Press "Enter" to skip to content

Chin ramkulh kahdohnak ah an hawilei bawmh dingin a kaimi ralhrang hna cu a thimi le hliam tuarmi an tam caah Kalay ah an kir than

An Hawile Bawmh Dingah A Ra Mi Ralhrang 10 An Thi, Hliamtuar An Tam..
Chin rakulh Falam peng kahdohnak ah ralhrang lei a thimi an karh chin lengmang. Cu ruangah Kalaymyo lei in bawmtu ding ralhrang zeimawzat hna cu mawṭaw ngan pathum le Sniper meithal aa telmi mawṭaw hme pahnih an rak kai chap.

Cu hna cu Jan 17, tuni zinglei suimilam 10:30am hrawngah CNA,CDM Siyin, PDF Zoland, Zongam Army, CDF KKG-2 nih an kah hna i ralhrang 10 an thi, hliam a tuarmi zong an tam ngai tiah Civic Defence Militia (CDM) – Siyin nih an thanh. Ralhrang hna cu an lan ngam ti lo i Kalaymyo lei ah an kir ṭhan tiah Civic Defence Militia (CDM) – Siyin nih an thawngthanhnak ah an langhter.

Jan 17, Falam peng Lungbang khua kahdohnak zongah CNDF nih ralhrang 6 an thah hna tiah theih a si. Jan 14 kahdohnak zongah CNA,CDM Siyin, PDF Zoland, Zongam Army, CDF KKG-2 ralkap hna cu ralhrang nih raldohnak vanlawng in a kah hna tiah theih theih a si. Ref: Civic Defence Militia (CDM) – Siyin crd the chin post.

relchap.thawngdang…KNU Brigade 5 hmunhma, Mutraw (Phapon) pengkomh, Mepali khua um BGF sakhan cu KNLA Brigade 5, Battalion 102 phu hna nih January 16 ni ah an kah hna i an sakhan cu an duah piak hna tiah theih a si.

Cu sakhan cu BGF Battalion 1014 sakhan pakhat a si i an kah hnu ah mei duah in an hrawh piak an si tiah KNLA Brigade 5 sin in theih a si. Cu kahdohnak ah KNLA lei in 2 hliam an tuar i BGF a thi mi le a hliam mi cazin cu fiang in kan thei kho rih lo tiah an chim. Khit Thit Media, the chin post

Be First to Comment

Leave a Reply

Your email address will not be published.