Press "Enter" to skip to content

Chin Ramkulh Ah Kahdohnak Mei A Alh Thluahmah Cang Lai

Kalaymyo I Ralhrang Chungkhar Hna Cu Y-8 Vanlawng In An Lak Hna: Sagaing ramthen, Kalaymyo ah ralhrang chungkhar hna cu ralhrang ngeihmi Shaanxi-Y8 vanlawng in nihin October 11, zinglei suimilam 11:00 hrawng ah Kalay vanlawng tumnak hmun in an zuanpi hna tiah theih a si.

“Vanlawng a zuan caan hi fiang ten kan thei lo, suimilam 11:00 hrawng a si lai dah, vanlawng a rak tum in minung zeimawzat cu vanlawng cungah an kai i suimilam cheu hrawng a rauh hnuah a zuang than” tiah Kalay khuachung ummi hna nih an chim.

Nizaan zaanlei suimilam 6:30 hrawng zong ah Kalay vanlawng tumnak ah vanlawng pakhat a tum, suimilam cheu hrawng a rauh hnu ah a zuang than tiah an chim chap.

“Nizaan zaanlei suimilam 6:24 hrawng ah vanlawng pakhat a rak tum,voidang cutik caan ah vanlawng a tum bal lo. Cun motor lawng mi 20 hrawng vanlawng tumnak ah cun an lutchuak len. Zaanlei suimilam 6:58 ah cu vanlawng cu a zuang than. Zaan a si cang caah a mei ceumi lawng kan hmuh, zeibantuk vanlawng a si cu kan thei lo” tiah Kalaymyo khuami pakhat nih a chim.

“Kalaymyo in nitlak lei Komaing university sianginn zong ah ralhrang hna nih umhmun an khuar, cun hriamngan zong an bunh” tiah Kalaymyo khuami nih cun Khit Thit Media ah an chim.

Hmuhning: A cunglei thawng hi rel tikah ralhrangbu nih October thla chungah Magway, Sagaing le chin ramkulh lak dih an timh timi bia a lengmi kha a hmaan ko ti a fiang. Kan theih cio bangin Chin ramkulh ah ralhrang mawtaw tampi an kai.

Ralhrang hna nih cun lampi ah an duh paoh in meithal an kah an puah ruangah Kalay-Hakha lampi kam ah a ummi Zawlnu khua baptist pastor pa lo ah rian a tuanmi kum 15 ngakchia cu a khuk ah kuanfang nih a khen. Varung kha pawng zongah lamchak le lamthlang i chawlbuk a that deuhnak paoh cu hriamngan he hriam hme he an kah len tiah Zalen nih cun a tial.

The Irrawaddy nih cun “Nawlngeihnak lakmi duh loin hriamtlaih in dohnak tuahtu Magway, Sagaing le Chin ramkulh hna cu October laifang hrawngin biatak tein kah dingin timhtuahnak a ngei. Cu kahdohnak ah cun အမှတ် (၁) စစ်ဆင်ရေး အထူးအဖွဲ့မှူး ဒုဗိုလ်ချုပ်ကြီး တေဇာကျော် (Tay Za Kyaw) le ramchung vuancizung vuanci changtu, အမှတ် (၆) စစ်ဆင်ရေး အထူးအဖွဲ့မှူး ဒုဗိုလ်ချုပ်ကြီးသန်းလှိုင် (Than Hlaing) nih an hruai lai” tiah a tial.

Cucaah Chin ramkulh ah kahdohnak mei a alh thluamah cang lai ti a lang. A hlan nakin mipi kan i ralrin deuh a hau. Pathian nih kan miphun ralkap CNA / CDF hna hmangin teinak kan pe hram ko seh!

Thawng dang: Htee Chianh (ထီးချိုင့်) ah ralhrang hna nih thazaang tamtuk hmangin Laytha(လေသာ)khua an luhhnawh, PDF cheukhat hna le sualnak ngeilo mipi hna cu ralhrang nih an thah hna. Sagaing ramthen, Thichait(ထီးချိုင့်) peng ah ralhrang phu hna nih thazaang tamtuk hmang in Layta(လေသာ) khua cu an luhhnawh, PDF cheukhat le mipi hna cu an thah hna.

Khuami pakhat nih “Ralhrang phu lei minung zaa renglo nih an luhhnawh hna, khuachungah hriamngan in an kah hna, khuachung mi sualnak ngeilo mipi minung 4 hrawng an thah hna. PDF phu nih khuachung lut ralhrang hna cu an doh hna caah minung 4 an nunnak a liam ve. A tu tiang ah ralhrang phu hna nih an duhnak hmunpoh an kah, khuachung ah ralhrang phu an um, checkhlat nak le thilri chuhnak zong an tuah” tiah a chim.

Ralhrang hna nih Htee Chianh (ထီးချိုင့်) peng, Layta (လေသာ) khuachung ah luhhnawh in le pawngkam khua hna zong ah thazaang tampi chap in lut ding dirhmun an ai tiah khuami hna cu an zaam hna tiah theih a si. Ref: Khit Thit Media. By. Anna Par

Be First to Comment

Leave a Reply

Your email address will not be published.