Press "Enter" to skip to content

China Sizung I Sibawi Te Nih An Hnabei A Dong I Kawlram Ah An Kuat Mi Chin Nungak Cu Chinram Ah Zohkhenh Cuahmah A Si

Chin ramkulh Tedim peng Saizang khua i a um mi Vungpi ( kum 19 )minung cu ka hnu thla ah khan riantuan ding in China ah a rak kal ve i vanchiat ah China a phanh hnu can sau lo ah Vun zawtnak nak in a zaw. Vun zawtnak a tuar mi cu, a zual thluahmah i a vun cu a kang thluahmah i a mah zong chawnh awk thalo dirhmun ah a chuak cang ti a si.

China ram Shanghai khuapi i pituh sizung ah luhpi le theitawk chuah in zohkhenh cuahmah lio a si nain, sizung i an tuamhlawm hnu zong a dam kho hlei ti loh i ruahchan nak a tlawm caah Vungpi cu Myanmar ah tlunpi a si.

November 22 ah Tedim khuapi phanhpi a si i, Chawnh awk tha rih lo in sizung ah luhpi colh a si. Tedim sizung ah zarh 2 chung Dr.Aung Maung nih a zohkhenh i, tuchun December 8 ahcun dam tein Sizung a chuah tak khawh cang.

China in Myanmar a panh nak dingah siseh,Myanmar a um hnu zong ah China i a um mi Chinmi pawl nih bomh nak tangka an kuat lengmang i a hleice in China i a um mi Zomi pawlkomh pawl nih Myanmar a phanh khawh nak ding le sizung a umnak hrang ah tiin a herh mi chawva tampi an bomh.

A hohmanh nih a dam khawh than an zumh ti lo mi a sinain, tu ahcun Vungpi cu a dam tha cang i Sizung a chuahtak khawh cang. A hmai vun belte cu a hlan bantuk a si kho rih loh i lenglei ah a herh mi le sii ai cu zohkhenh than ding a si. Credit : Vapual Auaw

Be First to Comment

Leave a Reply

Your email address will not be published. Required fields are marked *