US ramchung ah emergency approval mi an si. Pfizer hi UK zong nih December 4,2020 ahkhan mipi hmang ding ah a hnatlap pi (approved) cang.

US Food and Drug Administration (FDA) zong nih 10 December,2020 ahkhin UK nih a hnatlak pimi kong ah iceih hmai tinak an nei lai. Johns Hopkins University nih tuaktannak in, US ramchung ahhin tuni tiang ah 14million nih covid -19 zawtnak an nei hna i, 276,000 hi an thi cang hna. nizan Friday lawng ah new case 227,885 bak an si hna.
Covid -19 raisikhamnak hi zatuak in minung pakhat chunh ah $35 a dih ding asi.

Relchap ko ri:US Election cu tuchunni tiang buaibainak in a khat i, Democratic Joe Biden lei nih teinak kan hmuh cang an ti na’in, President Trump nih cun Vote dik lo ruangah asi ti’ah kianh a timh loh. Tu December 5, 6 ah hin States kip nih Election Certification cu GSA ah report an pek dih a hau i, Ni 14 December,2020 ah Electoral College nih President ding Votes pekin an thim cang lai. Trump nih cun,EC Votes ka sunghah cun Biden hi President ah ka kianh lai ti’ah a chim cang.

US President sinak dingah zulhding phunglam (Procedure)an nei mi ah cun, General Services Administration(GSA) nih 23 November,2020 ah Presidential transition a onh hnu in, President nih a thimmi Ministers, Security Staffers le Whitehouse Staffs ding Mi- 2000 pawl cu backround Security Checkup tuah ta dih an hau i, a ong mi lawng lawngnih Whitehouse chungah lutkhawhin rian an tuan khoh lai.

President elected an timi Biden nih Ministers-6 le Security Staffers-18 Transition Team pawl cu Trump tangi US Defense Intelligence, National Intelligence Agencies Pawlnih backround zoh/ checknak an tuah duh rih loh ca’ah an buai tuk cang.Trump nih Biden zong Whitehouse chung ah luhter a sianh fawn loh. Tuhlanah cun, First Lady’s”Tea Party” zong 1 December poh ah an hmang tawn na’in, tu Kum cu atu tiangin an hmang rih loh.

Ni.9 November, 2020 ah khan President Trump nih Defense Secretary Mark Esper le bawizik-3 a phuah hnu ah khan, amah mizumh America Indian Kash Patel le American Jewish Mr.Ezra- Cohen Watnick cu Acting Secretary le Under Secretary of Defense for Intelligence & Security ah a chiah hna.

Hi hna pahnih nih hin John Ratcliffe, Director of National Intelligence le Sue Gough, Director of Defense Intelligence tangi backround Security Check Boards cu an thlaih dih. Biden Teams pawl cu zarhhnih leng Checking an tuah duh hna loh.

Joe Biden Transition Team hna hi, spokesman Ned Price le Ex-Director of Defense Intelligence Agency, Vince Stewart nih an hruai hna na’in, Trump Teams lei pawl nih an tuah duh rih hna loh ti’ah Biden Spokesman Ned Price nih a chim/ a au khuang len cang.

Biden nih cun Trump chiahmi John Ratcliffe, Director of NIA hi thlak i, amah thimmi Avril Haines chiah dingin General Services Adm. ah heh ti’ah a hal len hna. Pentagon i DIA le NIA nih Biden Transition Team pawl backround checkup an tuah dih hnu i, an ong hnu lawng lawngah Officials in Cozah rian an thlaih kho fang te hna lai. Cuca’ah, Trump nih Biden hi President ah a pawm hnu in, Order a pek hnu lawngah Biden lei nih Cozah an siam khawh te lai. Election kongah biatak te’in buaibai dawh ding an si rih. Van hngak rih hna usih. Catialtu : MC Biklian

Be First to Comment

Leave a Reply

Your email address will not be published. Required fields are marked *