Press "Enter" to skip to content

Chin Ramkulh caah Vice President Dr. Henry Van Thio nih zei bantuk dah a tuan’Na theih cang maw.

2016 kum hlan deuh Thantlang peng hi a dang pengtlang bantuk in thanchonak lei ah khul a nuar mi peng a si. 1988 hnu lei ah ramkip ah a pem mi zong Thantlang peng hi a tam bik an si. Cu tik ah fimcawnnak le pumpak rian tuannak lei zong ah an van thang cho ngaingai. cu tik ah khaute kip zong ah that hnemank tampi a chuahpi. hihi Ramleeng khuasa hna zuamnak nih athat pimi thanchonak a si. Asinain Chungkhar le peng le tlang thanchonak ding ah sakremhnak (Infrastructure) ah hlawh tlinnak taktak a si kho lo.

2016 thawk in Thantlang peng ah sakaremhnak (Infrastructure) tampi a hung um. Thantlang peng sii inn, mizaw ihkhun 25 tlum in inkhun 50 tiang tlum sii in sak a hung si. Hakha peng in siseh Electric mei (မဟာဓါတ်အားလိုင်း) mei tha tha kan hmuh. Fimcawnnak ah tanghra sung an tamnak peng a si caah peng mino hna fimcawnnak ding ah စက်မှုလက်မှု sianginn aa kan tuah piak. Thanttlang peng ah dinti peknak ah 2.9 billion in aa kan tuah piak. cu lawng si loin Thantlang ah Thantlang in thlanglei laitlang Matupi lei pehtlaihnak bawinu tiva pi hlei zong aa kan tuah piak. Hi Bawinu va hlei nih Chin Ramkulh chak le thlang laitlang nih aa kan pehtlaih ter tu lam tha taktak a hung si.

Vice President nih a chuah kehnak Thantlang peng Tikir khua ah Tidil cu 2016-2017 tangka kum ah aa kan thawk piak khawh. Hi Tidil pi hi ralkap a rak tuan lio tein saduh a rak thah bal mi a si. စက်မှုဝန်ကြီး Department zung in Virginia စက်ရုံမှူး zong a rak tuan. Sifak santlai lo khua thanchonak ding ah sau nguh mi thanchonak Tidil tuah khawh ahcun kan thawchuah a tha deuh tuk lai tiah a rak ruah. Ramdang a um lio zong ah hi Tidil pi tuah ding ah lam a phunphun in a rak kawl. 2015 kum thimnak ah NLD in aa cuh lai zong ah teinak ka hmuh ahcun hi Tidil pi dil khawh ding in ka zuam lai tiah saduh thahnak ngan a rak ngei. Hi Tildil hi Vice President dirhmun a phak hnu lawng ah a tuah mi a si lo. A a hlan pi in khua mi hna thazaang in rak tuah cang mi a si. cu tik ah Vice President dirhmun a phak in tha tein an pehzulh khawh mi le an lim mi tu a si.

2016 kum ah Vice President dirhmun a hun phanh tik ah kum tamtuk saduh a rak thah mi Tikir Tidil pi cu an van pehzulh khawh. 2016-2017 tangka kum in an thawk. 2017-2018 tangka kum an an lim. 2019 January 20 ni ah onnak an tuah. Hi onnak ah Rampi ruahnak petu Daw Augn San Suu Kyi zong nih a tel pi hna i upatnak le lunglawmhnak bia zong a rak chim.

Hi Tidil saknak ding ah a dih mi hi 3 billion a si. Electric mei le tipek nakding ah 2 billion a si.a dihlak 5.234 billion a si. Hi Tidil pi hi 1365/ ဧက/pe tluk a si. Tikir khua kiangkap um khua 8 hna zong duhdim tein dinti a pek khawh hna ding a si. Meitha 50ကီလိုဝပ် a ngei mi zong an chiah khawh, thal caan zong ah khuate 3 tluk a pe kho mi thazaang a ngei. Fur caan ahcun metha a tam lawng si loin ti a liam mi nih cinthlaknak caah tampi a pek khawh rih. Cu cinthlaknak cu tlangcung leikuang a si i leikuang 108.88 ဧက a pek khawh ding a si i a tu cu 98ဧက lawng a pek rih. Hi tidil pi ah nga phun an zuat rih. a duh mi nih zalong tein sio zong thlak khawh a si.

Tikir Dam pwng ah ah Japan ram Sakura Foundation bawmhnak in Japan Cherry kung 1400 le မာဘယ်လ် kung 4000 a dihlak 5400 an cin. Hi Tidil pawng ah cin mi thingkung hna an par tik ahcun Chin ram a dawhter tu tha taktak a si lai. Ramchung ramleeng ah khual chuak;ut an tam lai. Hi Tidil pawng ah Japan Cherry kung laitlang a phak khawh nakding ah ah Pyidawngsu Minsiter U Ung Maung zong nih tuanvo a rak ka pek bal ve. Tikir le a pawngkam khua caah tha hnem santlai a si lai tiah ruahchannak ngan a um.

Tikir Dam hi Chin Ramkulh Tidil a pahnihnak a si. Pakhatnak ah Falam peng um Laiva tidil a si. Hi Tidil zong hi Chin Ramkulh Chief Minsiter Salai Lian Luai tlangtlaknak in in tuan chuah mi a si. Hi Laiva tidil caah budget 4.45 billion a dih. Ara lai mi Cozah term chung ah Matupi le sami kar lam zong Kattaza an phah piak cang hna lai. Palawa tiva hleipi zong 27 bilion dih in an tuah cang bantuk in Falam Surbung vanlawng bual zong 37 billion dih in an ser cang.

Vice President Van Thio hi tinh mi fiang tein a ngei mi a si. alam kip in hnu a thlai mi tlangcung khausa mi, pengkip herhbau nak vialte a lam kip in a zuam mi le tampi rian a tuan mi a si. Khuakip ah thanchonak a um lo ahcun Democaracy hlawhtlin a har ngai. A fek mi Democracy a um lo ahcun thanchonak tatak a um kho lo. A fek mi Democracy le thanchonak a um lawng ah a fek mi federal uknak hmuh lam a fawi lo.
Cre: Salai Isaac Khen
By:Ro Lian Thang

Be First to Comment

Leave a Reply

Your email address will not be published. Required fields are marked *